ຂົວນ້ຳຂອງດອນໂຂງຄືບຫນ້າ 26% ຂະນະທີ່ນັກວິຊາການຮັບປະກັນແລ້ວຕາມກຳນົດ

             ຊ້າກວ່າກຳນົດເລັກ ໜ້ອຍ ສຳລັບໂຄງການກໍ່ສ້າງຂົວນ້ຳ ຂອງດອນໂຂງ ແຂວງຈຳປາສັກ ຫລັງ ປະຕິບັດ ມາ​ໄດ້ 1 ປີກວ່າ ​ເຊິ່ງມາຮອດປັດຈຸບັນ,ການກໍ່ ສ້າງຄືບໜ້າກວ່າ 26%,ຂະນະທີ່ ນັກວິຊາ ການກ່ຽວຂ້ອງ​ເປີດ ເຜີຍເຫດຊັກຊ້າຍ້ອນທຳມະຊາດ ບໍ່ອຳນວຍແຕ່ຢືນຢັນໂຄງການ ຈະສຳເລັດ ຕາມກຳນົດທ້າຍປີ ໜ້າ.

       ໂຄງການກໍ່ສ້າງຂົວນ້ຳຂອງ ດອນໂຂງແຂວງຈຳປາສັກໄດ້ຮັບ ທຶນຊ່ວຍເຫລືອຈາກລັດຖະບານ ສປ ຈີນ 95% ແລະ ທຶນຂອງລັດ ຖະບານລາວສົມທົບ 5% ລວມ ມູນ​ຄ່າ 34 ກວ່າລ້ານໂດລາສະ ຫະລັດ ຊຶ່ງ​ໂຄງການ​ນີ້ປະກອບ​ມີ​ການກໍ່ສ້າງຂົວເບຕົງເສີມເຫລັກ ອັດຕາແຮງແຕ່ບ້ານຫາດຫາບ້ານ ນາ ກວ້າງ11 ແມັດ,ຍາວ 700 ກວ່າ​ແມັດ,ຂົວນ້ອຍລະຫວ່າງ ບ້ານໂຂງແຫລມຫາບ້ານດອນ ສັນກວ້າງ 5 ແມັດ, ຍາວ ເກືອບ 200 ​ແທັດ, ກໍ່ສ້າງ ແລະປູຢາງໜ້າ ທາງຈາກທາງເລກ ທີ 13 ໃຕ້ ເຂົ້າຫາຂົວໃຫຍ່,ກວ້າງ 7ແມັດ, ຍາວ  4 ກວ່າກິໂລ​ແມັດ,

ກໍ່ສ້າງ ທ່າເຮືອບັກຖາວອນບ້ານຂົວໂຂງ  ຫາບ້ານຫ້ວຍຍາງ ເມືອງມຸນລະ ປະ ໂພກ ແລະ ອື່ນໆ ຊຶ່ງຈະ​ໃຊ້​ເວລາກໍ່ສ້າງ 36 ເດືອນ.

              ທ່ານ ຄຳຮຸ່ງ ໜູພະໄຊ ຫົວ ໜ້າໂຄງການກໍ່ສ້າງຂົວນ້ຳ ຂອງ ດອນໂຂງ ​ເປີດເຜີຍເມື່ອບໍ່ດົນ ນີ້ ວ່າ: ໂຄງການກໍ່ສ້າງຂົວດັ່ງກ່າວ ໄດ້ເລີ່ມກໍ່ສ້າງມາແຕ່ທ້າຍປີ 2011 ​ໂດຍມາຮອດປັດຈຸບັນຄືບ ໜ້າ ແລ້ວກວ່າ 26%.ຂະນະ​ດຽວ​ກັນ​ກໍໄດ້ສຳເລັດການປຸກສ້າງເຮືອນ ພັກ,ເຮືອນຄົວ,ຕິດຕັ້ງໝໍ້​ແປງສຳ ເລັດ 100%,ສຳ ເລັດການກະ ກຽມ ກໍ່ສ້າງທາງເວັ້ນຊົ່ວຄາວ, ທ່າບັກຊົ່ວຄາວ,ຫ້ອງທົດລອງວິ​ໄຈ ແລະ ໜ້າວຽກຍ່ອຍອື່ນໆ.
ແນວ​ໃດ​ກໍ​ດີ,ພະນັກງານ​ວິຊາ​ການ ​ແລະ ກຳມະກອນໄດ້ສຸມ ໃສ່ທັງເວັນ ແລະ ຄືນໂດຍເລັ່ງ ຕອກເສົາເຂັມ ເພື່ອໃຫ້ສຳເລັດໃນ ອີກ 2-3 ເດືອນຕໍ່ໜ້າ.​ແນວ​ໃດ​ກໍ​ດີ,ການ​ທີ່ໂຄງການຊັກຊ້ານັ້ນອັນ​ເນື່ອງ​ຈາກ​ເປັນ​ໄລ ຍະລະດູຝົນ ໂດຍນ້ຳຂອງ ໄຫລແຮງກວ່າທຸກ ປີ ເຮັດໃຫ້ທໍ່ເຫລັກທີ່ຕັ້ງໄວ້ເພື່ອ ຈະຕອກເສົາເຂັມລົ້ມ ແລະ ຕ້ອງ ໄດ້ໃຊ້ເວລາເກັບຄືນຫລາຍເດືອນ .

        ຢ່າງໃດກໍຕາມ,ທ່ານ ລັດຕະ ນະ ໄຕວັນ ນັກວິຊາການປະຈຳ ໂຄງການກໍ່ສ້າງຂົວແມ່ນ້ຳຂອງ ດອນ ໂຂງແລະປະຈຳໂຄງການ ກໍ່ສ້າງຂົວນ້ຳຂອງຢູ່ແຂວງ ຫລວງພະບາງອອກມາຢັ້ງຢືນ ວ່າ:ຄວາມຊັກຊ້າກວ່າ ແຜນການ 16% ຈະບໍ່ມີຜົນກະທົບຮ້າຍແຮງ ເຖິງຂັ້ນເຮັດໃຫ້ໂຄງການບໍ່ສຳ​ເລັດຕາມແຜນການ ແຕ່ຢ່າງ ໃດ, ປັດຈຸບັນສາມາດນຳທໍ່ຂຶ້ນຕັ້ງໄດ້ ໝົດແລ້ວ ແລະ ພວມເລັ່ງມືທັງ ເວັນ ແລະ ຄືນເພື່ອຕອກເສົາເຂັມ ກາງນ້ຳໃຫ້ສຳເລັດໃນອີກ 2-3 ເດືອນ ​ແລະ ຄາດວ່າຮອດກາງ ປີຫາທ້າຍປີ 2013 ສາມາດຄືບ ໜ້າ​ແຕ່ 70-80% ແລະເຖິງເວລາ ນັ້ນພໍ່ແມ່ປະຊາຊົນຈະສາມາດ ເຫັນຮູບຮ່າງຂອງຂົວທັງສອງ ສົ້ນ ແລະ ເຊື່ອວ່າຮອດທ້າຍປີ 2014 ສຳ​ເລັດຢ່າງແນ່ນອນ.