ເຊົ້າວັນທີ
11 ມັງກອນນີ້, ຢູ່ຫ້ອງປະຊຸມຄະນະພັດທະນາຊົນນະບົດ ແລະ ລຶບລ້າງຄວາມທຸກຍາກ (ຄພທສ)
ໄດ້ຈັດກອງປະຊຸມຄັດເລືອກເອົາຜູ້ມີຜົນງານດີເດັ່ນໃນພາກປະຊາ ຊົນ ທີ່ໄດ້ປະກອບສ່ວນເຂົ້າໃນການພັດທະນາຊົນນະບົດ
ແລະ ລຶບລ້າງຄວາມທຸກຍາກຢ່າງມີຜົນສຳເລັດ ເພື່ອຮັບລາງວັນອາຊຽນ ໂດຍການເຂົ້າຮ່ວມຂອງທ່ານ
ຈິດ ທະວີໄສ ຫົວ ໜ້າຫ້ອງການແຜນການ ແລະ ພົວພັນຕ່າງປະເທດ, ຄະນະພັດທະນາຊົນນະ ບົດ
ແລະ ລຶບລ້າງຄວາມທຸກຍາກຂັ້ນ ສູນກາງ, ຫົວໜ້າຄະນະຮັບຜິດຊອບຄັດເລືອກອົງການພາກປະຊາຊົນທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານດັ່ງກ່າວ.
ໂດຍຜັນຂະຫຍາຍຈິດໃຈຂອງກອງປະຊຸມລັດຖະມົນຕີພັດທະ
ນາຊົນນະບົດ ແລະ ລຶບລ້າງຄວາມທຸກຍາກ (ພຊລທ) ອາຊຽນ ຄັ້ງທີ VII ຢູ່ບຣູໄນດາລູຊາລາມ
ໃນການສົ່ງເສີມການປະກອບ ສ່ວນຂອງພາກປະຊາຊົນເຂົ້າໃນການພັດທະນາຊົນນະບົດ
ແລະ ແກ້ໄຂຄວາມທຸກຍາກ, ກອງປະ ຊຸມອາຊຽນປຶກສາຫາລືລະ ຫວ່າງພາກລັດກັບພາກເອກະຊົນ
ຄັ້ງທີ I ຢູ່ຫວຽດນາມ ໄດ້ຕົກລົງຈັດໃຫ້ມີການຍ້ອງຍໍສະມາຄົມ- ອົງການ-ພາກປະຊາຊົນຂອງບັນ
ດາປະເທດອາຊຽນທີ່ມີຜົນງານດີເດັ່ນໃນວຽກງານດັ່ງກ່າວ. ການຍ້ອງຍໍເທື່ອທຳອິດຈະມີຂຶ້ນໃນໂອ
ກາດກອງປະຊຸມລັດຖະມົນຕີອາຊຽນ ພຊລທ ຄັ້ງທີ VIII ໃນກາງປີ 2013 ຢູ່ປະເທດອິນໂດເນເຊຍ.
ປະຕິບັດຕາມແຈ້ງການຂອງຫ້ອງວ່າການລັດຖະບານ,
ຄະນະພັດທະນາຊົນນະບົດ ແລະ ລຶບ ລ້າງຄວາມທຸກຍາກຂັ້ນສູນກາງສົມທົບກັບກະຊວງພາຍໃນ,
ກະ ຊວງການຕ່າງປະເທດ ແລະ ບັນ ດາກະຊວງທີ່ກ່ຽວຂ້ອງໄດ້ເປີດກອງປະຊຸມປຶກສາຫາລື
ເພື່ອຄົ້ນ ຄວ້າສັງລວມຂໍ້ມູນສະມາຄົມ ແລະ ອົງການຈັດຕັ້ງມະຫາຊົນຮາກຖານ ທີ່ເຮັດວຽກພັດທະນາຊົນນະບົດ
ແລະ ລຶບລ້າງຄວາມ ທຸກຍາກ ແລະ ແຕ່ງຕັ້ງຄະນະຮັບຜິດຊອບການຄັດເລືອກເອົາອົງການທີ່ມີຜົນງານດີເດັ່ນ
ເພື່ອຮັບລາງວັນອາຊຽນ. ຄະນະປະ ກອບດ້ວຍຜູ້ຕາງໜ້າຈາກຄະນະພັດທະນາຊົນນະບົດ
ແລະ ລຶບ ລ້າງຄວາມທຸກຍາກຂັ້ນສູນກາງ, ກະຊວງພາຍໃນ, ກະຊວງການຕ່າງປະເທດ, ກະຊວງສຶກສາທິ
ການ, ກະຊວງສາທາລະນະສຸກ, ກະຊວງກະສິກຳ ແລະ ປ່າໄມ້, ສູນກາງສະຫະພັນແມ່ຍິງລາວ
ແລະ ສູນກາງຊາວໜຸ່ມ ປປລາວ.
ຄະນະໄດ້ລວມປະຊຸມປຶກສາຫາລືແບ່ງວຽກກັນ ແລະ
ກຳນົດແຜນການດຳເນີນງານ ເຊິ່ງໄດ້ສ້າງແບບຟອມເກັບກຳຜົນງານສຳລັບສະມາຄົມ-ອົງການ,
ໄດ້ແຈ້ງການໂດຍກົງ ແລະ ທັງແຈ້ງຜ່ານບັນດາກະຊວງ ແລະ ບັນດາແຂວງໃຫ້ບັນດາສະມາຄົມ-ອົງ
ການໃນທົ່ວປະເທດຊາບ ແລະ ຍື່ນຜົນງານ ເພື່ອສະໝັກຄັດເລືອກຮັບລາງວັນ. ຈາກນັ້ນ
ກໍໄດ້ເປີດກອງປະຊຸມເຜີຍແຜ່ມາດຕະ ຖານເງື່ອນໄຂ, ເນື້ອໃນຂັ້ນ ຕອນຂອງການຄັດເລືອກ
ເຊິ່ງມີ 25 ສະມາຄົມ-ອົງການທີ່ກ່ຽວ ຂ້ອງໄດ້ໃຫ້ຄວາມສົນໃຈມາຮ່ວມ, ໃນນັ້ນ
ໄດ້ສົ່ງບົດລາຍງານຜົນງານເຂົ້າມາສະໝັກຈຳ ນວນ 14 ສະມາຄົມ-ອົງການ. ຄະນະໄດ້ເປີດກອງປະຊຸມຄັດເລືອກເບື້ອງຕົ້ນ
ໂດຍໄດ້ຄັດຈ້ອນເອົາ 3 ສະມາຄົມທີ່ມີຜົນງານພົ້ນເດັ່ນກວ່າໝູ່. ໃນປັດຈຸບັນ
ຄະນະຮັບຜິດຊອບຄັດເລືອກຍັງໄດ້ສືບຕໍ່ລົງຢ້ຽມຢາມພື້ນທີ່ໂຄງການຕົວຈິງຂອງບັນດາສະມາຄົມທີ່ຖືກຄັດຈ້ອນ
ເພື່ອເປັນຂໍ້ມູນໃຫ້ແກ່ການຄັດເລືອກຕັດສິນເອົາ 1 ສະ ມາຄົມ-ອົງການ ເພື່ອຍື່ນໃຫ້ກອງເລຂາອາຊຽນບໍ່ໃຫ້ກາຍວັນທີ
31 ມັງກອນ 2013 ນີ້.
ການຍ້ອງຍໍດັ່ງກ່າວ ທາງຄະ ນະໄດ້ຕົກລົງຈັດຂຶ້ນ
2 ປີຕໍ່ຄັ້ງ ຕາມແຜນການເຄື່ອນໄຫວພັດທະ ນາຊົນນະບົດ ແລະ ລຶບລ້າງຄວາມທຸກຍາກອາຊຽນ
(2011-2 015) ເຊິ່ງຄັ້ງທຳອິດນີ້ຈະຈັດຂຶ້ນ ພ້ອມໆກັບກອງປະຊຸມລັດຖະ ມົນ ຕີພັດທະນາຊົນນະບົດ
ແລະ ລຶບ ລ້າງຄວາມທຸກຍາກອາຊຽນ ຄັ້ງ ທີ 8 ເຊິ່ງຈະຈັດຂຶ້ນໃນປີ 2013 ຢູ່ປະເທດອິນໂດເນເຊຍ.
ທັງນີ້ກໍເພື່ອເປັນການຮັບຮູ້ ແລະ ຍ້ອງຍໍບົດບາດ, ຜົນງານດີເດັ່ນຂອງການປະກອບສ່ວນເຂົ້າໃນການພັດທະນາຊົນນະບົດ-ຊຸມຊົນ
ແລະ ຊີວິດການເປັນຢູ່ ກໍຄືຫລຸດຜ່ອນຄວາມທຸກຍາກຢູ່ທ້ອງຖິ່ນ ແລະ ເພື່ອຊຸກຍູ້ສົ່ງເສີມ
NGOs ໃຫ້ສືບຕໍ່ປະກອບສ່ວນໃຫ້ຫລາຍກວ່າເກົ່າ ເພື່ອສູ້ຊົນບັນລຸປະຊາຄົມອາຊຽນ
ໃນປີ 2015.
No comments:
Post a Comment