ໃນວັນທີ 16 ມັງກອນນີ້, ແຂວງອຸດົມໄຊ ໄດ້ຈັດກອງປະ
ຊຸມການຈັດຕັ້ງປະຕິບັດນະໂຍ ບາຍການເກີດລູກ ແລະ ປິ່ນປົວເດັກອາຍຸລຸ່ມ 5 ປີ
ໂດຍບໍ່ເສຍຄ່າ ຂັ້ນແຂວງຂຶ້ນ ຢູ່ພະແນກສາທາ ລະນະສຸກແຂວງອຸດົມໄຊ ໂດຍການເປັນປະທານຂອງທ່ານ
ໂອ ວາດ ຈັນທະວົງ ຫົວໜ້າພະແນກ ສຶກສາທິການ ແລະ ກິລາແຂວງອຸ ດົມໄຊ.
ຈຸດປະສົງຂອງກອງປະຊຸມ ດັ່ງກ່າວແມ່ນເພື່ອເຜີຍແຜ່,
ຊີ້ແຈງ ແລະ ແນະນຳການຈັດຕັ້ງປະຕິບັດນະໂຍບາຍການບໍລິການເກີດລູກ ແລະ ປິ່ນປົວເດັກອາຍຸລຸ່ມ
5 ປີໂດຍບໍ່ເສຍຄ່າ, ຄົ້ນຄວ້າສ້າງຄວາມເຂົ້າໃຈຕໍ່ນະໂຍບາຍ ແລະ ຂັ້ນຕອນຕ່າງໆ
ໃນການຈັດຕັ້ງປະຕິບັດ ແລະ ປິ່ນປົວໂດຍບໍ່ເສຍຄ່າ, ກຳນົດຂອບເຂດການ ຈັດຕັ້ງປະຕິບັດ
ແລະ ກິດຈະກຳ ທີ່ຈະໄດ້ປະຕິບັດຢູ່ແຕ່ລະຂັ້ນໃຫ້ແກ່ການສະໜັບສະໜູນການເກີດລູກ
ແລະ ປິ່ນປົວເດັກອາຍຸລຸ່ມ 5 ປີ ໂດຍບໍ່ເສຍຄ່າ ເພື່ອກະກຽມຄວາມພ້ອມໃນການຄຸ້ມຄອງລະ
ບົບການເງິນ ແລະ ການສະໜອງການບໍລິການ ລວມທັງການຕິດ ຕາມກວດກາ. ພ້ອມນີ້ ບັນດາຜູ້ເຂົ້າຮ່ວມໄດ້ຮັບຟັງການລາຍງານກ່ຽວກັບການໃຫ້ບໍລິການແມ່
ແລະ ເດັກເກີດໃໝ່ ແລະ ເດັກ ນ້ອຍຂອງແຂວງ ໂດຍສົມທຽບຕົວເລກບໍລິການປີ
2010, 2011 ແລະ 6 ເດືອນຕົ້ນປີ 2012, ສະເໜີຄວາມເປັນມາ ແລະ ເຫດຜົນກາ ນຈັດຕັ້ງປະຕິບັດນະ
ໂຍບາຍເກີດລູກບໍ່ເສຍຄ່າ,
ການຄຸ້ມຄອງງົບ ປະມານ, ສະເໜີຄູ່ມືການໃຫ້ບໍລິ ການເກີດລູກ ແລະ ການປິ່ນປົວເດັກ,
ລະບົບການເງິນງົບປະມານ ເພື່ອການຈັດຕັ້ງປະຕິບັດ, ວິທີການໂອນເງິນແຕ່ລະຂັ້ນ,
ການປະກອບເອກະສານສຳລັບຂໍທົດແທນເງິນຄືນໃຫ້ແກ່ສະຖານທີ່ບໍ ລິການ, ບັດມູນຄ່າສຳລັບເກີດລູກບໍ່ເສຍຄ່າ,
ເຝິກການປະກອບເອ ກະສານ ເພື່ອຂໍເງິນທົດແທນຄືນ
ສຳລັບແຕ່ລະຂັ້ນເຊັ່ນ: ຂັ້ນສຸກສາ ລາ, ໂຮງໝໍເມືອງ, ສາທາລະນະ ສຸກເມືອງ, ໂຮງໝໍແຂວງ,
ສາທາ ລະນະສຸກແຂວງ, ການແຕ່ງຕັ້ງຄະນະກຳມະການກວດກາການເງິນ, ແນະນຳວິທີຄິດໄລ່
ອີງໃສ່ມູນຄ່າທີ່ນະໂຍບາຍ, ການໂຄສະ ນາປຸກລະດົມ ແລະ ບາດກ້າວຕໍ່ໄປໃນການຈັດຕັ້ງປະຕິບັດ,
ຫຼັງກອງປະຊຸມແນະນຳຂັ້ນແຂວງ ເປີດກວ້າງໃຫ້ບັນດາຄະນະກຳ ມາທິການແມ່ ແລະ
ເດັກຂັ້ນແຂວງ, ເມືອງ ໄດ້ປຶກສາຫາລືແລກປ່ຽນຄວາມຄິດເຫັນກັນ ເພື່ອປະກອບເຂົ້າໃນວຽກງານດັ່ງກ່າວໃຫ້ສອດຄ່ອງກັບສະ
ພາບຕົວຈິງ. ກອງປະຊຸມເທື່ອນີ້ ໄດ້ດຳເນີນໄປເປັນເວລາ 2 ມື້ ໂດຍໄດ້ຮັບການສະໜັບສະໜູນງົບປະມານຂອງລັດຖະບານ.
No comments:
Post a Comment