ພິທີເຊັນສັນຍາສຳປະທານໂຄງການເຂື່ອນໄຟຟ້ານ້ຳລີກ
1 ຢູ່ເມືອງຫິນເຫີບ ແຂວງວຽງຈັນ ໄດ້ຈັດຂຶ້ນໃນວັນທີ 6 ກຸມພານີ້ ຢູ່ໂຮງແຮມດອນຈັນພາເລດ
ນະ ຄອນຫລວງວຽງຈັນ ລະຫວ່າງ ທ່ານ ດຣ. ບຸນທະວີ ສີສຸພັນທອງ ລັດຖະມົນຕີຊ່ວຍວ່າການກະຊວງແຜນການ
ແລະ ການລົງທຶນ ຕາງໜ້າລັດຖະບານລາວ, ທ່ານ ຄຳຈັນ ພາຣາຍົກ ຮອງຫົວໜ້າກົມທຸລະກິດພະລັງງານ
ກະຊວງພະລັງງານ-ບໍ່ແຮ່ ແລະ ທ່ານ ອຸດົງ
ພົງໄພປະດິດ ຫົວໜ້າພະແນກແຜນການ ແລະ ການລົງທຶນແຂວງວຽງຈັນ ແລະ ທ່ານ ວິເສດ ຈັງວັດທະນາ ຮອງປະທານບໍລິສັດ
ພີທີທີ ອິນເຕີເນເຊີແນວ ຈຳກັດ (ປະເທດໄທ), ທ່ານ ຈິນ ດາ ຫົງຂະຈອນ ຜູ້ອຳນວຍການບໍລິສັດ ໄຮໂດຣ ເອັນຈິເນຍລີ້ງຈຳ
ກັດ, ທ່ານ ແຕ ຫຸນ ກິມ ປະທານ ກຳມະການບໍລິສັດ POSCO Engineering and
Constructoin Limited, ຜູ້ຕາງໜ້າຈາກສະຖານເອກອັກຄະຣາຊະທູດ ແຫ່ງຣາຊະອານາຈັກໄທປະຈຳລາວ
ພ້ອມ ດ້ວຍພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ທ່ານ ວິເສດ ຈັງວັດທະນາ ກ່າວວ່າ: ໂຄງການເຂື່ອນໄຟຟ້ານ້ຳລີກ
1 ເປັນໂຄງການເຂື່ອນໄຟ ຟ້າພະລັງງານຂະໜາດ 65 ເມກາ ວັດ ຕັ້ງຢູ່ເມືອງຫີນເຫີບ
ແຂວງວຽງຈັນ, ຈະເລີ່ມລົງມືກໍ່ສ້າງໃນເດືອນເມສາປີນີ້ ໂດຍຈະໃຫ້ສຳເລັດສົມບູນ
ແລະ ສາມາດຜະລິດກະແສໄຟຟ້າໄດ້ໃນປີ 2016 ເຊິ່ງກະແສໄຟຟ້າຈະຂາຍໃຫ້ລັດວິສາຫະກິດໄຟຟ້າລາວ
ເພື່ອໃຊ້ພາຍໃນປະເທດ, ມູນຄ່າການກໍ່ສ້າງທັງໝົດປະມານ 124 ລ້ານໂດລາສະຫະລັດ,
ໄລຍະສຳປະທານ 30 ປີ ໂດຍການລົງທຶນຂອງບໍລິສັດນ້ຳລີກ
1 ພາວເວີຈຳກັດ, ບໍລິສັດພີທີທີ ອິນເຕີເນເຊີແນວ ຈຳກັດ, ບໍ ລິສັດໄຮໂດຣເອັນຈີເນຍລິ້ງຈຳ
ກັດ ແລະ ບໍລິສັດ POSCO engineering and
Construction Limited ເຊິ່ງການກໍ່ສ້າງເຂື່ອນໄຟຟ້າດັ່ງກ່າວບໍລິສັດຈະຄຳນຶງເຖິງສັງຄົມ
ແລະ ສິ່ງແວດລ້ອມໂດຍສະເພາະການເບິ່ງແຍງປະ ຊາຊົນຜູ້ທີ່ໄດ້ຮັບຜົນກະທົບໃຫ້ໄດ້ຮັບການຊົດເຊີຍຢ່າງເໝາະສົມ,
ການຍົກຍ້າຍຈັດສັນ ແລະ ມາດຕະການພັດທະນາຄຸນນະພາບຊີ ວິດໂດຍຄວາມເຂົ້າໃຈ
ແລະ ລະ ອຽດຮອບຄອບ. ຮອງປະທານບໍ ລິສັດ ພີທີທີ ອິນເຕີເນເຊີແນວ ຈຳ ກັດ ກ່າວຕື່ມວ່າ:
ບໍລິສັດມີຄວາມຫວັງເປັນຢ່າງຍິ່ງວ່າ ເມື່ອໂຄງ ການດັ່ງກ່າວສຳເລັດຈະມີສ່ວນໃນການເພີ່ມຄວາມໝັ້ນຄົງດ້ານພະລັງງານໄຟຟ້າໃຫ້ປະເທດລາວ
ແລະ ເສີມສ້າງຄວາມຈະເລີນ ທາງສັງຄົມ ແລະ ເສດຖະກິດໃຫ້ແຂວງວຽງຈັນສືບຕໍ່ໄປ.
No comments:
Post a Comment