ໃນໂອກາດທີ່ທ່ານ ດຣ. ທອງລຸນ ສີສຸລິດ
ຮອງນາ ຍົກລັດຖະມົນຕີ, ລັດຖະມົນຕີວ່າການກະຊວງການຕ່າງ ປະເທດ ໄດ້ໃຫ້ກຽດເຜີຍແຜ່ການກະກຽມ
ພາຍຫລັງ ສປປ ລາວ ໄດ້ເຂົ້າເປັນສະມາຊິກອົງການການຄ້າໂລກ (WTO) ໃນວັນທີ 14 ມັງກອນນີ້
ຢູ່ສູນການຮ່ວມມືສາກົນ ລາວ-ຍີ່ປຸ່ນ (ITCT) ນະຄອນ ຫລວງວຽງຈັນ ທ່ານໄດ້ເນັ້ນວ່າ:
ແຜນງານສຳຄັນພາຍຫລັງການເຂົ້າເປັນສະມາ ຊິກອົງການການຄ້າໂລກແມ່ນມີ 6 ວຽກໃຫຍ່
ຄືການປັບ ປຸງນິຕິກຳ, ພັດທະນາກົງຈັກລັດ, ພັດທະນາໂຄງລ່າງພື້ນ ຖານ, ເສີມສ້າງຈິດສຳນຶກ
ແລະ ການສ້າງຄວາມສາ ມາດດ້ານວິຊາການ, ສ້າງຄວາມສາມາດໃຫ້ພາກສ່ວນກ່ຽວຂ້ອງ ແລະ
ຈັດຕັ້ງອົງການຕາງໜ້າ ສປປ ລາວ ຢູ່ອົງການການຄ້າໂລກ.
ທ່ານຮອງນາຍົກລັດຖະມົນຕີ ທອງລຸນ ສີສຸລິດ ອະທິບາຍວ່າ:
ການປັບປຸງນິຕິກຳແມ່ນສຸມໃສ່ ການຈັດຕັ້ງ ປະຕິບັດນິຕິກຳໃຫ້ແທດເໝາະກັບພັນທະສັນຍາຂອງ
ອຄລ ແລະ ຂໍ້ຜູກພັນດ້ານສິນຄ້າ ແລະ ດ້ານການບໍລິການ ເພື່ອອຳ ນວຍຄວາມສະດວກຕໍ່ການຄ້າ
ແລະ ເພີ່ມທະວີການຜະລິດພາຍໃນ ກໍຄືການສ້າງສິ່ງແວດລ້ອມທີ່ເອື້ອອຳນວຍແກ່ການລົງທຶນ
ເພື່ອໃຫ້ມີການຈັດຕັ້ງປະຕິບັດນິຕິກຳໃຫ້ມີປະສິດທິຜົນໃນໄລຍະຍາວ
ຮຽກຮ້ອງໃຫ້ທຸກຝ່າຍທີ່ກ່ຽວ
ຂ້ອງມີຄວາມເຂົ້າໃຈຫລັກການ ອຄລ ຢ່າງເລິກເຊິ່ງ ກໍຄືບັນດາສັນຍາຕ່າງໆທີ່ຕິດກັບຂົງເຂດທີ່ຕົນເອງຄຸ້ມຄອງ,
ນິຕິກຳທີ່ໄດ້ຮັບການທົບທວນ ແລະ ປັບປຸງໂດຍພື້ນຖານແມ່ນມີຄວາມແທດເໝາະແລ້ວ
ກ່ອນ ສປປ ລາວ ໄດ້ຖືກຮັບຮອງເຂົ້າເປັນສະມາຊິກ ອຄລ ເຊິ່ງມີປະມານ90 ສະບັບ ແບ່ງເປັນກົດໝາຍ
26 ສະບັບ, ດຳລັດ 18 ສະບັບ. ເຖິງຢ່າງໃດກໍດີ, ສິ່ງທີ່ສຳຄັນກວ່ານັ້ນແມ່ນເຮັດແນວໃດເພື່ອຮັບປະກັນວ່າ:
ບັນດານິຕິກຳທີ່ຈະອອກໃໝ່ ຫລື ປັບປຸງໃນອະ ນາຄົດນັ້ນບໍ່ໃຫ້ຂັດກັບພັນທະ
ແລະ ຂໍ້ຜູກພັນທີ່ ສປປ ລາວ ໄດ້ໃຫ້ແກ່ສະມາຊິກ ອຄລ. ດັ່ງນັ້ນ ທຸກຂະແໜງການທີ່ຮັບຜິດຊອບໃນການຮ່າງ
ແລະ ປັບປຸງນິຕິກຳຄວນມີການແລກປ່ຽນຂໍ້ມູນຂ່າວ ສານຢ່າງສະໝ່ຳສະເໝີ, ປະສານງານກັນຢ່າງກົງໄປກົງມາ
ແລະ ສະໜອງຄວາມຮູ້ດ້ານວິຊາການ ແລະ ດ້ານເຕັກນິກໃຫ້ແກ່ກັນ ແລະ ກັນ ເພື່ອເຮັດໃຫ້ລະບົບນິຕິກຳທີ່ຕິດພັນກັບການຄ້າສາມາດຮັກສາຄວາມແທດເໝາະເອົາໄວ້
ແລະ ຈະເປັນເຄື່ອງມືສຳຄັນໃນການຊ່ວຍຄຸ້ມຄອງ ແລະ ອຳນວຍຄວາມສະດວກຕໍ່ການຄ້າ.
ບັນດາສັນຍາການຄ້າໃນແຕ່ລະຂົງເຂດທີ່ຢູ່ພາຍໃຕ້ການຄຸ້ມຄອງຂອງ ອຄລ ລວມທັງຂົງເຂດທີ່ໄດ້ໄລຍະຜ່ອນຜັນການຈັດຕັ້ງປະຕິບັດທີ່
ສປປ ລາວ ໄດ້ຮັບເອົາ ຈະສ້າງຜົນດີ ບໍ່ສະເພາະແຕ່ເພື່ອການເຂົ້າເປັນສະມາຊິກ
ອຄລ ເທົ່ານັ້ນ, ແຕ່ຍັງເປັນພື້ນຖານໃນການສ້າງສະ ພາບແວດລ້ອມທີ່ອຳນວຍຄວາມສະດວກໃຫ້ແກ່ການລົງທຶນ
ແລະ ດຳເນີນທຸລະກິດໂດຍລວມ. ດັ່ງ ນັ້ນ ທຸກຂະແໜງການກ່ຽວຂ້ອງຄວນເປັນເຈົ້າການໃນການຈັດ
ຕັ້ງປະຕິບັດໃຫ້ເກີດຜົນສູງສຸດ.
ການພັດທະນາກົງຈັກລັດ ຕ້ອງພັດທະນາໜ່ວຍງານແຈ້ງຂໍ້ມູນດ້ານສຸຂະອະນາໄມ-ສຸຂະນາໄມພືດ
ແລະ ສິ່ງກີດຂວາງດ້ານເຕັກນິກຕໍ່ການຄ້າ ແລະ ຈຸດສອບຖາມຕ່າງໆ ໃຫ້ສາມາດປະຕິບັດໜ້າທີ່ໄດ້ເຕັມສ່ວນ
ແລະ ຖາວອນ ແນໃສ່ສົ່ງເສີມຄວາມປອດໃສໃນການອອກ ແລະ ນຳໃຊ້ມາດຕະ ການທີ່ກະທົບຕໍ່ການຄ້າດ້ານສິນ
ຄ້າ ແລະ ການບໍລິການ, ທົບທວນ ຄືນກົງຈັກລັດໃນປັດຈຸບັນ ເພື່ອຊອກຫາຊ່ອງທາງໃນການປັບປຸງໜ້າທີ່ຮັບຜິດຊອບດ້ານການຄ້າຂອງແຕ່ລະຂະແໜງການ
ເພື່ອໃຫ້ການປະສານງານມີປະສິດທິ ພາບ ແລະ ປະຢັດຕົ້ນທຶນດ້ານຄົນ, ເງິນ ແລະ
ເວລາ. ການພັດ ທະນາໂຄງລ່າງພື້ນຖານ ຕ້ອງ ສຸມໃສ່ການພັດທະນາລະບົບຄົມ ມະນາຄົມ
ເປັນຕົ້ນຖະໜົນຫົນ ທາງໃຫ້ເປັນລະບົບ ແລະ ມີປະ ສິດທິພາບ ໂດຍເພີ່ມທະວີຄວາມປອດໃສໃນການປະມູນໂຄງການກໍ່ສ້າງຂອງລັດ
ແນໃສ່ສ້າງສິ່ງອຳນວຍໃຫ້ແກ່ການລົງທຶນເຂົ້າໃນການຜະລິດ ເຮັດໃຫ້ ສປປ ລາວ
ເປັນຖານການຜະລິດທີ່ໃຊ້ຕົ້ນທຶນຕ່ຳ. ການເສີມສ້າງຈິດສຳນຶກ ແລະ ການສ້າງຄວາມສາມາດດ້ານວິຊາການ
ແມ່ນ ການສ້າງຄວາມສາມາດດ້ານວິຊາການໄລຍະສັ້ນ, ກາງ ແລະ ຍາວ. ໃນໄລຍະສັ້ນ ແມ່ນສຸມໃສ່ການເຜີຍແຜ່ກ່ຽວກັບ
ອຄລ ແລະ ຂໍ້ຜູກພັນ ເພື່ອສ້າງຄວາມເຂົ້າໃຈໃນທົ່ວປະເທດ ໂດຍໃນເບື້ອງຕົ້ນ
ຈະເລີ່ມຈັດໃນ 3 ພາກ (ເໜືອ, ກາງ ແລະ ໃຕ້) ກ່ອນ ພ້ອມທັງສົມທົບກັບສື່ມວນຊົນ
ເພື່ອເສີມຂະຫຍາຍວຽກງານເຜີຍແຜ່ດັ່ງ ກ່າວໃຫ້ກວ້າງຂວາງອອກຕື່ມ ຜ່ານສື່ຕ່າງໆ
ແລະ ການຈັດສຳມະນາ. ສ່ວນໄລຍະກາງ ແລະ ໄລຍະຍາວ ຈະສຸມໃສ່ການສ້າງຄວາມອາດ
ສາມາດໃຫ້ແກ່ບຸກ ຄະລາກອນ, ນັກສຶກສາ ແລະ ພາກທຸລະກິດ ເພື່ອໃຫ້ມີຄວາມເຂົ້າໃຈຫລັກການ
ອຄລ. ການສ້າງຄວາມສາມາດໃຫ້ແກ່ພາກ ສ່ວນກ່ຽວຂ້ອງພາຍຫລັງເຂົ້າເປັນສະມາຊິກ ອຄລ
ສືບຕໍ່ຈັດຕັ້ງໂຄງການທີ່ມີຢູ່ປັດຈຸບັນ ເພື່ອໃຫ້ ສປປ ລາວ ສາມາດຈັດຕັ້ງປະຕິ ບັດພັນທະທີ່ໄດ້ໃຫ້ໄວ້ກັບ
ອຄລ ພາຍຫລັງເຂົ້າເປັນສະມາຊິກ ເປັນຕົ້ນການປັບປຸງນິຕິກຳທີ່ຍັງຄ້າງຄາ ເຊິ່ງໄດ້ໃຫ້ພັນທະໄວ້ໃນ
ອຄລ ແລະ ສ້າງນິຕິກຳທີ່ຈຳເປັນ ເປັນຕົ້ນນິຕິກຳທີ່ຕິດພັນກັບມາດຕະການປົກປ້ອງທາງການຄ້າ
(ການປົກປ້ອງຊົ່ວຄາວ, ການຕ້ານການທຸ້ມຕະຫລາດ ແລະ ການຕອບໂຕ້ການຖົມຂຸມ) ແລະ
ນິຕິກຳທີ່ຕິດພັນກັບການຄ້າດ້ານການບໍລິການ, ສ້າງຄວາມສາ ມາດໃຫ້ແກ່ໜ່ວຍງານຈັດຕັ້ງປະ
ຕິບັດລະບຽບການຕ່າງໆ ທີ່ຕິດພັນກັບການຄ້າໃຫ້ເຫັນເປັນຮູບປະທຳເຊັ່ນ: ພາສີ,
ຊັບສິນທາງປັນຍາ, ຈົດໝາຍເຫດທາງລັດຖະ ການ, ຈຸດສອບຖາມ ແລະ ສູນແຈ້ງຂໍ້ມູນມາດຕະການທີ່ຕິດພັນກັບສຸຂະນາໄມ
ແລະ ສຸຂະນາໄມພືດ, ສິ່ງກີດຂວາງທາງເຕັກນິກທີ່ເປັນອຸປະສັກຕໍ່ການຄ້າ ແລະ
ສູນສະໜອງຂໍ້ມູນການຄ້າດ້ານການບໍລິການ, ສ້າງຄວາມເຂັ້ມແຂງໃຫ້ພາກທຸລະກິດ
ໂດຍສະເພາະວິສາຫະກິດຂະໜາດນ້ອຍ ແລະ ກາງ ທີ່ຍັງມີຄວາມຮັບຮູ້ຂ້ອນຂ້າງຕ່ຳກ່ຽວກັບວຽກງານການເຊື່ອມໂຍງ
ແລະ ອົງການຕາງ ໜ້າ ສປປ ລາວ ຢູ່ ອຄລ ລັດຖະ ບານຈະພິຈາລະນາຢ່າງຕັ້ງໜ້າ ແລະ ຮອບຄອບ
ເປັນແຕ່ລະກໍລະ ນີໃນການແຕ່ງຕັ້ງ, ຈັດວາງອົງ ການຕາງໜ້າຂອງລາວຢູ່ ອຄລ ຢ່າງເໝາະສົມ
ແລະ ສ້າງເງື່ອນໄຂໃຫ້ໄດ້ເຂົ້າຮ່ວມກອງປະຊຸມສາກົນເພື່ອປົກປ້ອງຜົນປະໂຫຍດ
ແລະ ຍາດແຍ່ງຜົນປະໂຫຍດ ມາໃຫ້ຊາດເຮົາໃຫ້ຫລາຍເທົ່າທີ່ຈະຫລາຍໄດ້.
No comments:
Post a Comment