ການພັດທະນາຊີວະນາໆພັນ ກະສິກຳ ຫຼື TABI ເປັນໂຄງການ
ໄລຍະຍາວ (SDC) ເຊິ່ງປະກອບ ມີຄູ່ຮ່ວມງານຫຼາຍພາກສ່ວນ ຄື ຫ້ອງການຊັບພະຍາກອນນ້ຳ ແລະ ສິ່ງແວດລ້ອມ,
ອົງການຄຸ້ມ ຄອງທີ່ດິນ, ພະແນກກະສິກຳ-ປ່າໄມ້ ແລະ ບັນດາຄູ່ຮ່ວມງານອື່ນໆ ເພື່ອຄຸ້ມຄອງ
ແລະ ດຳເນີນໂຄງ ການຢູ່ຂັ້ນແຂວງ ແລະ ບັນດາ ເມືອງເປົ້າໝາຍ.
ໄລຍະຕົ້ນ ໂຄງການນີ້ໄດ້ ເລີ່ມປະຕິບັດມາແຕ່ເດືອນພຶດສະ
ພາ 2009 ຫາເດືອນມິຖຸນາ 2012 ຢູ່ເມືອງພູກູດ ແຂວງຊຽງຂວາງ ແລະ ເມືອງໂພນໄຊ ແຂວງຫຼວງ ພະບາງ
ເພື່ອແນໃສ່ປັບປຸງຊີວິດ ການເປັນຢູ່ ຂອງຄອບຄົວຊາວ ກະສິກອນເຂດພູດອຍ ໃນການ ຄຸ້ມຄອງ
ແລະ ນຳໃຊ້ຊີວະນາໆ ພັນ ຕິດພັນກັບການລຸດຜ່ອນ ຄວາມທຸກຍາກ, ຕາມ 6 ອົງປະ ກອບພື້ນຖານ ຂອງການດຳເນີນ
ງານຄື: 1. ເພີ່ມຂີດຄວາມສາມາດ ໃນການຄຸ້ມຄອງສົນທິສັນຍາສາ ກົນວ່າດ້ວຍ ຊີວະນາໆພັນ ໃຫ້ມີ
ປະສິດທິພາບຢູ່ໃນ ສປປ ລາວ, 2. ປັບປຸງລະບົບການຜະລິດກະສິກຳ ແບບຍືນຍົງ ແລະ ການອະນຸລັກ
ຊີວະນາໆພັນໃຫ້ຊາວບ້ານ,
3. ປັບປຸງການຕະຫຼາດ, ການອະນຸ ລັກເຄື່ອງປ່າຂອງດົງ ແລະ ຜະ ລິດຕະພັນກະສິກຳ, 4. ສະໜັບ ສະໜູນການວາງແຜນນຳໃຊ້ທີ່ດິ
ນ ແລະ ການລົງ ທະບຽນອອກ ໃບຕາດິນ, 5. ການຄຸ້ມຄອງລະ ບົບຄວາມຮູ້ ແລະ ຂໍ້ມູນຂ່າວ ສານເລື່ອງຊີວະນາໆພັນ
ກະສິກຳ ແລະ ການຫຼຸດຜ່ອນຄວາມທຸກ ຍາກ, 6. ການຄຸ້ມຄອງໂຄງການ ແລະ ການສ້າງຄວາມຮູ້ ຄວາມ ສາມາດໃຫ້ພະນັກງານ.
ໃນໄລຍະຜ່ານມາ ການຈັດ ຕັ້ງປະຕິບັດໂຄງການຍ່ອຍ
ສະເພາະແຂວງຊຽງຂວາງມີ 27 ກິດ ຈະກຳການສົ່ງເສີມເຊັ່ນ: ການປັບປຸງເມັດພັນເຂົ້າ
ແລະ ການຜະລິດເຂົ້າໄກ່ນ້ອຍ ລຸ້ນ 3 ໄດ້ 10 ໂຕນ ໃນຈຳນວນ 6 ບ້ານ ຄືບ້ານມຽນ,
ເຄີງ, ປຸ່ງໝັ້ນ, ນາຊາຍທອງ, ຫວດຕັນ ແລະ ບ້ານລະງວມ, ມີ 125 ຄອບຄົວ; ການສົ່ງເສີມລ້ຽງໄກ່ພື້ນເມືອງມີ
2 ກຸ່ມ, 19 ບ້ານ, 200 ຄອບຄົວ, ມີລາຍຮັບເພີ່ມຂຶ້ນຈາກເດີມ 2 ແສນຫາ 4 ແສນກີບຕໍ່ປີ,
ແຕ່ປັດຈຸບັນມີລາຍຮັບ 2 ລ້ານຫາ 6 ລ້ານກີບຕໍ່ປີຕໍ່ຄອບຄົວ; ການກໍ່ສ້າງບໍ່ແກັສ
ຊີວະພາບ ກິດຈະກຳນີ້ໄດ້ສົມທົບທຶນກັບໂຄງການຕົວແບບແກັສ ຊີວະພາບ, ສ້າງສຳເລັດ
217 ບໍ່, ມີ 217 ຄອບຄົວ, ໄດ້ຮັບຜົນປະໂຫຍດ ແລະ ສາມາດຫລຸດການຕັດໄມ້ມາເຮັດຟືນ
ໂດຍສະເລ່ຍໄດ້ 1.000 ກວ່າແມັດກ້ອນຕໍ່ປີ. ນອກນັ້ນ ຍັງໃຊ້ເປັນແສງສະຫວ່າງ
ແລະ ຝຸ່ນຊີວະພາບໃຫ້ແກ່ພືດຜັກເຊັ່ນ: ການປູກພືດຜັກອິນຊີ ກິດ ຈະກຳນີ້ມີຫລາຍຄອບຄົວຂອງເມືອງຄູນໄດ້ຮັບຜົນປະໂຫຍດ
ເຊິ່ງທາງໂຄງການໄດ້ເນັ້ນໃສ່ເຕັກນິກການປູກເພື່ອຂາຍ ແລະ ເພື່ອຫລຸດຜ່ອນການໃຊ້ສານເຄມີ;
ການແປຮູບໜໍ່ໄມ້ຈຳນວນ 4 ບ້ານ ໃນເມືອງພູກູດ, ມີຫລາຍກວ່າ 183 ຄົນເຂົ້າຮ່ວມເຝິກອົບຮົມ
ສາ ມາດຜະລິດໜໍ່ໄມ້ປິດເປັນສິນຄ້າໄດ້ 2 ພັນກວ່າປິດ ແລະ ໜໍ່ໄມ້ຖົງໄດ້ຈຳນວນຫລາຍພັນຖົງ.
ນອກນີ້ຍັງມີການຈັດສັນລະບົບການຄຸ້ມຄອງປ່າໜໍ່ໄມ້ຢ່າງເປັນລະ ບົບ; ການອະນຸລັກ
ແລະ ແປຮູບຊາພູສັນ ບ້ານຍອດປຽງ, ບ້ານອໍ້ອັ້ນ ເມືອງແປກ ແລະ ສາມາດຂຶ້ນບັນຊີຕົ້ນຊາອະນຸລັກໄດ້
934 ຕົ້ນ, ປູກໃໝ່ 15 ພັນເບັ້ຍ, ຜະລິດຊາແຫ້ງໄດ້ 1 ພັນກວ່າກິໂລ, ສາ ມາດສ້າງລາຍຮັບໃຫ້ກະສິກອນໄດ້ເປັນຢ່າງດີ;
ສະເພາະການ ວາງແຜນນຳໃຊ້ທີ່ດິນສຳເລັດ 2 ກຸ່ມບ້ານ ຄືກຸ່ມບ້ານເຄີງ ແລະ ກຸ່ມບ້ານລ້ອງຄານ
ເມືອງພູກູດ ເຮັດໃຫ້ຊາວບ້ານເຂົ້າໃຈໃນການນຳໃຊ້ດິນປ່າປະເພດຕ່າງໆໄດ້ຢ່າງຍືນຍົງ;
ການສ້າງຫລັກສູດທ້ອງຖິ່ນ ເພື່ອປູກຈິດສຳນຶກດ້ານຊີວະນາໆພັນໃນໂຮງຮຽນ ແລະ
ຊຸມຊົນ ສາມາດປະຕິບັດໄດ້ 16 ໂຮງ ຮຽນ (ປະຖົມ ແລະ ມັດທະຍົມຕອນຕົ້ນ) ຂອງເມືອງພູກູດ,
ເມືອງຄູນ ແລະ ເມືອງທ່າໂທມ. ນອກນັ້ນ ຍັງມີກິດຈະກຳຕ່າງໆກ່ຽວກັບການປູກ
ແລະ ການອະ ນຸລັກເຄື່ອງປ່າຂອງດົງ ເປັນຕົ້ນ ການກ້າເບັ້ຍຫວາຍ, ການປູກຫວາຍເອົາຍອດ
ແລະ ເອົາເສັ້ນ, ການປູກໜໍ່ຈ້າ, ການປູກແຂມ, ການປູກພືດເປັນຫົວ ແລະ ອື່ນໆ.
ລວມມູນຄ່າທີ່ໂຄງການໃຊ້ເຂົ້າໃນບັນດາກິດຈະກຳຈຳນວນທັງໝົດ 2.380 ລ້ານກີບ.
ເພື່ອຂະຫຍາຍບັນດາກິດຈະ ກຳດັ່ງກ່າວໃຫ້ນັບມື້ມີປະສິດທິຜົນສູງ
ແລະ ກວ້າງຂວາງ, ໂຄງ ການພັດທະນາຊີວະນາໆພັນກະສິກຳຍັງໄດ້ສືບຕໍ່ໄລຍະ 2 ເຊິ່ງເລີ່ມແຕ່ເດືອນກໍລະກົດ
2012 ຫາເດືອນມິຖຸນາ 2016, ເປົ້າໝາຍຫລັກກໍເພື່ອປະກອບສ່ວນເຂົ້າໃນການຫລຸດຜ່ອນຄວາມທຸກຍາກ
ແລະ ຍົກລະດັບຊີວິດການເປັນຢູ່ຂອງປະຊາຊົນເຂດພູດອຍໃຫ້ດີຂຶ້ນ ໂດຍສະເພາະການຄຸ້ມຄອງ
ແລະ ນຳໃຊ້ຊີວະນາໆພັນກະສິກຳແບບຍືນຍົງ.
ສະເພາະແຂວງຊຽງຂວາງ ໂຄງການຈະສືບຕໍ່ສຸມໃສ່ປັບປຸງ
ແລະ ຂະຫຍາຍໂຄງການໄລຍະ 1 ທີ່ຈັດຕັ້ງປະຕິບັດຜ່ານມາ ຢູ່ເມືອງພູກູດ, ຜາໄຊ, ຄູນ,
ຄຳ ແລະ ເມືອງທ່າໂທມ ໃຫ້ກາຍເປັນບ້ານຕົວແບບໃນການພັດທະນາ ເຊິ່ງມີກິດຈະກຳກຸ່ມເກົ່າ
19 ໂຄງການຍ່ອຍ ມູນຄ່າ 79 ພັນໂດລາ, ກິດ ຈະກຳທີ່ຄາດວ່າຈະຂະຫຍາຍໃໝ່ປະກອບມີ
ການປູກພືດຜັກອິນຊີ, ການສົ່ງເສີມປູກເຂົ້າໄກ່ນ້ອຍອິນຊີ ແລະ ສ້າງສູນບໍລິການຜົນຜະ
ລິດຂອງກຸ່ມປູກ-ກຸ່ມລ້ຽງໄວ້ຮອງຮັບ, ງົບປະມານທີ່ຕັ້ງໄວ້ 47 ພັນໂດລາ. ນອກນັ້ນ
ທາງໂຄງການຍັງໃຫ້ທຶນເຝິກອົບຮົມວຽກງານ 3 ສ້າງໃຫ້ວິຊາການແຂວງ 7 ຄົນ, ລົງປະຈຳຢູ່ກຸ່ມບ້ານເປົ້າໝາຍ
ເພື່ອເປັນການຈັດຕັ້ງຜັນຂະ ຫຍາຍມະຕິກອງປະຊຸມໃຫຍ່ ຄັ້ງທີ IX ຂອງພັກ ແລະ ແຜນພັດ
ທະນາເສດຖະກິດ-ສັງຄົມ 5 ປີຄັ້ງ ທີ VII ຂອງລັດຖະບານຕິດພັນກັບວຽກງານ 3 ສ້າງຂອງຂະແໜງກະສິກຳ
ແລະ ປ່າໄມ້ໃຫ້ປະສົບຜົນສຳເລັດຕາມຄາດໝາຍທີ່ວາງໄວ້.
No comments:
Post a Comment