ຂ່າວຈາກບາງກອກໃຫ້ຮູ້ວ່າ: ໃນຕອນບ່າຍວັນທີ
11 ມັງກອນນີ້, ຢູ່ສະຖານເອກອັກຄະລັດຖະ ທູດແຫ່ງ ສາທາລະນະລັດ ປະຊາ ທິປະໄຕ ປະຊາຊົນລາວ
ປະຈຳ ຣາຊະອານາຈັກໄທ ໄດ້ມີການລົງນາມການແລກປ່ຽນສັດຕະຍາບັນ ສັນຍາວ່າດ້ວຍການຮ່ວມມືດ້ານເສດຖະກິດ
ແລະ ການຄ້າ ລະ ຫວ່າງ ສາທາລະນະລັດ ປະຊາ ທິປະໄຕ ປະຊາຊົນລາວ ກັບ ປະເທດອາກຊັງຕິນ.
ຕາງໜ້າໃຫ້ລັດຖະບານລາວແມ່ນທ່ານ ຫລີ ບຸນຄ້ຳ ເອກອັກຄະລັດຖະທູດ ແຫ່ງ ສາທາລະນະລັດ
ປະຊາທິ ປະໄຕ ປະຊາຊົນລາວ ປະຈຳຣາ ຊະອານາຈັກໄທ, ຝ່າຍອາກຊັງຕິນ ແມ່ນທ່ານນາງ ແອນນາ
ມາເຣຍ ຣາມີຣາສ (Ana Maria RAMIRAZ) ເອກອັກຄະລັດຖະ ທູດອາກຊັງຕິນປະຈຳຣາຊະອາ ນາຈັກໄທ.
ລາວ-ອາກຊັງຕິນ ລົງນາມສັນ ຍາວ່າດ້ວຍການຮ່ວມມືດ້ານເສດຖະກິດ-ການຄ້າ
ເມື່ອວັນທີ 11 ທັນວາ 2012. ການລົງນາມແລກປ່ຽນສັດຕະຍາບັນເທື່ອນີ້ ແມ່ນເພື່ອເຮັດໃຫ້ສັນຍາດັ່ງກ່າວມີຜົນບັງຄັບໃຊ້,
ເປັນການຊຸກຍູ້ສົ່ງເສີມການຮ່ວມມືດ້ານເສດຖະ ກິດ-ການຄ້າ, ປະກອບ ສ່ວນເຂົ້າໃນການພັດທະນາເສດຖະກິດ-ສັງ
ຄົມຂອງສອງປະເທດໃຫ້ນັບມື້ນັບຂະຫຍາຍຕົວຍິ່ງໆຂຶ້ນໄປ.
No comments:
Post a Comment