ທ່ານ ສຸກັນ ມະຫາລາດ ເຈົ້າ ຄອງນະຄອນຫລວງວຽງຈັນ
ພ້ອມຄະນະ ໄດ້ລົງຕິດຕາມເບິ່ງໂຄງການທີ່ໄດ້ຮັບອະນຸມັດສຳປະ ທານ ແລະ ໂຄງການທີ່ໄດ້ອະນຸ
ມັດເຊັນບົດບັນທຶກຄວາມເຂົ້າໃຈ ເພື່ອສຶກສາຄວາມເປັນໄປໄດ້ສຳ ລັບການສຳປະທານເນື້ອທີ່ດິນຢູ່ເຂດພັດທະນາຄຸ້ມເມືອງໃໝ່
ເມືອງຈັນທະບູລີ ນະຄອນຫລວງວຽງຈັນ ໃນວັນທີ 15 ມັງກອນນີ້.
ໂຄງການດັ່ງກ່າວເຊິ່ງມີ 5 ບໍລິສັດ ຈະລົງທຶນສ້າງ,
ໃນນັ້ນ 3 ບໍລິສັດ ແມ່ນເອກະຊົນພາຍໃນ ແລະ 2 ບໍລິສັດ ຈາກ ສປ ຈີນ ຄືສະເພາະສ່ວນໜຶ່ງແມ່ນບໍລິສັດໄຮຊິງອິນເວສເມັນ
ແລະ ການພັດ ທະນາລາວຈຳກັດ ແລະ ບໍລິສັດເອເຊຍລົງທຶນ ແລະ ບໍລິການຈຳ ກັດ ຈະພັດທະນາເນື້ອທີ່ປະມານ
100 ເຮັກຕາ, ມີມູນຄ່າ 50 ລ້ານໂດລາສະຫະລັດ ເພື່ອສ້າງສູນການຄ້າ, ຄຸ້ມບ້ານທັນສະໄໝ,
ໂຮງແຮມ, ໂຮງຮຽນ, ໂຮງໝໍ, ເຂດຂຽວ, ສູນການຄ້າ ແລະ ອື່ນໆ. ສ່ວນທີສອງ ມີເນື້ອທີ່ປະ
ມານ 100 ເຮັກຕາ ແມ່ນບໍລິສັດພອນສະຫວັນກໍ່ສ້າງຈຳກັດ ຈະເປັນຜູ້ພັດທະນາ ໃນມູນຄ່າການລົງທຶນປະມານ
50 ລ້ານໂດລາສະຫະລັດ ເພື່ອສ້າງເຂດບໍລິການເຊັ່ນ: ໂຮງແຮມ, ສູນບັນເທີງ, ຮ້ານຄ້າປອດພາສີ,
ເຂດພັກຜ່ອນ,
ສະຖານທີ່ພັກອາໄສ, ສະຖາບັນການສຶກສາ, ທະນາຄານ ແລະ ອື່ນໆ, ມີອາຍຸສຳປະທານ
70 ປີ, ສ່ວນທີສາມ ກໍມີເນື້ອທີ່ປະມານ 100 ເຮັກຕາ ແມ່ນບໍລິສັດລາວລໍແອນຄອນເຊົາແທນຊີກຣຸບ
ຈະເປັນຜູ້ພັດທະນາ ເພື່ອສ້າງສູນການຄ້າ, ໂຮງຮຽນ, ໂຮງແຮມ, ສວນສາທາລະນະ ແລະ
ອື່ນໆ ໂດຍຈະມີພິທີເຊັນບົດບັນທຶກຄວາມເຂົ້າໃຈເພື່ອສຶກສາຄວາມເປັນໄປໄດ້ໃນການສຳປະທານທີ່ດິນຈຳນວນດັ່ງກ່າວ.
ພາກສ່ວນທີສີ່ ແມ່ນບໍລິສັດເຮືອງໄກກຣຸບ (HEVNG KAI GROUP) ຈະພັດທະນາເນື້ອທີ່ດິນປະມານ
150 ເຮັກຕາ ເພື່ອສ້າງສູນການຄ້າ, ແຫລ່ງທ່ອງທ່ຽວ, ອະສັງຫາລິ ມະຊັບ ແລະ ອື່ນໆ
ມີມູນຄ່າການລົງທຶນປະມານ 200 ລ້ານໂດລາສະຫະລັດ ແລະ ພາກສ່ວນທີຫ້າ ແມ່ນບໍລິສັດອະສັງຫາລິມະຊັບໂຫ້ເຕີສິບສອງພັນນາ
ສປ ຈີນ ຈະພັດທະນາເນື້ອທີ່ດິນປະມານ 150 ເຮັກຕາ ໃນມູນຄ່າການລົງທຶນ 100 ລ້ານໂດລາສະຫະລັດ
ເພື່ອສ້າງເປັນເຂດບ່ອນຢູ່ອາໄສລະ ດັບສາກົນ, ສູນການຄ້າທີ່ທັນສະໄໝ,ແຫລ່ງທ່ອງທ່ຽວ,ໂຮງແຮມ,
ສະຖາບັນການສຶກສາ ແລະ ອື່ນໆ ເຊິ່ງມາຮອດປັດຈຸບັນຢູ່ໃນຂັ້ນ ຕອນການສຳຫລວດເນື້ອທີ່ດິນ.
ໃນໂອກາດດັ່ງກ່າວ,
ທ່ານເຈົ້າຄອງນະຄອນຫລວງວຽງຈັນ ສຸກັນ ມະຫາລາດ ກໍໄດ້ເນັ້ນໃຫ້ບັນດາບໍລິສັດທີ່ໄດ້ຮັບອະນຸຍາດສຳປະທານ
ແລະ ພວມສຶກສາຄວາມເປັນໄປໄດ້ ຈົ່ງສືບຕໍ່ປະຕິ ບັດຕາມແຜນ ແລະ ຂອບເຂດທີ່ໄດ້ຮັບອະນຸຍາດ.
ນອກນັ້ນ ຍັງແນະນຳໃຫ້ພາກສ່ວນກ່ຽວຂ້ອງເລັ່ງຈັດສັນແກ້ໄຂ, ສິ່ງຮັບຮອງ ແລະ ອອກສິດນຳໃຊ້ທີ່ດິນໃຫ້ບັນດາບໍລິສັດຜູ້ລົງທຶນໂດຍໄວ
ເພື່ອສ້າງເງື່ອນໄຂສະດວກໃນການຊຸກຍູ້ໃຫ້ໂຄງການພັດທະນາຄຸ້ມເມືອງໃໝ່ໜອງປີງສຳເລັດຕາມແຜນການ.
No comments:
Post a Comment