ທ່ານ ຫົວໜ້າຫ້ອງວ່າການ ສູນກາງພັກ ໄດ້ຖືໂອກາດນີ້
ຕາງ ໜ້າກົມການເມືອງສູນກາງພັກ ກໍຄືລັດຖະບານ ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດການປະຕິບັດໜ້າທີ່ວຽກງານ
ຂອງພະ ນັກງານ ອົງການໄອຍະການທຸກ ຂັ້ນທີ່່ເຮັດສຳເລັດໜ້າທີ່ການເມືອງຂອງຕົນ
ໃນໄລຍະ 1ປີຜ່ານ ມາ ແລະ ພ້ອມທັງສະແດງຄວາມເປັນຫ່ວງໃຫ້ທິດຊີ້ນຳບາງບັນຫາສຳຄັນຕໍ່ຂະແໜງການນີ້
ສຳລັບໃນຊຸມປີຕໍ່ໜ້າ ໂດຍ ສະເພາະປີ 2013
ໂດຍທ່ານ ໄດ້ກ່າວວ່າ: ກອງປະຊຸມ ຄັ້ງ
ນີ້ ບັນດາຜູ້ເຂົ້າຮ່ວມໄດ້ມີການປະກອບຄຳຄິດເຫັນ ຢ່າງກົງໄປກົງມາແລະ ເພິ່ງ
ພໍໃຈຕໍ່ກັບບັນດາຜົນງານຂອງຕົນ. ເຖີງຢ່າງໃດກໍດີເພື່ອສືບຕໍ່ເສີມຂະຫຍາຍ ດ້ານຈຸດດີ
ແລະ ແກ້ໄຂຂໍ້ຄົງຄ້າງໃນຕໍ່ໜ້າໃຫ້ມີການ ຫັນປ່ຽນໄປສູ່ຄຸນນະພາບໃໝ່ມີປະສິດທິຜົນກ່ວາເກົ່າ. ນັ້ນສືບຕໍ່ ປັບປຸງກົງຈັກການຈັດຕັ້ງຢູ່ ໄອຍະການປະຊາຊົນພາກ,
ແຂວງ, ນະຄອນ ແລະ ເຂດ ໃຫ້ມີຄວາມສະຫງົບ, ມີຍົກ ຄວາມຮັບຜິດ ຊອບຕໍ່ການປະຕິບັດ
ສິດໜ້າທີ່ຂອງພະນັກງານໄອຍະການ ໃຫ້ ໜັກແໜ້ນ. ການຊີ້ ນຳ-ນຳພາ, ການຕິດຕາມກວດກາການປະຕິ
ບັດກົດໝາຍຂອງຂະແໜງການອ້ອມຂ້າງ, ສະກັດກັ້ນປະ ກົດການລະເມີດກົດໝາຍ ກໍຄືປະກົດການຫຍໍ້ໃນສັງຄົມໃຫ້ຫຼຸດລົງ;
ເພີ່ມທະວີການຊີ້ນຳ-ນຳພາ ແລະ ກວດກາການປະຕິບັດໜ້າທີ່ວຽກ ງານ ຢູ່ພາຍໃນອົງການໄອຍະການຂອງຕົນ
ຫຼື ການຊີ້ນຳ-ນຳ ພາ ແລະ ກວດກາຂອງອົງການໄອຍະການຂັ້ນເທີງຕໍ່ກັບໄອຍະການປະຊາຊົນຂັ້ນລຸ່ມຢ່າງເຂັ້ມ
ງວດ, ເພື່ອຮັບປະກັນໃຫ້ພະນັກ ງານໄອຍະການປະຊາຊົນ ແລະ ພະນັກງານ ໄອຍະການທະຫານ
ມີທັດສະນະຮັບໃຊ້ປະຊາຊົນ, ການປະຕິບັດໜ້າທີ່ຖືກຕ້ອງຕາມກົດໝາຍ, ເດັດຂາດຕ້ອງເອົາຜູ້ກະທຳຜິດໃຫ້ໄດ້ຮັບການລົງໂທດ
ຕາມລະບຽບກົດໝາຍທີ່ກຳນົດໄວ້; ໃຫ້ເອົາໃຈໃສ່ປະຕິບັດພາລະບົດບາດຕິດຕາມກວດກາ
ການປະຕິບັດກົດໝາຍບັນດາອົງການປົກປ້ອງກົດໝາຍຢູ່ຂັ້ນ ຂອງຕົນ ໃຫ້ມີຄຸນນະພາບ
ແລະ ປະສິດທິຜົນສູງ.
ທ່ານ ດຣ ບຸນປອນ ບຸດຕະ ນະວົງ ກ່າວວ່າ: ໃນໄລຍະຜ່ານມາຍັງມີປະກົດການລະເມີດກົດ
ໝາຍຂອງບັນດາອົງການດັ່ງ ກ່າວ ແຕ່ການກວດ ກາ ແມ່ນຍັງເຮັດບໍ່ທັນໄດ້ດີ ເຊັ່ນ:
ການເຂົ້າຮ່ວມໃນການດຳເນີນຄະດີຢູ່ສານ ຕ້ອງປະຕິບັດຕາມຂອບເຂດ ແລະ ຄວາມຮັບຜິດຊອບຂອງຕົນຢ່າງເຕັມສ່ວນ,
ຮັບປະກັນການສັ່ງ ຟ້ອງ, ການຖະແຫຼງຄະດີຕໍ່ສານໃຫ້ຖືກຕ້ອງຕາມກົດໝາຍ ແລະ ສອດຄ່ອງກັບສະພາບຄວາມເປັນຈິງ ແລະ ການປະຕິບັດພາລະບົດບາດໃນການຕິດຕາມກວດກາການປະຕິບັດຄຳຕັດສິນຂອງສານ
ເຫັນວ່າຍັງເຮັດໄດ້ໜ້ອຍ, ສະແດງເຖີງຄວາມຮັບຜິດຊອບຂອງພະນັກງານໄອຍະການທີ່ຖືກມອບໝາຍ
ເພື່ອ ເຂົ້າຮ່ວມໃນການເຄື່ອນໄຫວວຽກງານດັ່ງ ກ່າວ ແລະ ຮັບປະກັນໃຫ້ຄຳຕັດ ສິນຂອງສານໃຊ້ໄດ້ຢ່າງເດັດ
ຂາດໄດ້ຮັບການປະຕິບັດ, ບັນຫາຄະດີທີ່ສັບສົນ ຊຶ່ງບໍ່ສາມາດຈັດ ຕັ້ງປະຕິບັດໄດ້ນັ້ນ,
ມັນສ່ອງແສງເຖີງບົດບາດໃນການຕິດຕາມກວດກາການປະຕິບັດກົດໝາຍ ຂອງພະນັກງານໄອຍະການ
ດັ່ງ ນັ້ນ ໃນປີ 2013 ຕ້ອງສຸມໃສ່ບຸກ ທະລຸບັນຫາຫຍຸ້ງຍາກ ໂດຍຕ້ອງເລັ່ງສ້າງພະນັກງານໃຫ້ມີປະສົບການບົດຮຽນ
ຕົວຈິງໃນການກຳແໜ້ນແນວທາງນະໂຍບາຍຂອງພັກ ແລະ ມີລະບອບແບບແຜນວິທີເຮັດວຽກທີ່ດີກ່ວາເກົ່າ.
ກອງປະຊຸມສະຫຼຸບວຽກງ ານຂອງອົງການໄອຍະການປະ
ຊາຊົນ ທົ່ວປະເທດໄດ້ໃຫ້ຮູ້ວ່າ: ໃນ 1 ປີຜ່ານມາ ອົງການໄອຍະການປະຊາຊົນ ໃນທົ່ວປະເທດໄດ້ຮັບຄຳຮ້ອງທັງໝົດ
2 ພັນກ່ວາເລື່ອງ ໃນນີ້ ສາມາດແກ້ໄຂໄດ້ 1.900 ກ່ວາເລື່ອງ, ຂະນະທີ່ອົງ ການໄອຍະການປະຊາຊົນແຕ່ລະຂັ້ນໄດ້ເອົາໃຈໃສ່ການຈັດຕັ້ງປະ
ຕິບັດແຜນງານຍົກສູງຄຸນນະພາບການຕິດຕາມກວດກາການປະ ຕິບັດກົດໝາຍ ແລະ ການສັ່ງຟ້ອງໂດຍສູ້ຊົນປະຕິບັດຄຳຂັວນ
3 ມີ 4 ຮັບປະກັນ ແລະ ການດຳເນີນຄະດີແບບຄົບວົງຈອນແຕ່ກໍພົບຄວາມຫຍຸ້ງ ຍາກ ແລະ
ມີຄວາມຊັກຊ້າໃນການແກ້ໄຂຄະດີ ໂດຍສະເພາະການປະຕິບັດພາລະບົດບາດຕິດຕາມກວດກາການເຄົາລົບ
ແລະ ປະຕິບັດກົດໝາຍ, ການສັ່ງຟ້ອງຜູ້ຖືກຫາຂື້ນສານຍັງບໍ່ທັນເຂັ້ມງວດ.
No comments:
Post a Comment