ການປະຕິບັດແຜນພັດທະນາພະລັງງານ ແລະ ບໍ່ແຮ່
ປະຈຳສົກ ປີ 2011-2012 ຂອງກະຊວງພະ ລັງງານ ແລະ ບໍ່ແຮ່ ໃຫ້ຮູ້ວ່າ: ແຜນການ ຈັດຕັ້ງປະຕິບັດວຽກງານ
ສົກປີ 2012-2013 ຂະແໜງພະລັງງານ ແລະ ບໍ່ແຮ່ຈະສູ້ຊົນເຮັດໃຫ້ລວມ ຍອດມູນຄ່າການຜະລິດບັນລຸ
21.000 ຕື້ກວ່າກີບ, ຈັງຫວະການຂະຫຍາຍຕົວເພີ່ມຂຶ້ນປະມານ 19,8% ທຽບໃສ່ສົກປີ 2011-2012
ຜ່ານມາ.
ໃນແຜນການສູ້ຊົນດັ່ງກ່າວສະເພາະດ້ານພະລັງງານໄຟຟ້າແມ່ນສູ້ຊົນໃຫ້ການຜະລິດບັນລຸ
15.000 ລ້ານກວ່າກິໂລວັດ ໂມງ, ສົ່ງອອກຕ່າງປະເທດໃຫ້ໄດ້ເກືອບ 12.000 ລ້ານກິໂລວັດໂມງ, ຈຳໜ່າຍພາຍໃນ
3.000 ລ້ານກວ່າ ກິໂລວັດໂມງ, ນຳເຂົ້າຈາກຕ່າງ
ປະເທດ 418 ລ້ານກວ່າກິໂລວັດ ໂມງ.
ພ້ອມທັງຊຸກຍູ້ບັນດາໂຄງການທີ່ພວມກໍ່ສ້າງ 11 ໂຄງການ
3.270 ເມກາວັດໃຫ້ສຳເລັດຕາມ ແຜນການທີ່ລະບຸໃນສັນຍາເຊັ່ນ: ໂຄງການນ້ຳງຽບ 2, ນ້ຳລອງ, ນ້ຳງື່ມ
5, ຕາດສະແລນ, ນ້ຳສະ ນາ, ຫ້ວຍລຳພັນໃຫຍ່, ນ້ຳຄານ, ຫົງສາລິກໄນ, ເທີນ-ຫີນບູນພາກ ຂະຫຍາຍ+ນ້ຳຍວງ,
ເຊຂະໝານ 3 ແລະ ໂຄງການ ເຊຂະໝານ 1; ຊຸກຍູ້ບັນດາໂຄງການຕ່າງໆ ເພື່ອປະກອບເອກະສານສະເໜີຂໍເຊັນ
ສັນຍາສຳປະທານ ເພື່ອລົງມືກໍ່ ສ້າງເຊັ່ນ: ໂຄງການນ້ຳທາ 1, ນ້ຳກົງ 2, ນ້ຳງຽບ 3A, ນ້ຳລີກ
1, ນ້ຳມັງ, ນ້ຳແບງ, ເຊປ່ຽນເຊນ້ຳ ນ້ອຍ, ນ້ຳງຽບ 1 ແລະ ເຊປ່ຽນ- ຫ້ວຍ ຊອຍ; ຊຸກຍູ້ບັນດາໂຄງການ
ສາຍສົ່ງແຮງສູງ, ກາງ, ຕ່ຳ, ຕິດ ຕັ້ງໝໍ້ແປງ,
ກໍ່ສ້າງສະຖານນີຈຳນວນ 60 ໂຄງການ ທີ່ພວມກໍ່ສ້າງ ແລະ ກຽມກໍ່ສ້າງໃຫ້ສຳເລັດຕາມ ສັນຍາ ແລະ
ອື່ນໆ.
ສຳລັບດ້ານບໍ່ແຮ່ແມ່ນສູ້ຊົນໃຫ້ລວມຍອດມູນຄ່າການຜະລິດແຮ່ທາດບັນລຸ
15.000 ຕື້ກວ່າກີບ, ການສົ່ງອອກແຮ່ທາດ ແລະ ຜະລິດຕະພັນເຄິ່ງສຳເລັດຮູບແຮ່ທາດໃຫ້ບັນລຸ
1,9 ຕື້ໂດລາສະຫະລັດ; ສືບຕໍ່ກຳນົດເຂດສຳປະທານຂຸດຄົ້ນ ແລະ ເຂດນ້ຳໃຊ້ຊັບພະຍາກອນທຳມະຊາດໃຫ້ຈະແຈ້ງ
ແລະ ແກ້ໄຂບັນດາຂໍ້ຜິດພາດດ້ານເຕັກນິກໃນການອອກອະນຸຍາດເຂດສຳ ປະທານຂຸດຄົ້ນແຮ່ທາດທີ່ມີການທັບຊ້ອນກັນ;
ຊຸກຍູ້ໃຫ້ບັນດາບໍລິສັດຜັນຂະຫຍາຍການຂຸດຄົ້ນ ແລະ ຜະລິດແຮ່ທາດປະຕິ ບັດພັນທະດ້ານການເງິນເປັນຕົ້ນຄ່າເຊົ່າເນື້ອທີ່ສຳປະທານ,
ຄ່າຊັບພະຍາກອນ, ອາກອນກຳໄລ ແລະ ອື່ນໆຕາມສັນຍາ ແລະ ກົດໝາຍໃຫ້ຖືກຕ້ອງຄົບຖ້ວນທັງໝົດ 62
ບໍລິສັດ; ສືບຕໍ່ປັບປຸງສັນຍາສຳປະທານຂຸດຄົ້ນບໍ່ແຮ່ຄືນໃໝ່ເພື່ອໃຫ້ສອດຄ່ອງ ກັບກົດໝາຍວ່າດ້ວຍແຮ່ທາດ,
ໃນນັ້ນຕ້ອງແກ້ໄຂໃຫ້ສຳເລັດກ່ຽວກັບຄວາມບໍ່ເປັນເອກະພາບລະຫວ່າງຜູ້ລົງທຶນກັບອົງການ ກ່ຽວຂ້ອງຂອງລັດໃນການຈັດຕັ້ງປະຕິບັດພັນທະດ້ານການເງິນ;
ອອກລະບຽບວ່າດ້ວຍການອອກອະນຸຍາດສ້າງຕັ້ງ ແລະ ດຳເນີນໂຮງງານປຸງແຕ່ງແຮ່ທາດ.
No comments:
Post a Comment