MMG LXML Sepon ສືບຕໍ່ປະກອບສ່ວນເຂົ້າໃນການບັນລຸບັນດາເປົ້າໝາຍຫລຸດຜ່ອນຄວາມທຸກຍາກຂອງປະຊາຊົນໃນເຂດໂຄງການ
ໜຶ່ງໃນນັ້ນກໍແມ່ນການສະໜັບສະໜູນໃຫ້ບັນດາກຸ່ມທຸລະກິດໃນເມືອງວິລະບູລີ
ແຂວງສະຫວັນນະເຂດ ມີລາຍຮັບຫລາຍກວ່າ 1,7 ລ້ານໂດລາສະຫະລັດ ຈາກການສະໜອງສິນຄ້າ
ແລະ ການບໍລິການໃຫ້ແກ່ບໍ່ຄຳເຊໂປນ ໃນປີ 2012.
ນັບແຕ່ບໍ່ຄຳເຊໂປນໄດ້ເຂົ້າມາດຳເນີນການຜະລິດແຮ່ທາດຢູ່ທ້ອງຖິ່ນແຫ່ງນີ້
ໂດຍສະເພາະນັບແຕ່ປີ 2003 ເປັນຕົ້ນມາ ບໍ່ຄຳເຊໂປນໄດ້ຊ່ວຍປະຊາຊົນທ້ອງຖິ່ນສ້າງຕັ້ງກຸ່ມທຸລະກິດຂະໜາດນ້ອຍທີ່ສາມາດສະໜອງສິນຄ້າເຊັ່ນ:
ອາຈານ, ເຄື່ອງແບບພະນັກ ງານ ແລະ ການບໍລິການອະນາໄມ ແລະ ຊັກລີດ ເພື່ອເປັນການສະໜັບສະໜູນຊຸມຊົນທ້ອງຖິ່ນມີວຽກເຮັດງານທຳ
ແລະ ມີລາຍຮັບ.
ໃນປີຜ່ານມານີ້, ມີກຸ່ມທຸລະກິດ 17 ກຸ່ມ ທີ່ແຕກຕ່າງກັນ
ເພື່ອເຮັດວຽກສະໜອງການບໍລິການ ແລະ ຜະລິດຕະພັນຕ່າງໆໃຫ້ແກ່ບໍ່ຄຳເຊໂປນ
ເຊິ່ງເຮັດໃຫ້ປະຊາຊົນຫລາຍກວ່າ 200 ຄົນ ຈາກເມືອງວິລະບູລີສາມາດສ້າງລາຍຮັບ
ເພື່ອລ້ຽງຊີບຂອງເຂົາເຈົ້າໄດ້ຈາກກຸ່ມທຸລະກິດເຫລົ່ານັ້ນ.
ຜູ້ຮັບຜິດຊອບວຽກງານດັ່ງ ກ່າວຂອງບໍຄຳເຊໂປນ
ເວົ້າວ່າ: “ໃນເວລາທີ່ກຸ່ມທຸລະກິດໄດ້ສ້າງຕັ້ງຂຶ້ນທຳອິດ
ພວກເຮົາໄດ້ຊ່ວຍເຝິກອົບຮົມດ້ານວິຊາການ ແລະ ການບໍລິຫານທຸລະກິດໃຫ້ສະມາ ຊິກຂອງກຸ່ມ.
ເມື່ອທຸລະກິດຂອງເຂົາເຈົ້າເຕີບໃຫຍ່ຂຶ້ນ ພວກເຮົາຈະຊ່ວຍເຂົາເຈົ້າທາງດ້ານການປັບປຸງຜະລິດຕະພັນ,
ວິວັດທະນາການທຸລະກິດໃໝ່ໆ ແລະ ການຂະຫຍາຍຕະຫລາດ ຄືໄລຍະປີ 2012 ພວກເຮົາໄດ້ນຳເອົາສະມາ
ຊິກຂອງກຸ່ມທຸລະກິດປູກຜັກໄປທັດສະນະສຶກສາຢູ່ວິສາຫະກິດການກະສິກຳ ແຂວງຈຳປາສັກ
ເພື່ອຮຽນຮູ້ການຜະລິດທີ່ດີເລີດ ແລະ ການປັບປຸງຜະລິດຕະພັນ ແລະ ມາຮອດປັດຈຸບັນນີ້
ກຸ່ມທຸ ລະກິດປູກຜັກມີເຮືອນຮົ່ມ 12 ຫລັງ ແລະ ພວມດຳເນີນໄປໄດ້ດີຫລາຍ ເຊິ່ງເຮືອນຮົ່ມເຫລົ່ານີ້ສາ
ມາດເຮັດໃຫ້ການຜະລິດຜັກດີຂຶ້ນກວ່າເກົ່າໃນໄລຍະລະດູຝົນ”.
ນອກຈາກສາມາດເພີ່ມລາຍຮັບໃຫ້ກຸ່ມທຸລະກິດເຫລົ່ານີ້ໄດ້ແລ້ວ
ການເຝິກອົບຮົມດ້ານການພັດທະນາທຸລະກິດຍັງຊ່ວຍຍົກລະດັບຄວາມຮູ້ຄວາມສາມາດໃຫ້ປະຊາຊົນທ້ອງຖິ່ນ
ເພື່ອເຂົາເຈົ້າ ສາມາດສືບຕໍ່ນຳໃຊ້ພາຍຫລັງບໍ່ຄຳເຊໂປນຈະໄດ້ປິດລົງໃນທີ່ສຸດ.
ລາຍຮັບລວມທັງໝົດຂອງກຸ່ມທຸລະກິດທ້ອງຖິ່ນນັບແຕ່ປີ
2003 ເປັນຕົ້ນມາ ແມ່ນຫລາຍກວ່າ 13 ລ້ານໂດລາສະຫະລັດ ແລະ ບໍ່ພຽງເທົ່ານີ້ ໃນອະນາຄົດບໍ່ຄຳເຊໂປນຈະສືບຕໍ່ໃຫ້ບູລິມະສິດໃນການສະໜັບສະໜູນບັນດາກຸ່ມທຸລະກິດ
ແລະ ຜູ້ສະໜອງທ້ອງຖິ່ນອື່ນໆອີກດ້ວຍ.
No comments:
Post a Comment