ທ່ານ ທອງສິງ ທຳມະວົງ, ກຳມະ ການກົມການເມືອງ,
ນາຍົກລັດຖະມົນຕີແຫ່ງ ສປປ ລາວໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ
ຟາມ ວັນວອງ, ກຳມະການສູນກາງພັກກອມມູນິດຫວຽດ ນາມ, ເລຂາຄະນະພັກແຂວງ, ປະທານສະພາປະຊາຊົນແຂວງວິງຟຸກ
ແຫ່ງ ສສ ຫວຽດນາມ ແລະ ຄະນະໃນວັນທີ 10 ມັງ ກອນ 2013 ຢູ່ທີ່ຫ້ອງວ່າການລັດຖະບານ,
ໃນໂອກາດທີ່ຄະນະຜູ້ແທນດັ່ງກ່າວໄດ້ ເດີນທາງມາຢ້ຽມຢາມ ແລະ ເຮັດວຽກຢູ່ບັນດາແຂວງພາກເໜືອ
ແລະ ນະຄອນ ຫລວງວຽງຈັນແຕ່ວັນທີ 7-11 ມັງກອນ 2013.
ໃນໂອກາດນີ້ ທ່ານ ນາຍົກລັດຖະ ມົນຕີ ທອງສິງ
ທຳມະວົງໄດ້ສະແດງການຕ້ອນຮັບ, ຊົມເຊີຍພ້ອມທັງຕີລາຄາສູງຕໍ່ທ່ານ ຟາມ ວັນວອງ
ປະທານສະພາປະ ຊາຊົນແຂວງວິງຟຸກ ສສ ຫວຽດນາມ ແລະ ຄະນະທີ່ໄດ້ເດີນທາງມາຢ້ຽມຢາມ
ແລະ ເຮັດວຽກຢູ່ ສປປ ລາວໃນຄັ້ງນີ້ ອັນເປັນການປະກອບສ່ວນອັນສຳຄັນເຂົ້າໃນການຮັດແໜ້ນ
ແລະ ເສີມຂະຫຍາຍສາຍພົວພັນ ມິດຕະພາບ ຄວາມ
ສາມັກຄີພິເສດ
ແລະ ການຮ່ວມມືຮອບດ້ານລະ ຫວ່າງສອງພັກ-ລັດ ແລະ ປະຊາຊົນສອງຊາດລາວ-ຫວຽດນາມອ້າຍນ້ອງໂດຍສະເພາະແມ່ນການພົວພັນຮ່ວມມືລະຫວ່າງແຂວງວິງຟຸກ
ແລະ ບັນດາແຂວງພາກເໜືອຂອງລາວໃຫ້ນັບມື້ຂະ ຫຍາຍຕົວຢ່າງບໍ່ຢຸດຢັ້ງ.
ພ້ອມນັ້ນ ທ່ານປະທານສະພາປະຊາຊົນແຂວງວິງຟຸກກໍໄດ້ສະແດງຄວາມຂອບອົກຂອບໃຈຕໍ່ທ່ານ
ນາຍົກລັດຖະມົນຕີ ທີ່ໄດ້ໃຫ້ການຕ້ອນຮັບອັນອົບອຸ່ນ, ພ້ອມທັງຢືນຢັນວ່າຈະສືບຕໍ່ເພີ່ມທະວີເສີມຂະຫຍາຍສາຍພົວພັນພັນຮ່ວມມືກັບບັນດາແຂວງພາກເໜືອຂອງ
ສປປ ລາວໂດຍສະເພາະແມ່ນແຂວງຫລວງນ້ຳທາທີ່ເປັນແຂວງແຮກຊຽວຂອງແຂວງວິງຟຸກໃຫ້ນັບມື້ແໜ້ນແຟ້ນຍິ່ງຂຶ້ນ
ແລະ ໃນໂອກາດຢ້ຽມຢາມບັນດາແຂວງພາກເໜືອລາວນັ້ນ, ຄະນະໄດ້ຕົກລົງເຫັນດີສືບຕໍ່ໃຫ້ການຊ່ວຍເຫລືອແຂວງຫລວງນ້ຳທາໃນການກໍ່ສ້າງພະນັກງານ
ແລະ ໃຫ້ທຶນການສຶກສາແກ່ແຂວງດັ່ງ ກ່າວໃນລະດັບມະຫາ ແລະ ເໜືອມະຫາວິທະຍາໄລຢູ່
ສສ ຫວຽດ ນາມ ດ້ວຍທຶນຂອງແຂວງ ແລະ ໃນໂອກາດນີ້ ແຂວງວິງຟຸກໄດ້ມອບເງິນຈຳນວນ
5 ແສນໂດລາ ສະໜັບສະໜູນການກໍ່ສ້າງຫໍປະ ຊຸມແຂວງຫລວງນ້ຳທາ. ພ້ອມນັ້ນ ທັງສອງຝ່າຍໄດ້ເປັນເອກະພາບກັນເພີ່ມທະວີສ້າງເງື່ອນໄຂອຳນວຍຄວາມສະດວກໃຫ້ນັກ
ທຸລະກິດສອງຝ່າຍໄດ້ເຂົ້າມາລົງ ທຶນຮ່ວມມືກັນຫລາຍຂຶ້ນ.
No comments:
Post a Comment