ແຂວງສະຫວັນນະເຂດມີແຮງງານຕ່າງປະເທດຈຳນວນຫລາຍບໍ່ຖືກລະບຽບ

    ການເຂົ້າມາອອກແຮງງານ ຂອງຊາວຕ່າງປະເທດຍັງເປັນປາ ກົດການທີ່ພົບເຫັນເລື້ອຍໆ ເຊິ່ງມີ ທັງຖືກ ກົດໝາຍ ແລະ ບໍ່ຖືກກົດ ໝາຍ ເຊິ່ງໃນສົກປີ 2012 ຜ່ານມາ ຊີ້ໃຫ້ເຫັນວ່າ: ແຮງງານລາວເວົ້າ ສະເພາະແຂວງ ສະຫວັນນະເຂດ ໄດ້ໄປເຮັດວຽກຢູ່ຕ່າງປະເທດປະ ມານ 46 ພັນກວ່າຄົນ, ຍິງ 23 ພັນ ກວ່າຄົນ ໃນຈຳນວນນີ້ມີ 5 ພັນ ກວ່າຄົນ ນຳໃຊ້ພາສປອດໄປ.

    ທ່ານ ທັນໃດ ຈັນຊົມພູ ຮອງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງສະ ຫວັນນະເຂດ ໃຫ້ຮູ້ວ່າ: ການຂຶ້ນ ທະບຽນຜູ້ທີ່ຕ້ອງການມີວຽກເຮັດ ງານທຳໄດ້ 3 ພັນກວ່າ ຄົນ, ຍິງ 1 ພັນກວ່າຄົນ ໃນນີ້ຂົງເຂດ ກະສິ ກຳມີ 700 ກວ່າຄົນ, ອຸດສາຫະ ກຳ 1 ພັນກວ່າຄົນ ແລະ ຂົງເຂດ ການບໍລິການ 1 ພັນກວ່າຄົນ. ການຈັດ ຫາວຽກເຮັດງານທຳສະ ເພາະພາຍໃນໄດ້ທັງໝົດ 14 ພັນ ກວ່າຄົນ, ຍິງ 5 ພັນກວ່າຄົນ, ໃນຂົງເຂດກະສິກຳມີ 4 ພັນກວ່າ ຄົນ, ຍິງ 2 ພັນກວ່າຄົນ; ອຸດສາ ຫະກຳ 9 ພັນກວ່າຄົນ, ຍິງ 3 ພັນກວ່າຄົນ ແລະ ຂົງເຂດການບໍ ລິການ 1 ພັນກວ່າຄົນ, ຍິງ 500 ກວ່າຄົນ. ການຂຶ້ນທະບຽນໃຫ້ຜູ້ ໄປອອກແຮງງານຢູ່ຕ່າງປະເທດ ໄດ້ 400 ກວ່າຄົນ, ການຂຶ້ນບັນຊີ

ຂອງຈຳນວນຄົນຕ່າງປະເທດທີ່ ເຂົ້າມາປະກອບອາຊີບຫາລາຍ ຮັບພາຍໃນແຂວງມີ 3 ພັນກວ່າ ຄົນ ທີ່ອາໄສຢູ່ພາຍໃນ 203 ບ້ານ, ໃນນັ້ນ ມີສັນຊາດຈີນ 500 ກວ່າ ຄົນ, ຫວຽດນາມ 2 ພັນກວ່າຄົນ, ໄທ 200 ກວ່າຄົນ ແລະ ສັນຊາດ ອື່ນໆອີກ 20 ກວ່າຄົນ ໂດຍປະ ກອບອາຊີບທີ່ແຕກຕ່າງກັນ ຄືປູກ ຝັງ, ລ້ຽງສັດ, ກໍ່ສ້າງ, ຄ້າຂາຍ, ເຟີນີເຈີ, ບໍລິການຕ່າງໆ ແລະ ປະ ກອບອາຊີບອື່ນໆ ໂດຍຈຳນວນ ດັ່ງກ່າວໄດ້ມີບັດອອກແຮງງານ ພຽງແຕ່ 500 ກວ່າຄົນ, ສ່ວນຫຼາຍ ແມ່ນບັດໝົດອາຍຸ ແລະ ເຮັດວຽກ ບໍ່ຖືກສະຖານທີ່.

    ການລົງກວດກາບັນດາຫົວ ໜ່ວຍແຮງງານຕ່າງໆແມ່ນປະຕິ ບັດໄດ້ທັງໝົດ 200 ຫົວໜ່ວຍ, ມີ ແຮງງານທີ່ ໄດ້ຜ່ານການກວດກາ ທັງໝົດ 8 ພັນກວ່າຄົນ, ຍິງ 1 ພັນ ກວ່າຄົນ, ພົບເຫັນແຮງງານຕ່າງ ປະເທດ 3 ພັນກວ່າ ຄົນ, ຍິງ 800 ກວ່າຄົນ ໂດຍສ່ວນໃຫຍ່ບໍ່ມີສັນຍາແຮງງານ, ບໍ່ມີກົດລະບຽບພາຍໃນ, ບໍ່ມີເອກະສານຄົບຖ້ວນ, ຈຳນວນໜຶ່ງມີບັດອະນຸຍາດເຮັດ ວຽກ, ແຕ່ອອກແຮງງານບໍ່ຖືກສະ ຖານທີ່ ແລະ ບັດອອກແຮງງານກໍໝົດອາຍຸ.