ໂດຍ: ຂ.ຊານຸບານ
ນີ້ແມ່ນຄຳເວົ້າຂອງນັກທ່ອງທ່ຽວຕ່າງປະເທດຫລາຍຄົນທີ່ເຄີຍມາທ່ຽວບ້ານເມືອງເຮົາ.
ໃນຄວາມຈິງມັນກໍແມ່ນແນວນັ້ນແທ້ ປະເທດລາວເປັນປະເທດທີ່ມີທິວທັດທຳມະຊາດອັນສວຍສົດງົດງາມ,
ມີຄວາມອຸດົມສົມບູນໄປດ້ວຍປູສະນີຍະສະຖານອັນເກົ່າແກ່ ແລະ ຄວາມຫລາກຫລາຍແຫ່ງສີສັນທາງດ້ານວັດທະນະ
ທຳທີ່ຫາບ່ອນອື່ນມາປຽບທຽບໄດ້ຍາກ. ພ້ອມນັ້ນ ຍັງເປັນບ້ານເມືອງທີ່ມີຄວາມສະຫງົບງຽບ,
ປະຊາຊົນມີນ້ຳໃຈໂອບເອື້ອອາລີ, ຮັກແພງແຂກບ້ານແຂກເມືອງຜູ້ມາທ່ຽວຊົມ ແລະ
ອີກອັນໜຶ່ງແມ່ນຄວາມມີເອກະລັກດັ້ງເດີມຂອງມັນ ເຊິ່ງທັງໝົດເຫລົ່ານີ້ນັບມື້ໄດ້ກາຍເປັນສິ່ງດຶງດູດໃຈຂອງນັກທ່ອງທ່ຽວຫລາຍຂຶ້ນ.
ຄວາມອາດສາມາດບົ່ມຊ້ອນຂອງການທ່ອງທ່ຽວລາວ.
ເມື່ອເວົ້າເຖິງປະເທດລາວແລ້ວ ໃຜໆກໍຈະວາດພາບໄດ້ເຖິງຄວາມອຸດົມສົມບູນທາງດ້ານວັດ
ທະນະທຳ ແລະ ຄວາມອາດສາ ມາດບົ່ມຊ້ອນຂອງການທ່ອງ ທ່ຽວສິ່ງທີ່ເປັນຮູບຮ່າງ ແລະ
ສິ່ງບໍ່ມີຮູບຮ່າງ. ລາວເປັນປະເທດທີ່ປະກອບດ້ວຍຫລາຍຊົນເຜົ່າ (49 ຊົນເຜົ່າ)
ແລະ ມີບຸນສິນຕ່າງໆທີ່ເປັນເອກະລັກສະເພາະຂອງເຜົ່າ ແລະ ຂອງແຕ່ລະທ້ອງຖິ່ນ
ຄືບຸນ ປີໃໝ່ລາວ, ບຸນກິນຈຽງຂອງເຜົ່າມົ້ງ, ບຸນກະເລີຂອງກຶມມຸ, ບຸນນະ
ມັດສະການພະທາດຫລວງ,
ບຸນບັ້ງໄຟ ແລະ ຮີດຄອງປະເພນີຕ່າງໆ. ພ້ອມນັ້ນ ກໍແມ່ນບັນຍາ ກາດແຫ່ງການຟ້ອນລຳ-ທຳເພງ,
ມ່ວນຊື່ນລື່ນເລີງຈາກສຽງຂັບ, ສຽງລຳ, ສຽງຂຸ່ຍ, ສຽງແຄນ ອັນເປັນເອກະລັກຂອງລາວ
ແລະ ສິ່ງພິເສດໄປກວ່ານັ້ນ ກໍແມ່ນຄວາມຫລາກຫລາຍ ແລະ ສວຍງາມຂອງວັດວາອາຮາມອັນເກົ່າແກ່ມີຢູ່ທົ່ວທຸກແຫ່ງຂອງປະເທດ.
ຕາມການໃຫ້ຮູ້ຂອງອົງການພຸດທະສາສະໜາສຳພັນລາວວ່າ: ປັດຈຸບັນ ຢູ່ລາວເຮົາມີວັດວາອາຮາມທັງໝົດປະມານ
1.400 ແຫ່ງ, ໃນນັ້ນ ກໍມີບາງວັດທີ່ມີຊື່ສຽງດົ່ງດັງ ຄືຢູ່ນະຄອນ ຫລວງວຽງຈັນກໍຈະແມ່ນວັດທາດຫລວງ,
ວັດສີສະເກດ, ຫໍພະແກ້ວ. ສ່ວນຢູ່ຫລວງພະບາງດິນແດນແຫ່ງອາລິຍະທຳອັນລືຊື່ນັ້ນ
ກໍຈະແມ່ນວັດຊຽງທອງ ເຊິ່ງເປັນວັດເກົ່າແກ່ ແລະ ສວຍງາມທີ່ສຸດໃນລາວທີ່ໄດ້ຮັບການສ້າງ
ຕັ້ງຂຶ້ນເມື່ອປີ 1560 ຢູ່ແຄມຝັ່ງແມ່ນ້ຳຂອງ ແລະ ສິ່ງເຫລົ່ານັ້ນໄດ້ເຮັດໃຫ້ແຂກຄົນ
ແລະ ນັກທ່ອງທ່ຽວເຂົ້າໃຈດີຕໍ່ກັບວັດ ທະນະທຳລາວກໍຄືສະຖາປັດຕະ ຍາກຳທີ່ເປັນເອກະລັກ
ແລະ ພວກເຂົາເຫລົ່ານັ້ນກໍມີຄວາມເຂົ້າໃຈເລິກເຊິ່ງຕື່ມອີກກ່ຽວກັບວັດວາອາຮາມ
ແລະ ຄວາມເຫລື້ອມໃສຂອງສາສະໜາພຸດທີ່ມີຕໍ່ປະຊາຊົນລາວ ເຊິ່ງອາດເວົ້າໄດ້ວ່າ:
ສະຖານທີ່ແຫ່ງນີ້ແມ່ນສູນລວມທາງດ້ານວັດທະນະທຳ, ງານເທສະການຕ່າງໆ ແລະ ທັງເປັນບ່ອນເທດສະໜາ,
ບ່ອນສອນໜັງສື ແລະ ການບຳລຸງບົ່ມສອນຊັບພະຍາກອນມະນຸດໃຫ້ແກ່ປະເທດຊາດ. ນອກຈາກນີ້
ລາວຍັງມີສະຖານທີ່ທ່ອງທ່ຽວທີ່ມີຊື່ສຽງຫລາຍແຫ່ງເຊັ່ນ: ວັດພູຈຳປາສັກ,
ບັນດາຖ້ຳປະຫວັດ ສາດທີ່ເມືອງວຽງໄຊ ແຂວງຫົວພັນ, ທົ່ງໄຫຫີນຊຽງຂວາງ, ເຂດທ່ອງທ່ຽວທຳມະຊາດເມືອງວັງວຽງ
ແລະ ພິເສດກໍແມ່ນພະຣາສະວັງເກົ່າທີ່ເມືອງມໍລະ ດົກໂລກຫລວງພະບາງ ເຊິ່ງແມ່ນສະຖານທີ່ທີ່ໄດ້ຮັບການຍົກຍ້ອງເປັນເມືອງທີ່ສວຍງາມ
ແລະ ສະຫງົບງຽບທີ່ສຸດໃນອາຊີຕາເວັນອອກສຽງໃຕ້ ແລະ ເປັນເມືອງທີ່ໜ້າທ່ຽວຊົມ
ແລະ ໄປຄຽງຄູ່ກັບຄວາມງົດງາມຂອງທຳມະຊາດ ແລະ ບູຮານສະ ຖານ, ວັດວາອາຮາມອັນເກົ່າແກ່ດັ່ງກ່າວແລ້ວ
ໃຜໆມາທ່ຽວລາວກໍຈະໄດ້ຮັບການແນະນຳໃຫ້ຮູ້ເຖິງບັນດາໝູ່ບ້ານຫັດຖະກຳຕ່າງໆ,
ໃນນັ້ນ ພົ້ນເດັ່ນທີ່ສຸດກໍຈະແມ່ນອາຊີບຕ່ຳຫູກທໍໄໝຂອງເອື້ອຍນ້ອງແມ່ຍິງລາວທີ່ມີມູນເຊື້ອສືບເນື່ອງມາຫລາຍພັນປີແລ້ວ
ເຊິ່ງສະແດງອອກໃຫ້ເຫັນຈາກຄວາມປານີດຂອງຜະລິດຕະພັນຜ້າແພລາວທີ່ມີຫລາຍສີສັນ
ແລະ ການຫຍິບຖັກປັກແສ່ວຢ່າງສວຍງາມ ແລະ ນຸ້ມ ນວນດີ ມັນສະແດງໃຫ້ເຫັນເຖິງລັກສະນະສິລະປະວັດທະນະທຳອັນຍອດຍິ່ງຂອງອາພອນເພດຊົງລາວອີກດ້ວຍ
ແລະ ສົມກັບເປັນປະເທດໜຶ່ງທີ່ມີເທສະການ ແລະ ງານບຸນຕ່າງໆຕະຫລອດປີ ອັນເປັນທ່າແຮງ
ແລະ ໂອກາດໃຫ້ແກ່ການດຶງດູດນັກທ່ອງທ່ຽວເຂົ້າມາທ່ຽວລາວນັບມື້ຫລາຍຂຶ້ນ.
ພິເສດແມ່ນຍັງອີກບໍ່ທໍ່ໃດວັນຂ້າງໜ້ານີ້,
ກອງປະຊຸມລັດຖະ ມົນຕີທ່ອງທ່ຽວອາຊຽນ (ATF) ຄັ້ງທີ 32 ເຊິ່ງລາວເຮົາໄດ້ຮັບກຽດເປັນເຈົ້າພາບກໍຈະເປີດຂຶ້ນຢູ່ນະຄອນຫລວງວຽງຈັນ,
ພ້ອມມີການວາງສະແດງທ່ອງທ່ຽວອາຊຽນນຳອີກ ເຊິ່ງເຫດ ການດັ່ງກ່າວກໍຈະເປັນໂອກາດອັນສຳຄັນໃຫ້ແກ່
ສປປ ລາວ ໄດ້ນຳສະເໜີ ແລະ ໂຄສະນາເຜີຍແຜ່ທ່າແຮງຕ່າງໆຂອງການພັດ ທະນາອຸດສາຫະກຳທ່ອງທ່ຽວລາວ
ເພື່ອສາມາດເຊື່ອມໂຍງເຂົ້າກັບສາກົນໄດ້ເທື່ອລະກ້າວ. ກໍດັ່ງປີ 2012 ຜ່ານມາ,
ລາວໄດ້ເປີດປີທ່ອງທ່ຽວຂອງຕົນ ແລະ ກໍເຫັນວ່າມີຜົນສຳເລັດສູງ ເຊິ່ງກໍໃນປີນີ້
ລາວສາມາດດຶງດູດນັກທ່ອງທ່ຽວເຂົ້າປະເທດໄດ້ຫລາຍກວ່າ 3 ລ້ານເທື່ອຄົນ ເຊິ່ງຫລາຍກວ່າທຸກໆປີຜ່ານມາ
ເຊິ່ງຕາມການລາຍງານຂອງອົງການທ່ອງທ່ຽວລາວ ໃຫ້ຮູ້ວ່າ: ປີ 2006 ລາວໄດ້ຕ້ອນຮັບແຂກທ່ອງທ່ຽວໄດ້
1,2 ລ້ານເທື່ອຄົນ, ປີ 2007 ມີ 1,4 ລ້ານເທື່ອຄົນ ແລະ ປີ 2011 ຈຳນວນນັກທ່ອງທ່ຽວເຂົ້າມາລາວໄດ້ເພີ່ມທະວີຂຶ້ນຫລາຍກວ່າ
2 ລ້ານເທື່ອຄົນ ອັນໄດ້ປະກອບສ່ວນສຳຄັນເຂົ້າໃນການພັດທະນາພື້ນຖານເສດ ຖະກິດຂອງລາວຂະຫຍາຍຕົວ.
ທ່ານລັດຖະມົນຕີຊ່ວຍວ່າການກະຊວງຖະແຫລງຂ່າວ,
ວັດທະ ນະທຳ ແລະ ທ່ອງທ່ຽວ, ຜູ້ຮັບ ຜິດຊອບວຽກງານທ່ອງທ່ຽວ ໃຫ້ຮູ້ວ່າ: ການທ່ອງທ່ຽວລາວແມ່ນໜຶ່ງໃນບັນດາຂະແໜງເສດຖະກິດປາຍແຫລມທີ່ສາມາດນຳລາຍຮັບເຂົ້າປະເທດໃນແຕ່ລະປີເປັນຈຳນວນບໍ່ໜ້ອຍ
ແລະ ປັດຈຸບັນ ລັດຖະບານລາວກໍຍັງໃຫ້ບູລິມະສິດພັດທະນາຂະແໜງການດັ່ງ ກ່າວໃຫ້ກາຍເປັນອຸດສາຫະກຳທ່ອງທ່ຽວ
ແລະ ແຕ່ລະປີ ລັດຖະ ບານກໍໄດ້ອະນຸມັດງົບປະມານເປັນຈຳນວນຫລວງຫລາຍ ເພື່ອປັບປຸງພື້ນຖານໂຄງລ່າງ
ແລະ ພັດທະນາແຫລ່ງທ່ອງທ່ຽວຕ່າງໆ, ພ້ອມເລັ່ງໃສ່ຍົກສູງຄວາມຮູ້ຄວາມສາມາດຂອງຖັນແຖວພະນັກງານໃນຂະແໜງການດັ່ງກ່າວ.
ພ້ອມນັ້ນ ກໍໄດ້ສຸມໃສ່ໂຄສະນາປຸກລະດົມທົ່ວສັງຄັມເຂົ້າມາມີສ່ວນຮ່ວມກັບວຽກງານທ່ອງທ່ຽວໃຫ້ນັບມື້ຫລາຍຂຶ້ນ.
No comments:
Post a Comment