ພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນ
ມີແຜນຈະປັບປຸງ ແລະ ກໍ່ສ້າງເສັ້ນ ທາງຫລາຍເສັ້ນພາຍໃນເທສະບານເມືອງຫລັງເຫັນວ່າເສັ້ນທາງ
ຈຳນວນໜຶ່ງເປ່ເພຍ້ອນກໍ່ສ້າງມາໄດ້ຫລາຍປີ ແລະ ສະພາບພາຫະ ນະກໍເພີ່ມຂຶ້ນຫລາຍ
ສ້າງຄວາມແອອັດ ເຊິ່ງຈຳເປັນຕ້ອງມີການຂະຫຍາຍເສັ້ນທາງໃຫ້ຫລາຍຂຶ້ນ.
ທ່ານ ເດດສົງຄາມ ທຳມະວົງ ຫົວໜ້າພະແນກໂຍທາທິການ
ແລະ ຂົນສົ່ງນະຄອນຫລວງວຽງຈັນ ໃຫ້ຮູ້ວ່າ: ໃນຊຸມປີຕໍ່ໜ້ານີ້ ເພື່ອຮັບປະກັນໃຫ້ການຄົມມະນາ
ຄົມເຊື່ອມຈອດລະຫວ່າງຕົວເມືອງ, ເຂດຊານເມືອງ ແລະ ເຂດນອກເມືອງໃຫ້ມີຄວາມສະດວກ
ສາມາດຮອງຮັບການຂະຫຍາຍ ຕົວຂອງຕົວເມືອງ ຈະໄດ້ສຸມໃສ່ການກໍ່ສ້າງເສັ້ນທາງສາຍຫລັກຂອງຕົວເມືອງ,
ເສັ້ນທາງວົງແຫວນຮອບໃນ ແລະ ຮອບນອກ ໂດຍສະເພາະສືບຕໍ່ສ້ອມແປງທາງໃຫ້ເປັນປົກກະຕິ,
ກໍ່ສ້າງເສັ້ນທາງທີ່ນຳໃຊ້ເງິນກູ້ຈາກ ສປ ຈີນ, ການປູຢາງທັບເສັ້ນທາງ, ຊຸກຍູ້ເສັ້ນທາງທີ່ບັນດາເອກະຊົນພາຍໃນລົງທຶນກ່ອນໃຫ້ສຳເລັດຕາມແຜນ
ແລະ ບັນດາເສັ້ນທາງຮ່ອມຢູ່ສີ່ຕົວເມືອງໃນໂດຍລັດ ແລະ ປະຊາຊົນຮ່ວມກັນລົງທຶນກໍ່ສ້າງເປັນຕົ້ນ.
ຫົວໜ້າພະແນກໂຍທາທິການ ແລະ ຂົນສົ່ງ
ກ່າວວ່າ: ໃນຊຸມປີຜ່ານມາ,ເສັ້ນທາງສຳຄັນຫລາຍສາຍຢູ່ນະຄອນຫລວງວຽງຈັນໄດ້ຮັບການປັບປຸງໃຫ້ມີຄຸນນະພາບດີກວ່າເກົ່າ
ໂດຍສະເພາະການປູຢາງທັບເສັ້ນທາງສຸພານຸວົງ (ແຕ່ສວນເຈົ້າຟ້າງຸ່ມ- ສາມແຍກສີໄຄ),
ຖະໜົນໄກສອນພົມວິຫານ (ແຕ່ຂົວຮ່ອງແຊງ-ໄຟແດງດົງໂດກ), ຖະໜົນທ່າເດື່ອ, ຄຸ້ມທາດດຳ,ສະໜາມກິລາເຈົ້າ
ອະນຸວົງ, ຄູວຽງ, ຂຸນບູລົມ, ໜອງບອນ ແລະ ຖະໜົນກຳແພງເມືອງ ມີຄວາມຍາວ 33 ກວ່າກິໂລແມັດ
ເນື່ອງຈາກວ່າບັນດາເສັ້ນທາງດັ່ງກ່າວໄດ້ມີການກໍ່ສ້າງມາແຕ່ຊຸມປີ 1990. ສະນັ້ນມາຮອດປັດ
ຈຸບັນ,ບັນດາເສັ້ນທາງດັ່ງກ່າວເລີ່ມເປ່ເພຫລາຍສົມຄວນເນື່ອງຈາກອາຍຸນຳໃຊ້ດົນນານບວກກັບຈຳນວນພາຫະນະທີ່ນັບມື້ເພີ່ມຂຶ້ນ
ທັງນີ້ເພື່ອຮັບປະກັນໃຫ້ອາຍຸນຳໃຊ້ຂອງທາງຍາວນານຂຶ້ນຕື່ມ ອັນສຳຄັນແມ່ນປະຢັດງົບປະ
ມານ ເຊິ່ງຖ້າບໍ່ມີການຟື້ນຟູເສັ້ນ ທາງກໍຈະເປ່ເພຫລາຍ, ຈະເກີດຄວາມຫຍຸ້ງຍາກໃນການສ້ອມແປງ
ແລະ ສິ້ນເປືອງງົບປະມານ.
No comments:
Post a Comment