ກອງປະຊຸມຄະນະປະຈຳສະພາແຫ່ງຊາດປະຈຳເດືອນ ມັງກອນ 2013
ຈັດຂຶ້ນແຕ່ວັນທີ 14-15 ມັງກອນ
2013ຢູ່ຫໍສະພາແຫ່ງຊາດເພື່ອພິຈາລະ ນາບັນຫາສຳຄັນຕ່າງໆ
ໂດຍການເປັນປະທານຂອງທ່ານ ນາງ ປານີ ຢາທໍ່ຕູ້
ປະທານສະພາແຫ່ງຊາດ,ມີກຳມາທິການຕ່າງໆພາຍໃນສະພາແຫ່ງຊາດເຂົ້າຮ່ວມ.
ໃນວາລະຂອງກອງປະຊຸມ
ໄດ້ຮັບຟັງການລາຍງານຂອງຄະນະກຳມາທິການ
ໃນການຮຽບຮຽງກົດໝາຍທີ່ຮັບຮອງເອົາໃນກອງປະຊຸມສະໄໝສາມັນເທື່ອທີ 4
ຂອງສະພາແຫ່ງຊາດຊຸດທີ VII ແລະ ລາຍງານຄວາມພ້ອມຂອງຮ່າງກົດໝາຍທີ່ຈະ
ນຳເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 5 ຂອງສະພາແຫ່ຊາດ,
ຄວາມຄືບໜ້າຂອງໂຄງການປຸກສ້າງໂຮງຮຽນມັດທະຍົມຢູ່ເມືອງສັງທອງ
ນະຄອນຫລວງວຽງຈັນ ໂດຍທຶນຊ່ວຍເຫລືອຈາກວັດບ່າຍດິງ ສ.ສ.ຫວຽດນາມ, ການຕິດຕາມກວດກາແຜນ
MDGs ຂົງເຂດການສຶກສາ ໂດຍເລັ່ງໃສ່ການສຶກສາໄລຍະ II,
ການຕິດຕາມກວດກາເລື່ອງການເຄື່ອນຍ້າຍແຮງງານ, ການຄ້າມະນຸດ ແລະ
ການປະຕິບັດນະໂຍບາຍຕໍ່ຜູ້ມີຜົນງານ ຄຸນງາມຄວາມດີຕໍ່ປະເທດຊາດ,
ພິຈາລະນາການຍ້ອງຍໍການນຳ ແລະ ພະນັກ ງານຂອງສະພາແຫ່ງຊາດ ສສ
ຫວຽດນາມທີ່ມາຊ່ວຍເຫລືອສະພາແຫ່ງຊາດລາວ
ຈັດກອງປະຊຸມການເປັນຄູ່ຮ່ວມລັດຖະສະພາອາຊີ-ເອີ ຣົບ (ASEP-7),
ຕິດຕາມການຊ່ວຍເຫລືອກວດກາການຊ່ວຍເຫລືອລ້າ ແລະ ກູ້ຢືມຈາກ ສສ ຫວຽດນາມ ແລະ
ສປ ຈີນ ໃນຂົງເຂດໄຟຟ້າ ແລະ ບໍ່ແຮ່, ຜ່ານແຜນດຳເນີນກອງປະຊຸມຄົບຄະນະຂອງກຳມາທິການປ້ອງກັນຊາດ-ປ້ອງກັນຄວາມສະຫງົບ
ປະຈຳ 2013 ໃນລະ ຫວ່າງວັນທີ 23-26 ມັງກອນ 2013 ຢູ່ແຂວງວຽງຈັນ,
ຂໍອະນຸມັດການເຂົ້າຮ່ວມກອງປະຊຸມຂອງ 3 ກຳມາທິການ ປກຊ-ປກສ ລະຫວ່າງ ລາວ,
ຫວຽດນາມ ແລະ ກຳປູເຈ້ຍ ໃນລະຫວ່າງກາງເດືອນ ມີນາ 2013 ຢູ່ ສສ ຫວຽດນາມ,
ຜ່ານຮ່າງມະຕິຕົກລົງຂອງຄະນະປະຈຳສະພາແຫ່ງຊາດ
ວ່າດ້ວຍການພົວພັນວຽກງານລະຫວ່າງກຳມາທິການບັນດາເຜົ່າກັບຂະແໜງການ-ອົງ
ການທີ່ກ່ຽວຂ້ອງ, ສະເໜີຂໍຄຳເຫັນສືບຕໍ່ຄົ້ນຄວ້າຄຳສະເໜີຂອງປະຊາຊົນ
ກ່ຽວກັບຊື່ເອີ້ນຊົນເຜົ່າຈຳນວນໜຶ່ງ, ວຽກງານພັດທະນາຊົນນະບົດ ແລະ
ລຶບລ້າງຄວາມທຸກຍາກ, ການ ຈັດສັນທີ່ຢູ່ອາໄສໃຫ້ປະຊາ ຊົນ,
ຜົນສຳເລັດວຽກງານໂຄງການຊ່ວຍເຫລືອຈາກສະ
ມາຄົມເຢຍລະມັນ-ລາວເພື່ອການພັດທະນາ,
ຄວາມຄືບໜ້າໂຄງການປຸກສ້າງຫໍສະພາແຫ່ງຊາດຫລັງໃໝ່, ການສະເໜີຂໍຍົກເວັ້ນຄ່າພາສີ-ອາກອນໃຫ້ແກ່ໂຄງການໄຟຟ້າຈຳ
ນວນໜຶ່ງ, ແຜນການຕິດຕາມກວດກາຂອງບັນດາກຳມາທິການ ແລະ
ການປະເມີນຜົນການຈັດຊຸດອົບຮົມໃຫ້ແກ່ພະ ນັກງານວິຊາການຫ້ອງວ່າ
ການສະພາແຫ່ງຊາດຊຸດທີ 1.
No comments:
Post a Comment