ໃນວັນທີ 16 ມັງກອນນີ້, ທ່ານສາດສະດາຈານ ດຣ
ບໍ່ແສງຄຳ ວົງດາລາ ລັດຖະມົນຕີວ່າ ການກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ,ໄດ້ເປັນກຽດຮັບເອົາການປະ
ກອບສ່ວນອຸປະຖຳ ແກ່ກອງປະ ຊຸມທ່ອງທ່ຽວອາຊຽນ ຄັ້ງທີ 32 ຈາກຜູ້ຕາງໜ້າບັນດາບໍລິສັດຊຶ່ງປະກອບມີ:ກຸ່ມບໍລິສັດດາວເຮືອງ
ຈຳນວນ 120 ລ້ານກີບ, ບໍລິສັດເບຍລາວ 79 ລ້ານກວ່າກີບ, ທະ ນາຄານການຄ້າຕ່າງປະເທດ ລາວມະຫາຊົນ
10 ພັນໂດລາສະ ຫະລັດ ແລະ ບໍລິສັດພູເບ້ຍມາຍນິ້ງຈຳກັດ 10 ພັນໂດລາສະຫະ ລັດ.
ໂອກາດນີ້ ທ່ານ ລັດຖະ ມົນຕີວ່າການກະຊວງຖະແຫຼ່ງ
ຂ່າວ, ວັດທະນະທຳ ແລະ ທ່ອງທ່ຽວ ໄດ້ສະແດງຄວາມຂອບໃຈເປັນຢ່າງສູງຕໍ່ບັນດາຕົວແທນບໍລິສັດ
ທີ່ມີນ້ຳໃຈໃຫ້ການສະ ໜັບສະໜູນການເປັນເຈົ້າພາບຈັດກອງປະຊຸມທ່ອງທ່ຽວອາ ຊຽນ
ຄັ້ງທີ 32 ໃຫ້ມີຜົນສຳເລັດອັນຈົບງາມ, ພ້ອມທັງອວຍພອນໃຫ້ການດຳເນີນທຸລະກິດ
ຈົ່ງປະ ສົບຜົນສຳເລັດທຸກປະການເຮັດໃຫ້ບໍລິສັດມີຄວາມເຂັ້ມແຂງ ແລະ ກ້າວໜ້າຍິ່ງຂຶ້ນ.
ທ່ານລັດຖະມົນຕີວ່າການກະຊວງຖະແຫລງຂ່າວ,
ວັດທະ ນະທຳ ແລະ ທ່ອງທ່ຽວ ຍັງໄດ້ຊີ້ໃຫ້ເຫັນວ່າ: ສປປ ລາວ ໄດ້ຮັບກຽດເປັນເຈົ້າພາບຈັດກອງປະ
ຊຸມດັ່ງກ່າວເປັນຄັ້ງທີສອງ, ຫລັງຈາກກ່ອນໜ້ານີ້ ໄດ້ເປັນເຈົ້າພາບຈັດເມື່ອປີ
2004 ຊຶ່ງມີຄວາມສຳຄັນຢ່າງຍິ່ງ ເປັນໂອ ກາດທີ່ບັນດາລັດຖະມົນຕີທ່ອງທ່ຽວພາຍໃນຄອບຄົວອາຊຽນ
ໄດ້ປຶກສາຫາລື ແລກປ່ຽນບົດ ຮຽນໃນການພັດທະນາວຽກ ງານການທ່ອງທ່ຽວ ໃຫ້ນັບມື້ດີຂຶ້ນເລື້ອຍໆ,
ກອງປະຊຸມຄັ້ງນີ້ ຈະມີບັນດາລັດຖະມົນຕີທ່ອງທ່ຽວພ້ອມຄະນະຈາກ 11 ປະເທດອາຊຽນເຂົ້າຮ່ວມ
ແລະ ມີຮ້ານວາງສະແດງຫລາຍກວ່າ 550 ຮ້ານ.
No comments:
Post a Comment