ຄຳມ່ວນຈັດຕະຫລາດນັດວາງສະແດງສິນຄ້າໃນໂອກາດບຸນນະມັດສະການພະທາດສີໂຄດຕະບອງປະຈຳປີ 2013

        ງານຕະຫລາດນັດວາງສະແດງສິນຄ້າໃນງານບຸນນະມັດສະການພະທາດສີໂຄດຕະບອງປະຈຳປີ 2013 ໄດ້ຈັດຂຶ້ນໃນ ວັນທີ 21 ກຸມພາ 2013 ຢູ່ເດີ່ນພະທາດສີໂຄດຕະບອງ ໂດຍການເປັນກຽດເຂົ້າຮ່ວມ ລັ່ນຄ້ອງເປີດງານ ຂອງທ່ານ ຄຳໃບ ດຳລັດເຈົ້າແຂວງໆຄຳມ່ວນ, ມີບັນດາທ່ານໃນຄະນະປະຈຳ, ຫົວໜ້າພະແນກການ, ຕະຫລອດຫົວ ໜ່ວຍທຸລະກິດ, ແຂກຖຶກ ເຊີນເຂົ້າຮ່ວມຢ່າງພ້ອມພຽງ. ທ່ານ ສິງເພັດ ແກ້ວໂສພາ ຫົວໜ້າພະແນກອຸກສະ ຫະກຳ-ການຄ້າແຂວງ, ທັງເປັນຄະນະຊີ້ນຳຈັດງານຕະຫລາດນັດໃຫ້ຮູ້ວ່າ:ງານຕະ ຫລາດນັດວາງສະແດງສິ ນຄ້າຄັ້ງນີ້ມີພາກສ່ວນທຸລະກິດທັງພາຍໃນ ແລະ ຕ່າງປະ ເທດ ນຳເອົາສິນຄ້າມາວາງສະແດງທັງໝົດ 215 ຮ້ານ, ຜະລິດຕະພັນອຸດສາຫະກຳ, ຜະລິດຕະພັນກະສິກຳ, ເຄື່ອງຫັດ ຖະກຳຕ່ຳແຜ່ນ, ຫັດຖະກຳຈັກ ສານ, ເຄື່ອງປັ້ນດິນເຜົາ, ເຄື່ອງໃຊ້ໃນຄອບຄົວເຄື່ອງເຟີນີເຈີ, ຜະລິດຕະພັນຈາກໄມ້, ເຄື່ອງໃຊ້ ສອຍອື່ນໆ. ນອກນັ້ນ ຍັງມີສິນຄ້າທີ່ຕິດພັນກັບຊີວິດຕົວຈິງຂອງປະຊາຊົນບັນດາເຜົ່າວາງສະ ແດງຢູ່ເຮືອນຊົນເຜົ່າ 9 ຫລັງຕື່ມອີກ,
ລວມມູນຄ່າຫລາຍກ່ວາ 8 ຕຶ້ກີບ. ຈຸດປະສົງກໍເພື່ອເປັນການກະຕຸກຊຸກຍູ້ສົ່ງເສີມການລົງທຶນທັງພາຍໃນ ແລະ ຕ່າງປະເທດໄດ້ນຳເອົາຜະລິດຕະພັນຂອງຕົນມາວາງສະແດງໂຄສະນາປະຊາສຳພັນແລກປ່ຽນຊື້ຂາຍນຳກັນ, ຊຸກຍູ້ຂະບວນ ການຜະລິດຂອງປະຊາຊົນໃຫ້ເປັນສິນຄ້າ, ສາມາດເຊື່ອມໂຍງກັບບັນດາປະເທດ ແລະ ແຂວງໃຫ້ຄຽງ, ເວົ້າລວມ,ເວົ້າສະເພາະກໍເພື່ອເປັນການສ້າງຂະບວນການໃນງານບຸນນະມັດສະການພະທາດສີໂຄດປະຈຳປີໃຫ້ມີບັນຍາກາດຟົດຟື້ນຂຶ້ນຕື່ມ. ງານ ຕະຫລາດນັດດັ່ງກ່າວ ແມ່ນຈະເລີ່ມແຕ່ວັນທີ 21 ຫາ 25 ກຸມພາ 2013 ຈິ່ງຈະສຳເລັດ.