ຮູບເງົາ “ ກ່ອນລະດູບານໃຫມ່ຈະມາເຖິງ ” ກຽມອອກສາຍສູ່ ສັງຄົມຕົ້ນເດືອນກຸມພາ

      ກົມຮູບເງົາ, ກະຊວງຖະ ແຫລງຂ່າວ-ວັດທະນະທຳ ແລະ ທ່ອງທ່ຽວ ຈັດຖະແຫລງຂ່າວ ກ່ຽວກັບຮູບ ເງົາເລື່ອງ “ກ່ອນ ລະດູບານໃໝ່ຈະມາເຖິງ “ ໃນ ວັນທີ 25 ມັງກອນ 2013 ທີ່ກົມຮູບເງົາເພື່ອກຽມຈະສາຍ ແຕ່ວັນທີ 02-14/02/2013 ຢູ່ໂຮງສາຍ ຮູບເງົາສູນການຄ້າລາວ-ໄອເຕັກ ຊຶ່ງເປັນເລື່ອງທຳອິດທີ່ມີເນື້ອໃນ ກ່ຽວກັບວິຈິດສິນຂອງລາວຊຶ່ງ ເປັນການອະນຸລັກ, ສືບທອດວິຊາວິຈິດສິນ. ພ້ອມນີ້ ຍັງເປັນການເຜີຍແຜ່ໃຫ້ຄົນໃນທົ່ວສັງຄົມໄດ້ຮັບຮູ້ກ່ຽວກັບ ການອະນຸລັກວິຊາວິຈິດສິນຢ່າງທົ່ວເຖິງ ແລະ ກວ້າງຂວາງ.

       ທ່ານ ບຸນເຈົ້າ ພິຈິດ ຫົວໜ້າກົມຮູບເງົາກະຊວງຖະ ແຫລງຂ່າວ-ວັດທະນະທຳ ແລະ ທ່ອງທ່ຽວ ກ່າວວ່າ: ຮູບເງົາ ເລື່ອງ “ກ່ອນລະດູບານໃໝ່ຈະ ມາເຖິງ” ເປັນຮູບເງົາທີ່ສົ່ງເສີມ ວິຊາຊີບດ້ານວິຈິດສິນ  ເມື່ອຮູບ ເງົານີ້ໄດ້ ສາຍຫລືເຜີຍແຜ່ຕໍ່ສັງຄົມແລ້ວກໍຈະເປັນການປູກຈິດສຳນຶກໃຫ້ສັງຄົມໄດ້ເຫັນຄວາມສຳຄັນໃນວິຊາຊີບທີ່ມີຄຸນຄ່າສູງ ໃຫ້ແກ່ປະເທດຊາດໂດຍສະເພາະແມ່ນບັນພະບູລຸດພວກເຮົາໄດ້ ສ້າງມານັ້ນໄດ້ຮັບການອະນຸລັກ ປົກປັກຮັກ ສາ ແລະ ພັດທະນາ ດີຂຶ້ນເປັນກ້າວໆເພື່ອເຮັດໃຫ້ ພວກເຮົາສາມາດນຳເອົາຮູບເງົາລາວເຊື່ອມໂຍງກັບຂົງເຂດ ແລະ ໃນໂລກ ເຊັ່ນ: ສົ່ງເຂົ້າຮ່ວມການ ແຂ່ງຂັນໃນງານມະໂຫລານຮູບເງົາສາກົນຢູ່ຕ່າງປະເທດ, ສົ່ງອອກອາ ກາດທາງໂທລະພາບ ຊ່ອງຕ່າງໆທັງພາຍໃນ ແລະ ຕ່າງປະເທດ ແລະ ອື່ນໆ.

     ຮູບເງົາເລື່ອງ “ກ່ອນລະດູ ບານໃໝ່ຈະມາເຖິງ” ໄດ້ເວົ້າເຖິງ ຄວາມຮັກບົນພື້ນຖານການສຶກ ສາຮ່ຳຮຽນລະ ຫວ່າງນັກສຶກສາຊາຍ  ຊື່ ທ້າວ ສັນຕິ ທີ່ຮຽນວິຊາ ຂະແໜງ ຄວັດ ແກະສະຫລັກ ແລະ ນັກສຶກສາຍິງ ຊື່ນາງ ມຸກ ດາ ທີ່ຮຽນວິຊາແຕ້ມ ຊຶ່ງທັງ ສອງແມ່ນພວມສຶກສາຢູ່ທີ່ສະຖາບັນວິຈິດສິນແຫ່ງຊາດ. ບັນດາສະມາຊິກຊາວໜຸ່ມ ຂອງສະຖາ ບັນວິຈິດສິນແຫ່ງຊາດໄດ້ເຄື່ອນ ໄຫວສ້າງຂະບວນການຢ່າງຟົດຟື້ນ ແລະ ຕໍ່ເນື່ອງ ໃນນັ້ນມຸກດາ ກໍເປັນຜູ້ໜຶ່ງທີ່ມີຄວາມຫ້າວຫັນ, ເປັນເຈົ້າການແຫ່ງຄວາມສາມັກຄີຮັກແພງ ແລະ ຊ່ວຍເຫລືອໝູ່ເພື່ອນມາຕະ ຫລອດຍ້ອນໄດ້ ຮ່ວມເຄື່ອນໄຫວຂະບວນການ ຊາວໜຸ່ມຮ່ວມກັນ ແລະ ຮຽນ ຮ່ວມສະຖາບັນດຽວກັນມາ ຫລາຍປີ ແລະ ຍ້ອນມຸກດາ ມີຄວາມໂດດເດັ່ນດ້ານການສຶກ ສາຮ່ຳຮຽນ, ການອອກແຮງງານ ແລະ ເປັນ ແບບຢ່າງໃຫ້ແກ່ ໝູ່ເພື່ອນໃນທີ່ສຸດສັນຕິເກີດຫລົງມັກ ນາງ ມຸກດາ ຢູ່ໃນໃຈແຕ່ບໍ່ ກ້າຈະເວົ້າອອກເຫດຜົນ ຍ້ອນວ່າ ຕົນເອງເປັນຄົນມາຈາກຕ່າງ ແຂວງ ແລະ ຮຽນກໍ່ບໍ່ເກັ່ງແດ່. ສ່ວນ ມຸກດາ ກໍຄິດຮັກ ສັນຕິ ຄືກັນ ຍ້ອນວ່າໄດ້ຮ່ວມວຽກ ງານນຳກັນມາຫລາຍປີແຕ່ບໍ່ເຫັນສັນຕິ ເວົ້າຫຍັງດັ່ງນັ້ນທັງສອງຄົນໄດ້ແຕ່ຮັກແພງ ກັນແບບໝູ່ເພື່ອນ ແລະ ຊ່ວຍເຫລືອເຊິ່ງກັນ ແລະ ກັນ. ໃນທີ່ສຸດທັງສອງຄົນ ກໍໄດ້ພະຍາຍາມຊອກຫາໂອ ກາດໄປສຶກສາຄົ້ນຄວ້າວິຊາສະເພາະຂອງໃຜມັນ.