ທ່ານ ຈູມມາລີ ໄຊຍະສອນ ເລຂາທິການໃຫຍ່,
ປະທານປະເທດ ແຫ່ງ ສ.ປ.ປ.ລາວ ພ້ອມຄະນະເດີນຢ້ຽມຢາມໂຄງ ການພາກຂະ ຫຍາຍຂອງເຂື່ອນ
ເທີນ-ຫີນບູນ ໂດຍການຕ້ອນ ຮັບຂອງທ່ານ ສຸລີວົງ ດາລາວົງ ລັດຖະມົນຕີວ່າການກະຊວງພະລັງງານ
ແລະ ບໍ່ແຮ່ ພ້ອມພະນັກງານບໍລິສັດ ເທີນ-ຫີນບູນ ພາວເວີ ຈຳກັດ ຢູ່ບ້ານຄູນຄຳ,
ເມືອງຄູນຄຳ ແຂວງຄຳມ່ວນ ໃນວັນທີ 8 ມັງກອນ 2013 ນີ້.
ໃນໂອກາດດັ່ງກ່າວ ທ່ານ ສຸລິວົງ
ດາລາວົງ, ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ໄດ້ຂຶ້ນລາຍງານຄວາມເປັນມາຂອງບໍລິສັດ
ແລະ ຄວາມພ້ອມ ໃນການກະກຽມຂອງການສະເຫລີມສະຫລອງ ເປີດການນຳໃຊ້ໂຄງການພາກຂະຫຍາຍຂອງເຂື່ອນ
ເທີນ-ຫີນບູນ ໃນວັນທີ 11 ມັງກອນ 2013 ວ່າ: ໂຄງການກໍ່ ສ້າງໄຟຟ້ານ້ຳຕົກ ເທີນ-
ຫີນບູນ ພາກຂະຫຍາຍ ມີກຳລັງຕິດຕັ້ງ
500 ເມກາວັດ ຄື: ເຂື່ອນໄຟຟ້ານ້ຳຍ່ວງມີກຳລັງຕິດຕັ້ງ (2X30MW)=60 MW, ສາມາດຜະລິດພະລັງງານໄຟຟ້າສະເລ່ຍ
310
GWhຕໍ່ປີ. ເຂື່ອນໄຟຟ້າເທີນ-ຫີນບູນພາກຂະຫຍາຍ ມີກຳລັງຕິດຕັ້ງ (1 X 220
MW)= 220 MW ສາມາດຜະລິດພະລັງງານໄຟຟ້າສະເລ່ຍ 1440 GWhຕໍ່ປີ, ເຂື່ອນໄຟຟ້າ ເທີນ-ຫີນບູນ
ປະຈຸບັນ ມີກຳລັງຕິດຕັ້ງ (2X110 MW)= 220 MW, ສາມາດຜະ ລິດໄຟຟ້າສະເລ່ຍ 1.440
GWh ຕໍ່ປີ ລວມກຳລັງຕິດຕັ້ງທັງໝົດ 500 MW, ສາມາດຜະລິດໄຟຟ້າສະເລ່ຍ 3.000 GWhຕໍ່ປີ.
ມູນຄ່າການກໍ່ສ້າງຂອງໂຄງການປະ ມານ 720 ລ້ານໂດລາສະຫະລັດ, ໃນນີ້ ລັດວິສາຫະກິດໄຟຟ້າລາວຖືຮຸ້ນ
60%.
ບໍລິສັດໄຟຟ້າ ເທີນ-ຫີນບູນ ພາວເວີ
ຈຳກັດ ສາມາດສ້າງລາຍຮັບໃຫ້ລັດຖະບານ ໃນຕະ ຫລອດໄລ ຍະ 12 ປີ ຜ່ານມາ ຫລາຍກວ່າ
300 ລ້ານໂດລາສະ ຫະລັດ ເຂົ້າໃນການພັດທະນາພື້ນຖານໂຄງລ່າງເສດຖະກິດ ຂອງ ລາວ
ແລະ ສ້າງວຽກເຮັດການທຳໃຫ້ແກ່ປະຊາຊົນ ຫລາຍກວ່າ 3.000 ຄົນໃນໄລຍະກໍ່ສ້າງໂຄງ
ການທີ່ໄດ້ຮັບຜົນປະໂຫຍດ ແລະ 97% ຂອງພະນັກງານໃນ ບໍລິສັດແມ່ນຄົນລາວ.
ໃນໂອກາດດັ່ງກ່າວນີ້ ທ່ານ ຈູມມາລີ ໄຊຍະສອນ,
ເລຂາທິ ການໃຫຍ່, ປະທານປະເທດ ກໍໄດ້ ສະແດງຄວາມຍ້ອງຍໍຊົມເຊີຍ ຕໍ່ຜົນງານຂອງບໍລິສັດໄຟຟ້າ
ເທີນ- ຫີນບູນ ພາວເວີ ຈຳກັດ ກໍຄື ພະ ນັກ ງານ-ກຳມະກອນທຸກໆຄົນ ທີ່ສາມາດຍາດໄດ້ໃນໄລຍະຜ່ານ
ມາ. ພ້ອມທັງ ໄດ້ເນັ້ນໃຫ້ບໍລິສັດໄຟຟ້າເທີນ-ຫີນບູນ ພາວເວີ ຈຳ ກັດ ເອົາໃຈໃສ່ກໍ່ສ້າງຊັບພະຍາກອນມະນຸດ,
ສ້າງພະນັກງານວິຊາການທີ່ມີຄວາມຮູ້ຄວາມສາ ມາດໃຫ້ຫຼາຍ ແລະ ມີຄວາມຊຳນານງານເພື່ອສືບຕໍ່ສ້າງຜົນງານກໍຄືການປົກປັກຮັກສາ
ແລະ ນຳ ໃຊ້ເຂື່ອນ ດັ່ງກ່າວໃຫ້ມີຜົນປະໂຫຍດສູງສຸດຕໍ່ປະເທດຊາດ.
No comments:
Post a Comment