ອາສາສະໝັກ ຈຳນວນ 6 ຄົນ ເປັນຍິງ 3 ຄົນ ຈາກ
ສ.ເກົາຫລີ ມາຊ່ວຍສິດສອນນັກເທຄວັນໂດໄວໜຸ່ມຂອງລາວ ພາຍໃຕ້ໂຄງການ “ພີສຄອບ”
ຂອງສະຫະພັນເທຄວັນໂດໂລກ.
ສະຫະພັນເທຄວັນໂດໂລກ ຈັດໂຄງການພັດທະນານັກກິລາເທຄວັນໂດຂຶ້ນ
ດ້ວຍການຄັດເລືອກເອົາອາສາສະໝັກທີ່ມີຜົນ ງານມາຊ່ວຍສິດສອນນັກກິລາເທຄວັນໂດຢູ່ປະເທດຕ່າງໆ
ເຊິ່ງໃນປີ 2013 ນີ້ ກໍເຊັ່ນດຽວກັນ ສະ ຫະພັນເທຄວັນໂລກໄດ້ສົ່ງອາ ສາສະໝັກ ສ.ເກົາຫລີ
ຈຳນວນ 6 ຄົນ ມາສິດສອນນັກກິລາເທຄວັນໂດລາວ ໃນຄັ້ງນີ້ ຈະໃຊ້ເວລາເຝິກສອນຈຳນວນ
50 ວັນ, ການສອນແບ່ງອອກຄື: ສອນວິທີການແຂ່ງຂັນ, ສອນຟ້ອນມວຍ, ສອນວັດທະນະທຳ ເກົາຫລີ
ແລະ ພາ ສາ ເກົາຫລີ ເຊິ່ງຈະລົງສິດສອນຢູ່ສະໂມສອນເທຄວັນໂດ ຕາ ວັນ, ສະໂມສອນເທຄວັນໂດ
ມ/ຊ ແລະ ສະໂມສອນເທຄວັນໂດ ຫງຽນຢູ.
ໃນວັນທີ 9 ມັງກອນມານີ້ ຢູ່ ຕຶກໃໝ່ກະຊວງສຶກສາທິການ
ແລະ ກິລາ ຂ້າງສະໜາມກິລາເຈົ້າອະນຸວົງ ທ່ານ ແສງພອນ ພົນອາມາດ, ຫົວໜ້າກົມກິລາລະ
ດັບສູງກະຊວງສຶກສາທິການ ແລະ ກິລາ ໄດ້ຕ້ອນຮັບການເຂົ້າພົບຂອງອາສາສະໝັກ ທັງ
6 ຄົນ, ພ້ອມສະແດງການຕ້ອນຮັບຢ່າງອົບອຸຸ່ນ ແລະ ອວຍ ພອນໃຫ້ການເດີນທາງມາປະຕິບັດໜ້າທີ່ຢູ່ລາວ
ໃນຄັ້ງນີ້ປະສົບຜົນສຳເລັດຕາມລະດັບຄາດໝາຍທີ່ວາງໄວ້.
No comments:
Post a Comment