ໃນໂອກາດທີ່ ສປປ ລາວ ເປັນເຈົ້າພາບຈັດກອງປະຊຸມ ທ່ອງທ່ຽວອາຊຽນຄັ້ງທີ
32 (ATF-32) ລະຫວ່າງວັນທີ 18-24 ມັງກອນນີ້, ໃນກອງປະຊຸມດັ່ງ ກ່າວແມ່ນໄດ້ມີຫລາຍກອງປະ
ຊຸມຍອຍປິ່ນອ້ອມ, ສະເພາະໃນ ລະຫວ່າງວັນທີ 18 -19 ມັງກອນ ຜ່ານມານີ້ ຢູ່ໂຮງແຮມດອນຈັນ ພາເລດ
ນະຄອນຫລວງວຽງ ຈັນຈຶ່ງໄດ້ຈັດກອງປະຊຸມປະ ຈຳປີຂອງສະມາຄົມ ໂຮງແຮມ ແລະ ຮ້ານອາຫານອາຊຽນ
(AHRA), ກອງປະຊຸມອົງການທ່ອງທ່ຽວແຫ່ງຊາດອາຊຽນຄັ້ງທີ 37 ແລະ ກອງປະ ຊຸມຄະນະບໍລິຫານງານ
ແລະ ກອງ ປະຊຸມໃຫຍ່ປະຈຳປີ ຂອງສະຫະ ພັນແຫ່ງສະມາຄົມການທ່ອງ ທ່ຽວອາຊຽນ (FATA).
ສຳລັບກອງປະຊຸມປະຈຳປີ ຂອງສະມາຄົມໂຮງແຮມ ແລະ ຮ້ານອາຫານອາຊຽນ
(AHRA) ແມ່ນໄດ້ມີການປຶກ ສາຫາ ລືຫຼາຍບັນຫາທີ່ກ່ຽວພັນກັບທ່າແຮງ ດ້ານການລົງທຶນຂອງໂຮງແຮມ
ແລະ ຮ້ານອາຫານໃນບັນດາປະ ເທດສະມາຊິກ ອາ ຊຽນເປັນຕົ້ນ: ດ້ານເສດຖະກິດ, ຄວາມໝັ້ນ ຄົງ, ການເມືອງ
ແລະ ທ່າແຮງຂອງ ການທ່ອງທ່ຽວ. ເພື່ອແນໃສ່ເຮັດ ໃຫ້ການ ທ່ອງທ່ຽວອາຊຽນລວມສູນເປັນອັນດຽວກັນ,
ເຮັດໃຫ້ມີ ການໂຄສະນາຮ່ວມກັນ, ບັນດາ ໂຮງແຮມ ແລະ ຮ້ານອາ ຫານໃນປະເທດສະມາຊິກອາຊຽນມີການພົວພັນກັນທັງນີ້ກໍເພື່ອກະກຽມ
ເຂົ້າເປັນປະຊາຄົມອາຊຽນ ໃນປີ 2015.
ທ່ານ ອຸເດດ ສຸວັນນະວົງ ປະ ທານສະມາຄົມໂຮງແຮມ ແລະ
ຮ້ານອາຫານອາຊຽນທັງເປັນ ຮອງປະທານສະ ມາຄົມໂຮງ ແຮມ ແລະ ຮ້ານອາຫານລາວ ກ່າວວ່າ:ຢູ່ ສປປ ລາວ
ຕົວເລກ ນັກທ່ອງທ່ຽວເພີ່ມຂຶ້ນທຸກປີແຕ່ ວ່າການຂະຫຍາຍ ຕົວຂອງໂຮງແຮມ ແລະ ຮ້ານອາຫານແມ່ນມີ
ໜ້ອຍ ແລະ ບໍ່ເປັນ ລະບົບ,ດັ່ງນັ້ນ ກອງປະຊຸມຄັ້ງນີ້ ຈະເຮັດໃຫ້ ສປປ ລາວ ໄດ້ແລກປ່ຽນບົດ
ຮຽນກັບຫລາຍປະເທດໃນອາ ຊຽນເພື່ອແກ້ໄຂບັນຫາດັ່ງກ່າວ ແນ່ໃສ່ວາງຄາດໝາຍໃຫ້ມີລາຍ ຮັບຈາກ ການທ່ອງທ່ຽວເພີ່ມຂຶ້ນ
ເປັນ 1 ຕື້ໂດລາ/ປີ ໃນປີ 2015 ຊຶ່ງປັດຈຸບັນມີພຽງ 400 ລ້ານໂດ ລາ ຕໍ່ປີ.
ສຳລັບກອງປະຊຸມອົງການທ່ອງທ່ຽວແຫ່ງຊາດອາຊຽນ ຄັ້ງທີ
37 ແມ່ນພາຍໃຕ້ການເປັນ ປະທານຂອງທ່ານ ຈະເລີນ ວາ ລິນທະລາສັກ ລັດຖະມົນຕີຊ່ວຍ ວ່າການກະຊວງຖະແຫລງຂ່າວ,ວັດທະນະທຳ
ແລະ ທ່ອງທ່ຽວ ໂດຍກອງປະຊຸມໄດ້ທົບທວນ ແລະ ຮັບຮອງແຜນຍຸດທະສາດ ທ່ອງທ່ຽວອາຊຽນ ປີ
2011- 2015, ຮັບຟັງບົດລາຍງານ ແລະ ທົບທວນກອງປະຊຸມສຸດຍອດ ອາຊຽນ ຄັ້ງທີ 21, ຮັບຟັງບົດລາຍ
ງານການກະກຽມໃຫ້ແກ່ກຸ່ມທຸ ລະກິດ, ພິຈາລະນາບົດລາຍງານ ຂອງຄະນະກຳມະການ ແລະ ກຸ່ມຮ່ວມມືດ້ານການທ່ອງທ່ຽວອາຊຽນ,
ບົດລາຍງານກອງປະຊຸມ ຄົມມະນາຄົມການຕະຫລາດ ແລະ ການທ່ອງທ່ຽວອາຊຽນ ຄັ້ງທີ 4, ບົດລາຍງານກອງປະ
ຊຸມການພັດທະນາຜະລິດຕະພັນການທ່ອງທ່ຽວຄັ້ງທີ 4, ບົດລາຍງານກອງປະຊຸມຄຸນນະພາບ ການທ່ອງທ່ຽວອາຊຽນຄັ້ງທີ
4, ບົດລາຍງານກອງປະຊຸມຄະນະກຳມະການຕິດຕາມວຽກງານທ່ອງທ່ຽວ, ທົບທວນ ຜົນກອງປະ ຊຸມຂອງຄະນະກຳມະການທ່ອງທ່ຽວດ້ານງົບປະມານ,
ກອງປະ ຊຸມກ່ຽວກັບແຜນໂຄງການຂອງອົງການທ່ອງທ່ຽວແຫ່ງຊາດອາຊຽນສຳລັບປີ 2012
ແລະ 2013, ວາງສະແດງຜະລິດຕະພັນທ່ອງທ່ຽວ ປີ 2011-2012, ການຮ່ວມມືກັບບັນດາປະເທດອາຊຽນ,
ກອງປະຊຸມລັດຖະມົນຕີກະຊວງຂົນສົ່ງອາຊຽນ, ການຮ່ວມມືກັບ ພາກສ່ວນເອກະຊົນ ແລະ
ອົງ ການອື່ນໆ, ຫາລີການຮ່ວມມືດ້ານການທ່ອງທ່ຽວອາຊຽນ ບວກສາມ, ການຮ່ວມມືດ້ານການທ່ອງທ່ຽວອາຊຽນ-ອິນເດຍ,
ການຮ່ວມມືດ້ານການ ທ່ອງທ່ຽວອາຊຽນ-ລັດເຊຍ, ການຮ່ວມມືກັບອົງການຈັດຕັ້ງ ສາກົນ,
ການຮ່ວມມືອາຊຽນ- ຈີນ, ອາຊຽນ-ຍີ່ປຸ່ນ, ອາຊຽນ-ເກົາຫລີ ລວມເຖິງການເຄື່ອນໄຫວວຽກງານທ່ອງທ່ຽວໃນຂົງເຂດພາກພື້ນອາຊຽນ.
ສ່ວນກອງປະຊຸມຄະນະບໍລິຫານງານແລະກອງປະຊຸມໃຫຍ່ປະຈຳປີຂອງສະຫະພັນແຫ່ງສະມາຄົມການທ່ອງ
ທ່ຽວອາຊຽນ (FATA) ແມ່ນແນໃສ່ເພື່ອປຶກ ສາຫາລືບັນຫາຕ່າງໆກ່ຽວກັບທຸລະກິດທ່ອງທ່ຽວອາຊຽນ,
ການ ປັບປຸງການ ໂຄສະນາການສົ່ງ ເສີມການທ່ອງທ່ຽວຮ່ວມກັນ ເພື່ອຄວາມສອດຄ່ອງກັນລະ ຫວ່າງບັນດາປະເທດໃນອາ
ຊຽນ, ເພື່ອປັບ ປຸງຄຸນນະພາບ ຜະລິດຕະພັນການທ່ອງທ່ຽວ ຂອງແຕ່ລະປະເທດໃຫ້ໄດ້ມາດ ຕະຖານສາກົນ
ແລະ ການກຽມ ພ້ອມດ້ານທຸລະ ກິດການທ່ອງ ທ່ຽວອາຊຽນໃນການເຂົ້າເປັນ ປະຊາຄົມເສດຖະກິດອາຊຽນໃນປີ
2015. ຢ່າງໃດກໍຕາມ, ຜົນຂອງກອງປະຊຸມ ດັ່ງກ່າວຍັງຈະໄດ້ນຳມາປຶກສາຫາລືຮ່ວມກັນ ກັບວຽກງານຂອງສະມາຄົມ
ການບິນອາຊຽນ (AAA) ແລະ ສະມາຄົມໂຮງ ແຮມ ແລະ ຮ້ານ ອາຫານ (AHRA) ກ່ອນຈະ
ນຳເນື້ອໃນທັງໝົດເຂົ້າໄປໃນ ກອງປະຊຸມທ່ອງທ່ຽວອາຊຽນປີ 2013 ຫລື ASEAN TOURISM FORUM 2013.
No comments:
Post a Comment