ພາຍຫລັງສັງເກດເຫັນວ່າ: ລາຄາສິນຄ້າຫລາຍປະເພດໃນທ້ອງຕະຫລາດນະຄອນຫລວງວຽງຈັນ
ໂດຍສະເພາະຊີ້ນງົວ-ຊີ້ນ ຄວາຍແພງຂຶ້ນເຖິງ 60.000- 70.000 ກີບ ທຽບໃສ່ໄລຍະທີ່ລັດ
ຖະບານເຮົາບໍ່ທັນເພີ່ມເງິນເດືອນໃຫ້ພະນັກງານແມ່ນເພີ່ມຂຶ້ນທົບເທົ່າ. ດັ່ງນັ້ນ
ນະຄອນຫລວງວຽງຈັນຈຶ່ງໄດ້ນຳເອົາປະເພດຊີ້ນດັ່ງ ກ່າວ ພ້ອມໄຂ່ໄກ່ ແລະ ຊີ້ນໄກ່ເຂົ້າໃນບັນຊີສິນຄ້າຄວບຄຸມຂອງລັດ
ເພື່ອສາມາດຄຸ້ມຄອງດັດສົມ ແລະ ດຸ່ນດ່ຽງສະບຽງອາຫານ ເພື່ອບໍ່ໃຫ້ເກີດສະພາບປັ່ນປ່ວນລາຄາແພງກວ່ານີ້
ທີ່ຈະສົ່ງຜົນກະທົບຕໍ່ຊີວິດການເປັນຢູ່ຂອງປະ ຊາຊົນ ໂດຍສະເພາະຜູ້ມີລາຍຮັບໜ້ອຍ.
ການຕົກລົງດັ່ງກ່າວໄດ້ມີຂຶ້ນໃນກອງປະຊຸມຄົ້ນຄວ້າມາດຕະການຄຸ້ມຄອງລາຄາສິນຄ້າຂອງນະຄອນຫລວງວຽງຈັນ
ທີ່ໄດ້ຈັດຂຶ້ນເມື່ອທ້າຍປີ 2012 ຜ່ານມາ.
ຜູ້ຮັບຜິດຊອບວຽກງານການຄ້າໃຫ້ເຫດຜົນວ່າ:
ການແພງຂຶ້ນຂອງລາຄາຊີ້ນ ແລະ ເຄື່ອງອາຫານດັ່ງກ່າວ ແມ່ນຍ້ອນການຕອບສະໜອງຄວາມຕ້ອງການຂອງຕະຫລາດບໍ່ພຽງພໍ
ຈຶ່ງໄດ້ນຳເຂົ້າຈາກທ້ອງຖິ່ນອື່ນ ໂດຍສະເພາະໄລຍະມີເທສະການສຳຄັນຕ່າງໆ.
ຜູ້ບໍລິໂພກຫລາຍຄົນໃຫ້ທັດ
ສະນະວ່າ: ຖ້າເບື້ອງລັດບໍ່ມີມາດຕະການເຂັ້ມງວດຄວບຄຸມລາຄາສິນຄ້າໃນທ້ອງຕະຫລາດດີກວ່ານີ້
ຈະສົ່ງຜົນກະທົບຫລາຍທີ່ສຸດຕໍ່ຊີວິດການເປັນຢູ່ຂອງພະນັກ ງານລັດຖະກອນ
ແລະ ປະຊາຊົນຜູ້ມີລາຍຮັບໜ້ອຍ. ກໍດັ່ງປັດຈຸບັນມີຫລາຍຄອບຄົວກໍບໍ່ສາມາດຊື້
ຊີ້ນງົວ-ຄວາຍມາບໍລິໂພກອີກແລ້ວ ແລະ ໄດ້ຫັນໄປບໍລິໂພກຊີ້ນ ໝູ, ປາ ແລະ ອາຫານປະເພດອື່ນແທນ
ເພື່ອເປັນການປະຢັດລາຍຈ່າຍຂອງຄອບຄົວ.
No comments:
Post a Comment