ໃນວັນທີ 8 ກຸມພານີ້ ຢູ່ສຳ ນັກງານໃຫຍ່
ບໍລິສັດ ລັດວິສາຫະກິດລາວໂທລະຄົມມະນາຄົມ ນະຄອນຫລວງວຽງຈັນ ໄດ້ຈັດກອງປະຊຸມສະ ຫລຸບຜົນງານປະຈຳປີ
2012 ຂຶ້ນຢ່າງເປັນທາງານ ພາຍໃຕ້ການເປັນປະ ທານຂອງທ່ານ ທັນສະໄໝ ກົມມະສິດ ລັດຖະມົນຕີຊ່ວຍວ່າການກະ
ຊວງໄປສະນີ, ໂທລະຄົມມະນາຄົມ ແລະ ການສື່ສານ, ທ່ານ ທອງໃສ ຊານໄຊຍະຜູ້ອຳນວຍ ການໃຫຍ່ບໍລິສັດລັດວິສາຫະກິດລາວໂທລະຄົມມະນາຄົມ,
ຜູ້ແທນກອງປະຊຸມຈາກສູນກາງ ແລະ ສາຂາແຂວງທົ່ວປະເທດເຂົ້າຮ່ວມທັງໝົດ 325 ທ່ານ.
ທ່ານ ທອງໃສ ຊານໄຊຍະ ໄດ້ຂຶ້ນຜ່ານບົດສະຫລຸບຜົນສຳເລັດການດຳເນີນທຸລະກິດ
ໃນປີ 2012 ແລະ ທິດທາງແຜນການປີ 2013 ດັ່ງນີ້: ໃນປີ 2012 ລາວໂທລະຄົມໄດ້ຂະຫຍາຍຕາໜ່າງລະບົບໂທ
ລະຄົມໃນຂອບເຂດທົ່ວປະເທດ ມູນຄ່າທັງໝົດ 12,8 ລ້ານໂດລາສະຫະລັດ ແລະ ເປີດໃຫ້ບໍລິການໂທລະສັບຂ້າມແດນລະຫວ່າງປະ
ເທດຫລາຍກວ່າ
52 ບໍລິສັດ ທີ່ໃຊ້ໄດ້ທັງລະບົບສຽງ (Voice 2G), Data (GPRS), 3G ບາງປະເທດ,
ISMS ລະຫວ່າງປະເທດ. ພິເສດໄດ້ເປີດບໍລິການໂທລະສັບມືຖືແບບຕື່ມເງິນກັບປະເທດໄທ,
ອິນໂດເນເຊຍ ແລະ ຮົງກົງ. ພ້ອມນັ້ນ ກໍໄດ້ຂະຫຍາຍສູນບໍລິ ການລູກຄ້າໃໝ່ສຳເລັດ
8 ແຫ່ງ ແລະ ໄດ້ນຳເອົາການໃຫ້ການບໍລິການຊື້ຫວຍຜ່ານມືຖືມາໃຫ້ບໍລິການລູກຄ້າ.
ພິເສດ ລາວໂທ ລະຄົມໄດ້ມີໂປຣໂມຊັນຄືນກຳໄລໃຫ້ລູກຄ້າ ໂດຍໂຄງການຂູດບັດລຸ້ນໂຊກ
ແລະ ຫລັກ 5 ທ້າຝັນພາກ 2 ເຊິ່ງໃນປີຜ່ານມາໄດ້ແຈກລາງວັນເປັນລົດ Toyota
Fortuner ແລະ ລົດ Hyundai Accent Blue ຢ່າງລະ 1 ຄັນ ໃຫ້ລູກຄ້າຜູ້ໂຊກດີ.
ຄຽງຄູ່ກັນນັ້ນ, ພວກເຮົາຍັງໄດ້ປັບປຸງສູນສະໜອງຂໍ້ມູນ
101 (Call Center) ໃຫ້ລູກຄ້າສາມາດໃຊ້ບໍລິການຕະຫລອດ 24 ຊົ່ວໂມງ ແລະ ໃຫ້ການບໍລິການລູກຄ້າແບບປະຕູດຽວ
(One Stop Service) ໃນຂອບເຂດທົ່ວປະເທດ ເຊິ່ງເປັນສິ່ງຢັ້ງຢືນວ່າ: ລາວໂທ
ລະຄົມໄດ້ນຳໃຊ້ລະບົບບໍລິຫານງານຄຸນນະພາບມາດຕະຖານ ສາກົນ ISO 9001:2008. ມາຮອດປັດຈຸບັນ
ລາວໂທລະຄົມມີລູກຄ້ານຳໃຊ້ມືຖືຕົວຈິງ 1,2 ລ້ານເລກໝາຍ, ໂທລະສັບຕັ້ງໂຕະ
50 ພັນກວ່າເລກໝາຍ, ໂທ ລະສັບວິນໂຟນ 65 ພັນກວ່າເລກໝາຍ, ອິນເຕີເນັດທຸກລະບົບ
50 ພັນກວ່າລູກຄ້າ. ໃນປີ 2012 ລາວໂທລະຄົມສາມາດສ້າງລາຍຮັບໄດ້ທັງໝົດ
975,9 ຕື້ກີບ ລື່ນແຜນ ການ 7% ແລະ ເຕີບໃຫຍ່ຈາກປີ 2011 ເຖິງ 21%, ໃນນັ້ນ ມີກຳໄລສຸດທິ
122,3 ຕື້ກີບ ເທົ່າກັບ 101% ຂອງແຜນການ ແລະ ການເຕີບໃຫຍ່ຈາກປີ 2011 ເຖິງ
86,8%, ມອບພັນທະ ແລະ ເງິນປັນຜົນໃຫ້ລັດຖະບານທັງໝົດ 234,97 ຕື້ກີບ ລື່ນແຜນການ
6,5%. ນອກຈາກນັ້ນ ຍັງໄດ້ໃຫ້ການອຸປະຖຳຊ່ວຍເຫລືອອົງການຈັດຕັ້ງພັກ-ລັດ ແລະ ສັງຄົມ
ລວມມູນຄ່າເປັນເງິນທັງໝົດ 2 ຕື້ກວ່າກີບ.
ສຳລັບແຜນການປີ 2013 ນີ້, ລາວໂທລະຄົມຈະສູ້ຊົນສ້າງລາຍຮັບທົ່ວປະເທດໃຫ້ໄດ້
1.044,3 ຕື້ກີບ, ຄາດຄະເນກຳໄລສຸດທິຈະໄດ້ຮັບ 148,6 ຕື້ກີບ ແລະຈະມອບ ພັນທະໃຫ້ລັດຖະບານຈຳນວນ
275,4 ຕື້ກີບ. ສຳລັບໂຄງການລົງທຶນທັງໝົດ 27,2 ລ້ານໂດລາ ເພື່ອເລັ່ງໃສ່ພັດທະນາເຄືອຂ່າຍ
ຄຸນນະພາບ, ທັນສະໄໝ ແລະ ການບໍລິການທີ່ວ່ອງໄວ ເພື່ອສູ້ຊົນເພີ່ມລູກຄ້າໃໝ່ທຸກລະບົບໃຫ້ໄດ້ທັງໝົດ
1 ແສນກວ່າເລກ ໝາຍ.
No comments:
Post a Comment