ໃນງານວາງສະແດງທ່ອງທ່ຽວອາຊຽນ ຄຽງຄູ່ກັບກອງປະຊຸມລັດຖະມົນຕີທ່ອງທ່ຽວ
ອາຊຽນຄັ້ງທີ 32 ທີ ສປປ ລາວໄດ້ຮັບກຽດເປັນເຈົ້າພາບແຕ່ວັນທີ 18-24 ມັງກອນ
2013 ນີ້ຢູ່ທີ່ສູນການຄ້າລາວໄອເຕັກ, ນະຄອນຫລວງວຽງຈັນ ແລະ ຈະມີຜູ້ເຂົ້າຮ່ວມ
400 ກວ່າພາກສ່ວນ, ຈາກ 10 ປະເທດ ອາຊຽນລວມ ທັງ ສປປ ລາວ, ມີທັງໝົດເກືອບ 500 ຮ້ານຊຶ່ງລື່ນຄາດໝາຍທີ່ກຳນົດໄວ້,
ທັງລື່ນມາດຖານຂອງອາຊຽນກຳ ນົດອອກຄື: ໃຫ້ຢູ່ໃນລະຫວ່າງ 400 ຫາ 450 ຮ້ານຂັ້ນສູງສຸດ
ທ່ານ ຈະເລີນ ວາລິນທະລາສັກ, ລັດຖະມົນຕີຊ່ວຍວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ (ຖວທ) ໄດ້ໃຫ້ສຳພາດ ໃນວັນທີ 11 ມັງ ກອນ 2013 ນີ້ວ່າ:ການຈັດງານວາງສະແດງໃນຄັ້ງນີ້
ບັນດາຫົວ ໜ່ວຍທຸລະກິດຂອງ 10 ປະເທດ ອາຊຽນ ທີ່ມາວາງສະແດງນີ້ມີຄວາມໝັ້ນໃຈສູງ
ທີ່ຈະໄດ້ຍາດເອົາໂອກາດໃນຄັ້ງນີ້ ເພື່ອໂຄສະ ນາຜະລິດຕະພັນການທ່ອງທ່ຽວຂອງຕົນ
ໃນການພົບປະຊື້-ຂາຍກັບຄູ່ຮ່ວມສັນຍາທາງທຸລະກິດ ທີ່ມາຈາກທົ່ວ
ໂລກ ທັງນີ້ກໍຍ້ອນວ່າເຮົາໄດ້ເຊີນບັນດາບໍລິສັດທ່ອງທ່ຽວໃຫຍ່ລະດັບໂລກເຂົ້າຮ່ວມຈຳນວນ
400 ກວ່າບໍລີສັດໃນນັ້ນເຮົາຮັບພາລະຄ່າໃຊ້ຈ່າຍໃຫ້ 300 ກວ່າຮ້ານ, ຈ່າຍເອງ
62 ຮ້ານ, ສຳລັບຮ້ານວາງ ສະແດງຂອງ ສປປ ລາວ ແມ່ນຈະໄດ້ວາງສະແດງຮູບຈຳລອງຫໍຫຼັກເມືອງ
ເພື່ອເປັນຈຸດດຶງດູດຄວາມສົນໃຈຂອງຜູ້ເຂົ້າມາຮ່ວມງານ ພ້ອມນີ້ຍັງຈະໄດ້ແຈກຢາຍບັນດາສິ່ງພິມ
ໂຄ ສະນາການທ່ອງທ່ຽວທາງດ້ານວັດທະນະທຳ ແລະ ປະຫວັດສາດຂອງລາວ ພ້ອມທັງ ຕິດຮູບພາບບັນດາແຫລ່ງທ່ອງທ່ຽວທີ່ສຳຄັນໃນທົ່ວປະເທດ,
ນອກນັ້ນ ຍັງມີຮ້ານວາງສະແດງຂອງບັນດາຫົວໜ່ວຍທຸລະກິດໃນຂະແໜງການທ່ອງ ທ່ຽວຂອງລາວຈຳ
ນວນເກືອບ 30 ຮ້ານທີ່ນຳເອົາຜະລິດຕະພັນການທ່ອງທ່ຽວ, ລາຍການທ່ອງທ່ຽວ ແລະ ການບໍລິການມາໂຄສະນາ,
ພິເສດກຸ່ມບໍລິສັດດາວເຮືອງ, ບໍລິສັດເບຍລາວ ແລະ ທະນາຄານການຄ້າຕ່າງ ປະເທດລາວ
ກຈະໍໄດ້ນຳເອົາຜະລິດຕະພັນ ແລະ ການບໍລິການໃໝ່ໆມາວາງສະແດງເຊັ່ນກັນ, ຊຶ່ງທ່ານລັດຖະມົນຕີຊ່ວຍວ່າການ
ຖວທ ຍັງກ່າວຕື່ມອີກວ່າພາຍຫລັງສຳເລັດການ ວາງສະແດງດັ່ງກ່າວ ເຮົາຈະໄດ້ນຳພາບັນດາບໍລິສັດທ່ອງທ່ຽວ
ແລະ ສື່ມວນຊົນດ້ານການທ່ອງ ທ່ຽວຈຳນວນໜຶ່ງໄປທ່ອງທ່ຽວ ແຂວງຫລວງພະບາງ ແລະ
ແຂວງຈຳປາສັກ ໂດຍມີຈຸດປິສົງເພື່ອໂຄສະນາການທ່ອງ ທ່ຽວ 2 ແຂວງແນໃສ່ດຶງດູດນັກທ່ອງທ່ຽວໄດ້ເດີນທາງມາທ່ອງທ່ຽວຢູ່
ສປປ ລາວໃຫ້ນັບມື້ນັບຫລາຍຂຶ້ນ.
No comments:
Post a Comment