ເຂື່ອນໄຟຟ້ານ້ຳເທີນ-ຫີນບູນພາກຂະຫຍາຍໄດ້ເປີດນຳໃຊ້ຢ່າງເປັນທາງການ
ໃນວັນທີ 11 ມັງກອນ ນີ້ ພາຍຫລັງໄດ້ດຳເນີນການກໍ່ສ້າງມາເປັນເວລາ 4 ປີ ໂດຍການເຂົ້າ
ຮ່ວມຂອງທ່ານ ສົມສະຫວາດ ເລັ່ງສະ ຫວັດ ຮອງນາຍົກ ລັດຖະມົນຕີ, ຜູ້ຊີ້ນຳວຽກງານເສດ ຖະກິດ,
ມີບັນດາຜູ້ນຳພັກ-ລັດຂັ້ນສູງ ແລະ ແຂກທັງພາຍໃນ ແລະ ຕ່າງປະເທດເຂົ້າຮ່ວມເປັນຈຳນວນຫລາຍ.
ທ່ານ ຄຳມະນີ ອິນທິລາດ ລັດ ຖະມົນຕີຊ່ວຍວ່າການກະຊວງພະລັງງານ
ແລະ ບໍ່ແຮ່ ກ່າວວ່າ: ໂຄງການກໍ່ສ້າງເຂື່ອນໄຟຟ້າເທີນ-ຫີນບູນພາກຂະຫຍາຍແມ່ນໂຄງການພັດທະນາທີ່ສຳຄັນ,
ມີປະສິດທິຜົນສູງ, ເປັນລະບົບຕໍ່ເນື່ອງ ຕິດພັນກັບຜົນສຳເລັດຂອງການດຳເນີນໂຄງການເຂື່ອນໄຟ
ຟ້າເທີນ-ຫີນບູນໄລຍະ I ແລະ ການພັດທະນາເຂື່ອນໄຟຟ້ານ້ຳເທີນ-ຫີນບູນພາກຂະຫຍາຍໄລຍະ
II ສຳລັບການກັກເກັບນ້ຳ ເພື່ອນຳໃຊ້ເຂົ້າໃນການຜະລິດກະແສໄຟຟ້າໃຫ້ພຽງພໍ
ແລະ ການບໍລິ ຫານນ້ຳທີ່ຜ່ານການຜະລິດພະ ລັງງານໄຟຟ້າແລ້ວລົງສູ່ສາຍນ້ຳເທີນ.
ໂຄງການກໍ່ສ້າງເຂື່ອນໄຟຟ້າເທີນ-ຫີນບູນພາກຂະຫຍາຍປະ
ກອບດ້ວຍການກໍ່ສ້າງເຂື່ອນໄຟ ຟ້ານ້ຳຍວງ ແລະ ໂຮງຈັກຂອງເຂື່ອນໄຟຟ້າເທີນ-ຫີນບູນພາກຂະ
ຫຍາຍ ເຊິ່ງລວມມີກຳລັງຕິດຕັ້ງ ທັງໝົດ 280 MW ສາມາດຜະລິດພະລັງງານໄຟຟ້າໄດ້
1.750 GWh ຕໍ່ປີ ເຊິ່ງລວມກັນກັບເຂື່ອນໄຟຟ້າເທີນ-ຫີນບູນໃນປັດຈຸບັນແລ້ວ ຈະມີກຳລັງຕິດຕັ້ງທັງໝົດ
500 MW ສາມາດຜະລິດພະລັງ ງານໄຟຟ້າໄດ້ປະມານ 3.000 GWh ຕໍ່ປີ ໃນນີ້ ສຳລັບການຜະ
ລິດໄຟຟ້າຂອງເຂື່ອນນ້ຳຍວງແມ່ນຈະສະໜອງໃຫ້ການຊົມໃຊ້ຢູ່ພາຍໃນປະເທດໄດ້ພຽງພໍ.
ນອກ ຈາກນີ້ ຍັງມີການກໍ່ສ້າງເຂື່ອນກັນນ້ຳຮົ່ວຊຶມ, ການກໍ່ສ້າງອຸໂມງ, ການກໍ່ສ້າງໂຮງຈັກເບີ
3 ແລະ ການກໍ່ສ້າງລະບົບສາຍສົ່ງ 230 ແລະ 115 KV ແລະ ມາຮອດທ້າຍປີ 2012, ໂຄງການດັ່ງກ່າວໄດ້ເລີ່ມດຳເນີນການຜະລິດກະແສໄຟຟ້າສະເລ່ຍປະມານ
5.260 MWh ຕໍ່ວັນ ແລະ ໄດ້ສົ່ງຂາຍໃຫ້ການໄຟຟ້າຝ່າຍຜະລິດແຫ່ງປະເທດໄທ
(EGAT) ປະມານ 5.136 MWh ຕໍ່ວັນ.
ໂຄງການກໍ່ສ້າງເຂື່ອນໄຟຟ້າເທີນ-ຫີນບູນພາກຂະຫຍາຍ
ເຊິ່ງ ລວມມີບັນດາໂຄງການຍ່ອຍຫລາຍໂຄງການ ດ້ວຍການນຳໃຊ້ເຕັກນິກໃນລະດັບສູງ,
ທັນສະໄໝ, ມີລັກສະນະຄົບວົງຈອນ ແລະ ເປັນມິດກັບສິ່ງແວດລ້ອມ ໂດຍແມ່ນບໍລິສັດ
CMC ຈາກປະເທດອີຕາລີ ເປັນຜູ້ຮັບເໝົາກໍ່ສ້າງພາກພື້ນຖານໂຄງລ່າງ, ບໍລິສັດ
Andriz ຈາກປະເທດໂອຕຣິດ ເປັນຜູ້ຮັບເໝົາກໍ່ສ້າງພາກລະບົບໄຟຟ້າ-ກົນຈັກ ແລະ
ບໍລິສັດ Loxley ຈາກປະເທດໄທ ເປັນຜູ້ຮັບເໝົາກໍ່ສ້າງພາກລະບົບສາຍສົ່ງ ແລະ
ສະຖານີ, ມີມູນຄ່າການກໍ່ສ້າງທັງໝົດ 720 ລ້ານໂດລາສະຫະລັດ ໂດຍແມ່ນໂຄງການລົງທຶນຮ່ວມລະຫວ່າງລັດວິສາຫະກິດໄຟຟ້າລາວຖືຮຸ້ນ
60%, ບໍລິສັດ GMS ຖືຮຸ້ນ 20% ແລະ ບໍລິສັດ Statkraf-2 ຖືຮຸ້ນ 20% ມີໄລຍະສຳປະທານ
27 ປີ ຄືນັບແຕ່ປີ 2013 ຮອດປີ 2039 ເຊິ່ງຜົນໄດ້ຮັບທາງດ້ານການເງິນຂອງພາກລັດ
ຕະຫລອດໄລຍະສຳປະທານຈາກໂຄງການດັ່ງກ່າວຈະມີປະ ມານ 1.755 ລ້ານໂດລາສະຫະລັດ
ໃນນີ້ ຈະປະກອບດ້ວຍເງິນປັນຜົນປະມານ 1.201 ລ້ານໂດລາສະ ຫະລັດ, ເງິນຄ່າພາກຫລວງ
229 ລ້ານໂດລາສະຫະລັດ ແລະ ອາ ກອນກຳໄລ 325 ລ້ານໂດລາສະຫະລັດ. ໄປພ້ອມໆກັນນີ້
ໃນໄລຍະຜ່ານມາ, ໂຄງການກໍ່ສ້າງເຂື່ອນໄຟຟ້າເທີນ-ຫີນບູນພາກຂະຫຍາຍກໍໄດ້ສຸມການລົງທຶນຈຳນວນ
60 ລ້ານໂດລາສະຫະ ລັດ ເຂົ້າໃສ່ການດຳເນີນວຽກງານປິ່ນອ້ອມ ເປັນຕົ້ນນຳໃຊ້ງົບ
ປະມານຈຳນວນ 42 ລ້ານໂດລາສະຫະລັດ ສຳລັບການຍົກຍ້າຍ ແລະ ຈັດສັນພູມລຳເນົາໃຫ້ແກ່ປະຊາຊົນ,
ຈຳນວນ 1,8 ລ້ານໂດລາສະຫະລັດ ສຳລັບການປັບປຸງວຽກງານສິ່ງແວດລ້ອມ-ສັງຄົມ ແລະ
2,6 ລ້ານໂດລາ ແມ່ນຈະປະກອບສ່ວນເຂົ້າໃນການພັດທະ ນາວຽກງານສຶກສາ, ສາທາລະ
ນະສຸກ ແລະ ວຽກງານການເຄື່ອນໄຫວຂອງອົງການປົກຄອງທ້ອງຖິ່ນ. ນອກຈາກນີ້ ຍັງໄດ້ກໍ່ສ້າງພື້ນຖານໂຄງລ່າງ
ເປັນຕົ້ນເສັ້ນທາງຄົມມະນາຄົມທີ່ຖາວອນເຂົ້າຫາຊຸມຊົນ ແລະ ການສ້າງວຽກເຮັດງານທຳໃຫ້ແກ່ປະຊາ
ຊົນໄດ້ເປັນຈຳນວນຫລາຍພໍສົມຄວນ.
ຜົນສຳເລັດຂອງໂຄງການກໍ່ສ້າງເຂື່ອນໄຟຟ້າເທີນ-ຫີນບູນ
ພາກຂະຫຍາຍຈະເປັນການປະ ກອບສ່ວນສຳ ຄັນເຂົ້າໃນການພັດທະນາອຸດສາຫະກຳໄຟຟ້າ ລາວໃຫ້ຂະຫຍາຍຕົວຢ່າງເປັນລະບົບຕໍ່ເນື່ອງຕາມແນວທາງຫັນເປັນອຸດສາຫະກຳ
ແລະ ທັນສະໄໝຂອງປະເທດຕາມທິດສັງຄົມນິຍົມ ເຊິ່ງໄດ້ກຳນົດໄວ້ຢູ່ໃນມະຕິກອງປະຊຸມໃຫຍ່ຄັ້ງທີ
IX ຂອງພັກ ແລະ ແຜນພັດທະນາເສດຖະ ກິດ-ສັງຄົມ 5 ປີຄັ້ງທີ VII, ປະ ກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງຊາດ,
ປົວແປງຊີວິດການເປັນຢູ່ຂອງປະຊາຊົນບັນດາເຜົ່າໃຫ້ນັບມື້ດີຂຶ້ນ, ປະກອບສ່ວນອັນສຳຄັນເຂົ້າໃນການຈັດຕັ້ງປະ
ຕິບັດຍຸດທະສາດໃນການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ
ແລະ ສ້າງບ້ານເປັນຫົວໜ່ວຍພັດທະນາ ເຮັດໃຫ້ ສປປ ລາວ ກາຍເປັນໃຈກາງດ້ານພະລັງງານສຳລັບຂົງເຂດນີ້.
No comments:
Post a Comment