ລາວໂທລະຄົມມອບລົດຈັກໃຫ້ລູກຄ້າຜູ້ໂຊກດີໄດ້ຮັບລາງວັນຈາກໂຄງການຂູດບັດຊີງໂຊກຈຳນວນ 2 ຄັນ

    ວັນ​ທີ 18 ມັງກອນ​ນີ້, ລາວ​ໂທ ລະ​ຄົມ​ ​ໄດ້​ມອບ​ລົດຈັກ​ຈຳນວນ​ສອງ​ຄັນ​ໃຫ້​ກັບ​ລູກ​ຄ້າ​ຜູ້​ໂຊກ​ດີ​ທີ່​ຖືກ​ລາງວັນ​ຈາກ​ການ​ຂູດ​ບັດ​ຕື່ມ​ເງິນ​ ​ໃນ​ໂຄງການ “ຂູດ​ບັດ​ຊີງ​ໂຊກ” ​ເຊິ່ງພິທີ​ໄດ້​ຈັດ​ຂຶ້ນຢູ່ຕະ ຫລາດ​ວັງ​ທອງ 450 ປີ ​ໃນ​ນະ ຄອນຫລວງ​ວຽງ​ຈັນ ​ໂດຍ​ທ່ານ ວັນນະ​ເດດ ວັນນະ​ວົງ ຮອງ​ຫົວ ໜ້າ​ພະ​ແນ​ກການ​ຕະຫລາດ ​ໄດ້​ມອບ​ໃຫ້​ທ່ານ​ນາງ ຄອນ​ສະຫວັນ ພູ​ດາ​ວົງ ຢູ່ບ້ານ​ທາດຫລວງ​ໃຕ້ ເມືອງ​ໄຊ​ເສດ​ຖາ ນະຄອນຫລວງ​ວຽງ​ຈັນ ​ເຈົ້າຂອງ​ນ້ຳ​ເບີ​ໂທລະ ສັບ​ໝາຍ​ເລກ 58706047 ​ໄດ້​ຮັບ​ລາງວັນ​ລົດຈັກ Honda Wave 100 ຈຳນວນ 1 ລາງວັນ ຈາກ​ການ​ຂູດ​ບັດ​ຕື່ມ​ເງິນ ລາຄາ 50.000 ກີບ, ສ່ວນ​ຜູ້​ທີ 2 ​ໄດ້​ແກ່​ທ່ານ ລຳ​ພອນ ມານະ​ທຳ ຢູ່ບ້ານ​ໂພ​ສີ ​ເມືອ​ງຫາດ​ຊາຍ​ຟອງ ນະ ຄອນຫລວງ​ວຽງ​ຈັນ ​ເຈົ້າຂອງ​ນ້ຳ​ເບີ​ໂທລະສັບ​ໝາຍ​ເລກ 55663545 ​ໄດ້​ຮັບ​ລາງວັນ​ເປັນ​ລົດຈັກ Honda Wave 100​ ​ເຊັ່ນ​ດຽວ​ກັນ ຈາກ​ການ​ຂູດ​ບັດ​ຕື່ມ​ເງິນ ລາຄາ 100.000 ກີບ.

    ສຳລັບ​ລົດຈັກ​ທີ່​ນຳ​ມາ​ມອບ​ໃຫ້ລູກ​ຄ້າ​ໃນ​ເທື່ອ​ນີ້​ເປັນ​ຄັນ​ທີ 114. ນອກ​ນັ້ນ ຍັງ​ມີ​ເຄື່ອງ​ລາງ ວັນ​ອື່ນໆ​ອີກ​ຢ່າງ​ຫລວງຫລາຍ ແລະ ລໍຖ້າ​ທ່ານ​ເປັນ​ເຈົ້າຂອງ​ຢູ່ ໂດຍ​ສະ​ເພາະ​ລາງວັນ​ໃຫຍ່​ເຊັ່ນ: ລົດ TOYOTA Fortuner ຍັງ​ອີກ 1 ຄັນ ​ແລະ ລົດ Hyundai Accent Blue 1 ຄັນ.

    ​ໂຄງການ​ຂູດ​ບັດ​ຊີງ​ໂຊກ​ຂອງ​ລາວ​ໂທລະ​ຄົມ​ທີ່​ເລີ່​ມມາ​ແຕ່​ວັນ​ທີ 25 ພະຈິກ 2011 ມີ​ລາງວັນ​ລວມ ທັງ​ໝົດ 160.000 ກວ່າ​ລາງວັນ. ນັບ​ແຕ່​ເລີ່​ມຕົ້ນ​ໂຄງການ​ນີ້​ເຖິງ​ປັດຈຸບັນ ມີ​ລູກ​ຄ້າ​ຖືກ​ລາງວັນ​ຈາກ​ລາວ​ໂທລະ​ຄົມ​ແລ້ວ 50.644 ລາງວັນ ​ເຊິ່ງ​ໃນ​ນັ້ນ ຢູ່​ນະຄອນ ຫລວງ​ວຽງ​ຈັນ​ມີ 22.077 ລາງ ວັນ ​ເປັນ​ລາງວັນ​ລົດ TOYOTA Fortuner 1 ຄັນ, Hyundai Accent Blue 1 ຄັນ, ລົດຈັກ Honda Wave 100 ຈຳນວນ 53 ຄັນ, ລົດຈັກ YAMAHA FINO 1 ຄັນ, I-Pad 51 ​ເຄື່ອງ, I-Phone 55 ​ເຄື່ອງ, Computer Laptop ແລະ Netbook Samsung ຈຳ ນວນ 103 ​ເຄື່ອງ ​ແລະ ລາງວັນ​ອື່ນໆ​ອີກ, ສ່ວນ​ຢູ່ສາຂາ​ແຂວງ​ທົ່ວ​ປະ​ເທດ​ມີ 28.567 ລາງວັນ ເປັນ​ລາງວັນ​ລົດຈັກ Honda Wave 100 ຈຳນວນ 61 ຄັນ, I-Pad 57 ​ເຄື່ອງ, I-Phone 48 ເຄື່ອງ, Computer Laptop ​ແລະ Netbook Samsung ຈຳນວນ 82 ​ເຄື່ອງ ​ແລະ ລາງວັນ​ອື່ນໆ​ອີກ.