ວິທະຍາໄລໄຊພັດທະນາສຳມະ ນາກ່ຽວກັບຕະຫລາດຫລັກຊັບ

      ໃນວັນທີ 9 ກຸມພາ 2013 ຢູ່ວິ ທະຍາໄລເສດຖະກິດໄຊພັດທະນາ ບ້ານດົງໂດກ, ເມືອງໄຊທານີ, ນະຄອນຫລວງ ວຽງຈັນໄດ້ມີການຈັດສຳມະນາກ່ຽວກັບວິຊາຕະຫລາດຫລັກຊັບໃຫ້ກັບ ນັກສຶກສາ ທີ່ຮຽນຈົບຫລັກສູດປະລິນຍາຕີສາຂາ ການເງິນ-ການທະນາຄານ ແລະ ສາຂາການບໍລິຫານທໍລະກິດປະມານ 150 ຄົນ ທີ່ຈະສຳເລັດການສຶກສາໃນສົກປີ 2012-2013 ຂອງວິທະຍາໄລດັ່ງກ່າວ.

     ການສຳມະນາເທື່ອນີ້ ເນັ້ນໃສ່ເພີ່ມຄວາມຮູ້ພື້ນຖານກ່ຽວກັບຕະຫລາດຫລັກຊັບ  ແລະ ການລົງທຶນໃນຕະ ຫລາດຫລັກຊັບ ເຊິ່ງນຳສະເຫນີໂດຍ ທ່ານ ດຣ ສຸດທິເດດ ບຸນລືໄຊ ວິຊາການພະແນກຄຸ້ມຄອງ ແລະ ພັດທະ ນາຕະຫລາດຫລັກຊັບຂອງຄະນະກຳມະການຄຸ້ມຄອງ ລັກຊັບ ແລະ ຕະຫລາດຫລັກຊັບລາວ.

      ທ່ານນາງ ວິໄລພອນ ວົງຄຳສອນ ຮອງປະທານກຸ່ມວິທະຍາໄລໄຊພັດທະນາ ກ່າວກວ່າ : ການສຳມະນາເທື່ຶອນີ້ ແມ່ນເປັນເທື່ອທຳອິດທີ່ວິທະຍາໄລຈັດຕັ້ງຂຶ້ນເພື່ອເປັນການເພີ່ມຄວາມຮູ້ກ່ຽວກັບວຽກງານຫລັກຊັບ ແລະ ຕະຫລາດ ຫລັກ ຊັບໃຫ້ກັບຄູອາຈານ, ນັກສຶກສາພາຍໃນວິທະຍາໄລ, ນອກຈາກນີ້ວິທະຍາໄລຍັງມີແຜນທີ່ຈະເອົາວິຊາຕະ ຫລາດຫລັກ ຊັບເຂົ້າໃນຫລັກສູດການຮຽນ-ການສອນນຳອີກ. ນອກຈາກນີ້ ວິທະຍາໄລຍັງໄດ້ນຳພາບັນດານັກສຶກສາໄປທັດສະນະສຶກສາ ເບິ່ງຕະຫລາດຫລັກຊັບລາວຢູ່ບ້ານໂພນທັນ ເມືອງໄຊເສດຖາ ແລະ ຢ້ຽມຢາມໂຮງງານຜະລິດເບຍໄທເກີຢູ່ບ້ານເວີນຄຳເມືອງ ໄຊທານີ ນະຄອນຫລວງວຽງຈັນນຳອີກ.