ປັດຈຸບັນສະພາບການສັນຈອນແອອັດມັກເກີດຂຶ້ນເປັນປະຈຳຢູ່ບົນເສັ້ນ
ທາງເລກ 1 ໃນບໍລິເວນຫໍຄຳອອກໄປໂຮງໝໍມະໂຫສົດ ໂດຍສະເພາະວັນເສົາ ແລະ ວັນອາທິດ
ເນື່ອງຈາກຂະບວນລົດທ່ອງທ່ຽວທີ່ພາແຂກມາຊົມຫໍພະແກ້ວ ແລະ ວັດສີສະເກດ ເຊິ່ງເປັນແຫລ່ງທ່ອງທ່ຽວວັດທະນະທຳອັນມີຊື່ສຽງແຫ່ງໜຶ່ງໃນນະຄອນຫລວງວຽງຈັນ.
ແຕ່ຍ້ອນຂາດການຈັດສັນບ່ອນຈອດລົດທີ່ຖືກຕ້ອງ ຈຶ່ງເຮັດໃຫ້ຂະບວນລົດດັ່ງກາວຈອດຊະຊາຍໄປຕາມສອງຟາກທາງດັ່ງກ່າວ
ຈຶ່ງເຮັດໃຫ້ການສັນຈອນບໍລິເວນນັ້ນເກີດຄວາມແອອັດ.
ຕໍ່ສະພາບດັ່ງກ່າວ ຈຶ່ງມີຫລາຍຄົນນຳສະເໜີມາເພື່ອໃຫ້ພາກສ່ວນຮັບຜິດຊອບຈົ່ງມີວິທີການແກ້ໄຂ
ແລະ ຈັດສັນການຈອດລົດໃນບໍລິເວນດັ່ງກ່າວເຂົ້າ ສູ່ຄວາມເປັນລະບຽບຮຽບຮ້ອຍ
ແລະ ຮັບປະກັນໃຫ້ການສັນຈອນມີຄວາມສະດວກສະບາຍຂຶ້ນ. ພ້ອມນັ້ນກໍເປັນການສ້າງສິ່ງອຳ
ນວຍຄວາມສະດວກໃຫ້ແກ່ການເປັນເຈົ້າພາບຈັດກອງປະຊຸມທ່ອງທ່ຽວອາຊຽນ (ATF) ຄັ້ງທີ
32 ທີ່ຈະຈັດຂຶ້ນລະຫວ່າງວັນທີ 18-24 ມັງກອນນີ້ ສຳເລັດຈົບງາມ.
No comments:
Post a Comment