ກອງປະຊຸມເຜີຍແຜ່ບົດຊີ້ນຳຂອງ
ທ່ານ ເລຂາ ທິການໃຫຍ່,ປະທານປະເທດ ທ່ານ ຈູມມາລີ ໄຊຍະສອນ, ຕໍ່ກອງປະຊຸມວຽກງານ
3 ສ້າງທົ່ວປະເທດ ທີ່ໄດ້ຈັດຂຶ້ນແຕ່ວັນທີ 4-5 ກຸມພາ 2013 ທີ່ຜ່ານມາ.ກະຊວງຖະແຫລງຂ່າວ,
ວັດ ທະນະທຳ ແລະ ທ່ອງທ່ຽວໄດ້ຈັດກອງປະຊຸມເຜີຍແຜ່ວຽກງານດັ່ງກ່າວຈັດຂຶ້ນໃນວັນທີ
8 ກຸມພາ 2013 ຢູ່ທີ່ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ພາຍໃຕ້ການເປັນປະທານຂອງທ່ານ
ສຈ. ດຣ ບໍ່ແສງຄຳ ວົງດາລາ, ກຳມະການສູນກາງພັກ, ລັດຖະມົນຕີວ່າການກະຊວງຖະແຫລງຂ່າວ,
ວັດທະ ນະທຳ ແລະ ທ່ອງທ່ຽວ, ຫົວໜ້າຄະນະຊີ້ນຳວຽກງານ 3 ສ້າງກະຊວງ(ຖວທ), ມີ ທ່ານລັດຖະມົນຕີຊ່ວຍວ່າການກະ
ຊວງ ຖວທ, ຮອງຫົວໜ້າຄະນະຊີ້ນຳວຽກງານ 3 ສ້າງ, ມີບັນດາກົມ, ຮອງກົມອ້ອມຂ້າງກະຊວງ
ຖວທ ເຂົ້າຮ່ວມ.
ເພື່ອໃຫ້ບັນດາຜູ້ເຂົ້າຮ່ວມໄດ້ມີຄວາມຮູ້ຄວາມເຂົ້າໃຈກ່ຽວກັບການຈັດຕັ້ງປະຕິບັດວຽກງານ
3 ສ້າງຢ່າງເລິກເຊິ່ງ ແລະ ນຳໄປຈັດຕັ້ງປະຕິບັດໄດ້ຢ່າງມີປະສິດທິຜົນນີ້ ທ່ານ
ສຈ. ດຣ ບໍ່ແສງຄຳ ວົງດາລາ, ລັດຖະມົນຕີວ່າການກະຊວງ ຖວທ ໄດ້ຍົກໃຫ້ເຫັນຄວາມໝາຍຄວາມສຳຄັນ
ແລະ ເນື້ອແທ້ ຂອງວຽກສາມສ້າງວ່າ: ວຽກງານສາມສ້າງແມ່ນວຽກ ຍຸດທະສາດຍາວນານເພື່ອບັນລຸຈຸດໝາຍ
ເຮັດໃຫ້ລະບອບປະຊາທິປະໄຕ ປະຊາຊົນມີຄວາມໝັ້ນ ຄົງ, ປະເທດຊາດມັ່ງຄັ່ງເຂັ້ມແຂງ,
ປະ ຊາຊົນຮັ່ງມີຜາສຸກ, ສັງຄົມມີປະຊາທິປະໄຕ, ຍຸຕິທຳ ແລະ ສີວິໄລ ຊຶ່ງເນື້ອແທ້ເປັນອຸດົມການສັງຄົມນິຍົມ.
ສະນັ້ນການປະຕິບັດວຽກງານສາມສ້າງ ໃຫ້ບັນລຸຈຸດໝາຍສັງຄົມນິຍົມຕ້ອງເລີ່ມສ້າງຮາກຖານໃຫ້ເຂັ້ມແຂງຊຶ່ງລວມເອົາຫລາຍດ້ານເຊັ່ນ:
ດ້ານການເມືອງ, ເສດຖະກິດ, ສັງຄົມ-ວັດ ທະນະທຳ ແລະ ດ້ານປ້ອງກັນ ຊາດ-ປ້ອງກັນຄວາມສະຫງົບ.
ວຽກງານ 3 ສ້າງມີລັກສະນະຮອບດ້ານ ແລະ ເລັ່ງທວງໃຫ້ມີຫລາຍພາກສ່ວນເຂົ້າຮ່ວມແມ່ນໜ້າທີ່ລວມຂອງທົ່ວພັກ,
ທົ່ວລັດແລະທົ່ວປວງຊົນ, ເປັນການເສີມຂະຫຍາຍສິດເປັນເຈົ້າໃຫ້ແກ່ທ້ອງຖິ່ນຮາກຖານໃຫ້ມີຄວາມຮັບຜິດຊອບຫລາຍຂຶ້ນຕິດພັນກັບການໄດ້ຮັບຜົນປະໂຫຍດຢ່າງເໝາະສົມໂດຍສະເພາະແມ່ນບັນດາເມືອງ
ແລະ ບ້ານເປົ້າໝາຍ ໃຫ້ມີຄວາມເຂັ້ມແຂງກໍຈະເປັນພື້ນຖານທີ່ດີໃນການປະຕິບັດວຽກງານ
3 ສ້າງບັນລຸຜົນສຳເລັດ.
ທ່ານລັດຖະມົນຕີຍັງໄດ້ຍົກ ໃຫ້ເຫັນເຖິງທິດຊີ້ນຳຂອງ
ທ່ານ ເລຂາທິການໃຫຍ່ ກ່ຽວກັບການມອບສິດ-ມອບຄວາມຮັບຜິດຊອບ ແລະ ການແບ່ງຜົນປະໂຫຍດໃຫ້ທ້ອງຖິ່ນໃນເບື້ອງຕົ້ນການເຮັດທົດລອງກໍຈະມີບັນຫາຈຳນວນ
ໜຶ່ງ ລະຫວ່າງສູນກາງ ແລະ ທ້ອງຖິ່ນ, ສະນັ້ນຈິ່ງຮີບຮ້ອນປັບ ປຸງແກ້ໄຂໃຫ້ຖືກທິດ
ແລະ ມີການປຶກສາຫາລືປະສານສົມທົບກັນລະອຽດ ໃນການແບ່ງງານ, ແຕ່ບໍ່ໃຫ້ຟ້າວຫລາຍ,
ວຽກທີ່ເຮັດແລ້ວກໍຕ້ອງກວດກາຄືນ ກ່ອນຈະເຂົ້າສູ່ໜ້າວຽກໃໝ່. ວຽກສາມສ້າງຍັງແມ່ນການຍູ້ການພັດທະນາເຂົ້າສູ່ບາດລ້ຽວໃໝ່
ໂດຍສະເພາະແມ່ນການແກ້ໄຂຄວາມທຸກຍາກແກ່ປະຊາຊົນ ໃຫ້ຍັງເຫລືອບໍ່ເກີນ 10%
ແລະ ການບັນລຸເປົ້າ ໝາຍສະຫັດສະວັດເພື່ອການພັດ ທະນາ ໃນປີ 2015, ເປັນການເປີດສັງກາດໃໝ່ແຫ່ງຄວາມພາກພູມໃຈ
ທີ່ປະເທດເຮົາມີຖານະອັນສົມກຽດໃນເວທີປະຊາຄົມໂລກ ໂດຍການຫລຸດພົ້ນຈາກກຸ່ມປະເທດ
ດ້ອຍພັດທະນາ.
ການເຮັດວຽກ 3 ສ້າງຕ້ອງເປັນປັດໄຈຊຸກຍູ້ສົ່ງເສີມການພັດທະນາ,
ຕ້ອງມີແຜນການ ແລະ ໂຄງການອັນລະອຽດ ຕົ້ນຕໍ ແມ່ນຢູ່ຂັ້ນເມືອງ ແລະ ບ້ານ. ຖ້າຫາກເລືອກເມືອງ
ແລະ ບ້ານເປົ້າ ໝາຍບໍ່ຖືກຕາມເງື່ອນໄຂສ້າງເປັນເມືອງເຂັ້ມແຂງ, ເປັນບ້ານພັດທະນາ
ແລະ ເປັນຕົວເມືອງນ້ອຍໄດ້ ກໍໃຫ້ເລືອກປ່ຽນແທນທັນທີ, ໂຄງການລົງທຶນຂອງລັດ
ເພື່ອພັດທະນາຂົງເຂດນີ້ໃຫ້ມີ ໝາກຜົນຕົວຈິງ. ນອກຈາກໂຄງ ການຜະລິດເປັນສິນຄ້າ
ແລະ ການບໍລິການທີ່ສ້າງລາຍໄດ້ໃຫ້ປະຊາຊົນແລ້ວ ກໍຕ້ອງມີໂຄງ ການອື່ນທີ່ຂຶ້ນກັບສູນກາງ
ແລະ ທ້ອງຖິ່ນ, ເມື່ອມີການຈັດສັນໂຄງ ການ ຕ້ອງໃຫ້ສະແດງອອກໃນແຜນພັດທະນາຂອງເມືອງ,
ແຂວງທົ່ວປະເທດ, ເລີ່ມແຕ່ສົກປີ 2013-2014 ແຜນ 3 ສ້າງຕ້ອງສະແດງໃຫ້ເຫັນຢ່າງຈະແຈ້ງ,
ລັກສະນະບູລິມະສິດ ແລະ ລັກສະນະຈຸດສຸມໂດຍຕິດພັນກັບແຜນອື່ນໆ, ໝາຍຄວາມວ່າມັນບໍ່ຢູ່ນອກແຜນ,
ມັນຢູ່ໃນແຜນພັດທະນາເສດຖະ ກິດ-ສັງຄົມປະຈຳປີທີ່ມີລັກສະນະຈຸດສຸມ ແລະ ມີລັກສະນະບູລິມະສິດ,
ຜ່ານການທົດລອງ 3 ສ້າງໃນເບື້ອງຕົ້ນເຫັນວ່າມີຫລາຍບັນ ຫາພົ້ນເດັ່ນກ່ຽວກັບ
3 ສ້າງ ຊຶ່ງ ວຽກ 3 ສ້າງພວມເຂົ້າສູ່ການປະຕິບັດຕົວຈິງ ດ້ວຍບັນຍາກາດອັນຟົດຟື້ນ
ແລະ ໄດ້ຮັບການສະ ໜັບສະໜູນ, ຕອບສະໜອງຢ່າງກ້ວາງຂວາງຈາກທົ່ວພັກ ແລະ ທົ່ວສັງຄົມ,
ເຖິງວ່າໃນເບື້ອງຕົ້ນນີ້ຈະມີບັນຫາດ້ານຄວາມເຂົ້າໃຈ ແລະ ມີອັນທີ່ເຮັດບໍ່ທັນຖືກໃນບາງດ້ານ,
ແຕ່ໂດຍລວມແລ້ວເຫັນວ່າວຽກງານ 3 ສ້າງພວມສ້າງຄວາມເຊື່ອໝັ້ນໃຫ້ພວກເຮົາໃນດ້ານຄວາມຖືກຕ້ອງກໍຄືຕໍ່ໝາກຜົນທີ່ຈະບັນລຸໃນຕໍ່ໜ້າ,
ອັນ ສຳຄັນທີ່ສຸດທີ່ຢາກໃຫ້ເອົາໃຈໃສ່ໃນສະເພາະໜ້າແມ່ນການຂຶ້ນແຜນ ກຳນົດໂຄງການຈຸດພັດທະ
ນາສົກປີ 2013-2014 ແລະ ຕ້ອງເຮັດ ຕິດພັນກັບຂະບວນການກະກຽມກອງປະຊຸມໃຫຍ່ 3
ຂັ້ນຢູ່ແຕ່ລະທ້ອງຖິ່ນ ແລະ ຮາກຖານໝາຍຄວາມວ່າໃຫ້ເອົາຂະບວນ ການ 3 ສ້າງເປັນບ່ອນອິງສຳລັບການສ້າງບົດລາຍງານການເມືອງ,
ເອົາ 3 ສ້າງເປັນໂຮງຮຽນເພື່ອຝຶກຝົນທົດສອບ ແລະ ບຳລຸງສ້າງພະນັກ ງານ, ຈາກນັ້ນຈຶ່ງເອົາພະນັກງານກັບທີ່ຍູ້ຂະບວນ
ການ 3 ສ້າງກໍຄືການພັດທະນາຢູ່ທ້ອງຖິ່ນໃຫ້ດຳເນີນໄປຢ່າງຕໍ່ເນື່ອງ ແລະ
ມີຄວາມຍືນຍົງ.
No comments:
Post a Comment