ທ່ານ ພົນໂທ ດວງໃຈ ພິຈິດ ຮອງນາຍົກລັດຖະມົນຕີ,
ລັດຖະ ມົນຕີວ່າການກະຊວງປ້ອງກັນປະເທດ ໄດ້ໃຫ້ກຽດໂອ້ລົມຕໍ່ກອງປະຊຸມເປີດກວ້າງຂອງອົງຄະນະພັກກະຊວງໄປສະນີ,
ໂທລະຄົມ ມະນາຄົມ ແລະ ການສື່ສານ ໃນວັນທີ 8 ມັງກອນນີ້ ຢູ່ກະຊວງດັ່ງ ກ່າວ ໂດຍໄດ້ເນັ້ນໃຫ້ຄະນະພັກ-
ພະນັກງານກະຊວງດັ່ງກ່າວ ໃຫ້ພ້ອມກັນສືບຕໍ່ປະຕິບັດມະຕິກອງປະຊຸມໃຫຍ່ ຄັ້ງທີ
IX ຂອງພັກ ກໍຄືເນື້ອໃນ 4 ບຸກທະລຸ ແລະ ນະໂຍບາຍ 3 ສ້າງ ເພື່ອສ້າງບາດ ກ້າວຫັນປ່ຽນໃໝ່.
ທ່ານຮອງນາຍົກລັດຖະມົນຕີ ດວງໃຈ ພິຈິດ ກ່າວວ່າ:
ກອງປະຊຸມໃຫຍ່ ຄັ້ງທີ IX ຂອງພັກ ໄດ້ກຳນົດຕໍ່ວຽກງານໄປສະນີ, ໂທລະຄົມມະນາຄົມ
ແລະ ການສື່ສານວ່າ: ສົ່ງເສີມການພັດທະ ນາໂຄງລ່າງດ້ານໄປສະນີ, ໂທລະຄົມມະນາຄົມ
ແລະ ອິນເຕີເນັດທີ່ມີຄວາມໄວສູງ ເພື່ອສ້າງໃຫ້ເປັນຂະແໜງອຸດສາຫະກຳທີ່ສຳຄັນໃນການຍູ້ດັນການພັດທະນາເສດຖະກິດ-ສັງຄົມໃຫ້ເຂັ້ມແຂງຍືນຍົງ
ແລະ ເປັນຈຸດເຊື່ອມໂຍງກັບພາກພື້ນ ແລະ ສາກົນ. ດັ່ງນັ້ນ ເຫັນ
ວ່າການຊີ້ນຳທາງດ້ານວຽກງານວິຊາການໃນໄລຍະຜ່ານມາກໍມີດ້ານຕັ້ງໜ້າ,
ໄດ້ມີການປັບ ປຸງ ແລະ ຂະຫຍາຍຕາໜ່າງໄປ ສະນີໄປເຖິງເມືອງ ທັງຍົກລະດັບການບໍລິການໃຫ້ມີຄຸນນະພາບດີຂຶ້ນກວ່າເກົ່າ.
ພິເສດແມ່ນການໃຫ້ມີລະບຽບໃນການຂຶ້ນທະບຽນໂທລະສັບມືຖືແບບຕື່ມເງິນ, ດ້ານການພັດທະນາໂຄງລ່າງດ້ານໂທ
ລະຄົມ ກໍໄດ້ສືບຕໍ່ບູລະນະສາຍ ສົ່ງໃຍແກ້ວແຕ່ເໜືອຕະຫລອດໃຕ້ ເຊິ່ງເປັນກະດູກສັນຫລັງໃນດ້ານໂທລະຄົມມະນາຄົມ,
ໄດ້ສືບຕໍ່ຂະຫຍາຍເຄືອຂ່າຍໂທລະຄົມ, ມີສັນຍານໂທລະສັບມືຖືກວມໝົດທຸກແຂວງ
ແລະ ເມືອງໃນທົ່ວປະເທດ ແລະ ບ້ານຈຳນວນໜຶ່ງ, ພັດ ທະນາສັນຍານໂທລະສັບມືຖືຈາກລະບົບ
3G ເປັນ 4G ເຊິ່ງສາມາດຕອບສະໜອງໃຫ້ແກ່ກອງປະຊຸມສຸດຍອດ ອາຊີ-ເອີຣົບ (ອາເຊັມ
9) ດ້ວຍຜົນສຳເລັດຢ່າງຈົບງາມ. ພິເສດຄະນະພັກພວກສະຫາຍຍັງໄດ້ຊີ້ນຳວຽກງານຮ່ວມມືກັບຕ່າງປະເທດໃນການພັດທະນາໂຄງການດາວທຽມລາວ
ດ້ວຍບັນລຸສັນຍາການຈັດຕັ້ງດຳເນີນໂຄງການໃນເດືອນພະຈິກ 2012 ຜ່ານມາ ເຊິ່ງເປັນວຽກງານສຳ
ຄັນອັນໜຶ່ງຂອງຂະແໜງການນີ້. ນອກຈາກນີ້ ສ້າງສູນຄຸ້ມຄອງເຕັກໂນໂລຊີຂໍ້ມູນຂ່າວສານຜ່ານປະຕູດຽວ
ເຊິ່ງເປັນວຽກງານສຳ ຄັນທາງໄອທີ ທັງເປັນການປະ ກອບສ່ວນທີ່ສຳຄັນເຂົ້າໃນວຽກງານປ້ອງກັບຊາດ-ປ້ອງກັນຄວາມສະຫງົບ,
ການບໍລິຫານລັດ ແລະ ການດຳເນີນທຸລະກິດນຳອີກ. ການບໍລິຫານລັດທາງເອເລັກໂຕຣນິກກໍໄດ້ມີການພັດທະນາ
ເປັນຕົ້ນການພັດທະນາອັກສອນພາສາລາວ,ອັກສອນເພັດຊະລາດໃນລະບົບຄອມພິວເຕີ ແລະ
ໂທລະສັບມືຖືສຳເລັດໂດຍພື້ນຖານ, ໄດ້ປັບປຸງລະບົບເອເລັກໂຕຣນິກກອງປະຊຸມທາງໄກລະຫວ່າງສູນກາງ
ແລະ ທ້ອງຖິ່ນ ໂດຍສະເພາະສູນກາງກັບບັນ ດາແຂວງສາມາດນຳໃຊ້ລະບົບປະຊຸມທາງໄກໄດ້
ອັນເປັນການປະຢັດເວລາ ແລະ ງົບປະມານ ທັງເປັນການຍົກລະດັບເຕັກນິກໃຫ້ແກ່ພະນັກງານອີກກ້າວໜຶ່ງ.
ທັງໝົດນີ້ແມ່ນໝາກຜົນການນຳພາຂອງຄະນະພັກກະຊວງໄປສະນີ,
ໂທລະຄົມມະນາຄົມ ແລະ ການສື່ສານ, ແມ່ນໝາກຜົນຂອງຄວາມພະຍາຍາມໃນການປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງຂອງພະ
ນັກງານສະມາຊິກພັກ ແລະ ຂອງບັນດາການຈັດຕັ້ງໃນຄວາມຮັບ ຜິດຊອບຂອງອົງຄະນະພັກກະ
ຊວງໄປສະນີ, ໂທລະຄົມມະນາ ຄົມ ແລະ ການສື່ສານ. ດັ່ງນັ້ນ ໃນຕໍ່ໜ້ານີ້ຂໍໃຫ້ເພີ່ມທະວີວຽກງານການເມືອງແນວຄິດ
ເຊິ່ງແມ່ນວຽກງານສຳຄັນແຖວໜ້າຂອງຄະນະພັກ, ກອງປະຊຸມໃຫຍ່ ຄັ້ງທີ IX ໄດ້ເລັ່ງທວງໃຫ້ບຸກທະ
ລຸທັງ 4 ດ້ານ ເພື່ອສ້າງບາດກ້າວຫັນປ່ຽນໃໝ່ຕາມທິດຍົກສູງຄຸນນະພາບ,ການຍົກສູງຄຸນນະພາບ
ຂອງວຽກງານການເມືອງແນວຄິດແມ່ນໄດ້ຍົກສູງຄວາມສາມາດໃນການນຳພາ ແລະ ສຶກສາອົບ
ຮົມການເມືອງແນວຄິດໃຫ້ພະນັກ ງານ-ສະມາຊິກພັກ ເພື່ອສ້າງໄດ້ສະຕິຕື່ນຕົວ ແລະ
ຄວາມຮັບຮູ້ທາງດ້ານການເມືອງ, ສ້າງໄດ້ຄວາມເຊື່ອໝັ້ນ ແລະ ການນຳພາຂອງພັກ,ຕ້ານແນວຄິດປາກົດ
ການຫຍໍ້ທໍ້ທີ່ເກີດຂຶ້ນໃນຖັນແຖວພະນັກງານ-ສະມາຊິກພັກ. ເວົ້າ ລວມແລ້ວ,ການດຳເນີນວຽກງານການເມືອງແນວຄິດໃນຕໍ່ໜ້ານີ້ຕ້ອງຮັບໃຊ້ແກ່ການບຸກທະລຸທັງ
4 ດ້ານ ເຊິ່ງໃນນີ້ແມ່ນການບຸກທະລຸທາງດ້ານແນວຄິດ-ຈິນ ຕະນາການກ່ອນໝູ່ໝົດ;
ປັບປຸງແບບແຜນເຮັດວຽກ.ກອງປະຊຸມໃຫຍ່ຄັ້ງທີ IX ຂອງພັກ ໄດ້ເນັ້ນ ກ່ຽວກັບການເພີ່ມທະວີຄວາມສາ
ມັກຄີເປັນເອກະພາບພາຍໃນພັກ, ຢຶດໝັ້ນຫລັກ ການລວມສູນປະຊາທິປະໄຕ, ປະຊາທິປະໄຕພາຍໃນພັກ
ແມ່ນປັດໄຈຮັບປະກັນຄວາມສາມັກຄີເປັນເອກະພາບພາຍໃນພັກ ໝາຍຄວາມວ່າ: ທຸກບັນຫາສຳຄັນຕ້ອງນຳມາປຶກສາຫາລືກັນໃຫ້ລະອຽດກ່ອນການຕົກລົງກັນ,ໃຫ້ຫລີກເວັ້ນການປຶກສາຫາລືພໍເປັນຮູບການ
ຫລື ພໍເປັນພິທີວ່າບັນຫາດັ່ງກ່າວໄດ້ປຶກສາຫາລືເປັນເອກະພາບກັນແລ້ວ;ປັບປຸງແບບແຜນນຳພາລັດ
ພັກປະຊາຊົນປະຕິວັດລາວ ແມ່ນພັກກຳອຳນາດ. ສະນັ້ນ ຕ້ອງເອົາໃຈໃສ່ການປັບປຸງແບບແຜນການນຳພາຂອງພັກໃຫ້ສອດຄ່ອງ
ແລະ ເໝາະສົມ.ພວກເຮົາຢຶດ ໝັ້ນຫລັກການທີ່ວ່າ:ພັກບໍ່ປະ ການນຳພາລັດ,ແຕ່ກໍບໍ່ເຮັດໜ້າທີ່ແທນລັດ,ພັກຕ້ອງໃຫ້ຄວາມສຳ
ຄັນຂອງລັດ,ພັກນຳພາລັດເຄື່ອນໄຫວພາຍໃຕ້ລັດຖະທຳມະນູນ ແລະ ກົດໝາຍ,ບັນຈຸບຸກຄະລາກອນທີ່ມີຄຸນສົມບັດ
ແລະ ເງື່ອນໄຂເຂົ້າຕຳແໜ່ງສຳຄັນຕ່າງໆຂອງລັດ; ບຸກທະລຸໃນວຽກງານພະນັກງານ,ມະຕິ
9 ຂອງພັກ ໄດ້ກຳນົດໄວ້ວ່າ: ໃນເງື່ອນໄຂໃໝ່ນີ້ ມີຄວາມຈຳເປັນຕ້ອງມີຖັນແຖວພະນັກງານທີ່ມີຄວາມຮູ້ຄວາມສາມາດ,
ມີຄຸນສົມບັດ, ມີທາດແທ້ຫລັກໝັ້ນການເມືອງໜັກແໜ້ນ ເພື່ອຢາກເຮັດໄດ້ແນວນັ້ນພວກເຮົາຕ້ອງກວດກາຄືນ
ແລະ ຂຶ້ນແຜນກຳນົດໃໝ່ກ່ຽວກັບພະນັກ ງານ ໂດຍອີງໃສ່ຄວາມຮຽກຮ້ອ ງຕ້ອງການຂອງໜ້າທີ່ການເມືອງ
ໃນນີ້ພິເສດແມ່ນການສ້າງພະນັກງານສືບທອດເພື່ອປ່ຽນແທນພະນັກງານນຳພາ-ຄຸ້ມຄອງ
ແລະ ເຕັກໂນໂລຊີຂໍ້ມູນຂ່າວ ສານ-ສື່ສານ ມີການພັດທະນາ ແລະ ຂະຫຍາຍໄວ,ຕ້ອງເອົາໃຈໃສ່ການຄົ້ນຄວ້າ,ແລກປ່ຽນບົດຮຽນ
ແລະ ຮ່ວມມືກັບສາກົນ ເພື່ອຮັບປະກັນນະໂຍບາຍຫັນເປັນອຸດສາຫະກຳທັນສະໄໝຂອງພັກ
ແລະ ທັງສ້າງເງື່ອນໄຂສະດວກໃຫ້ແກ່ວິສາຫະກິດດ້ານໄປສະນີ ແລະ ໂທລະຄົມມະນາຄົມ.
No comments:
Post a Comment