ກົມຮູບເງົາຮ່ວມກັບວຽງຈັນນານ ເປີດງານມະຫາກຳຮູບເງົາຄັ້ງທີ
3 ຂຶ້ນໃນລະຫວ່າງ ວັນທີ 26 ກຸມພາ ຫາ 2 ມີນາ 2013 ເຊິ່ງຈະໄດ້ມີການສາຍຮູບເງົາ
ຢູ່ຢູ່ໂຮງກາຍະສິນແຫ່ງຊາດ ນະຄອນຫລວງວຽງຈັນ ແລະ ຢູ່ກົມຮູບເງົາ ໂດຍມີ ທ່ານ
ບົວເງິນ ຊາພູວົງ, ລັດຖະມົນຕີຊ່ວຍວ່າການ ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ,
ທ່ານ ບຸນເຈົ້າ ພິຈິດ, ຫົວໜ້າກົມຮູບເງົາ, ບັນດາທູຕານຸທູດ ແລະ ແຂກທີ່ຖືກເຊີນເຂົ້າຮ່ວມ.
ທ່ານ ບຸນເຈົ້າ ພິຈິດ ກ່າວວ່າ: ງານມະຫາກຳຮູບເງົາດັ່ງ
ກ່າວນີ້ ແມ່ນໄດ້ຈັດຂຶ້ນໃນທຸກໆສອງປີ, ຄັ້ງທີ 1 ຜ່ານມາ ແມ່ນ
ໄດ້ຈັດຂຶ້ນໃນປີ
2009, ຄັ້ງທີ 2 ຈັດຂຶ້ນໃນປີ 2011 ແລະ ປີ 2013 ນີ້ແມ່ນເປັນຄັ້ງທີ III ເຊິ່ງປີນີ້
ໄດ້ຄັດເລືອກເອົາຮູບເງົາທີ່ມີຄຸນນະພາບຂອງລາວ, ຕ່າງປະເທດ ເຂົ້າຮ່ວມ ແລະ
ມີຜູ້ສ້າງຮູບເງົາລາວສົນໃຈສົ່ງຮູບເງົາສັ້ນເຂົ້າແຂ່ງຂັນເຖິງ 29 ເລື່ອງ
ເພື່ອເປັນການຕອບສະໜອງ ຕາມຄວາມຮຽກຮ້ອງຕ້ອງການຂອງສັງຄົມ ໃນການເຂົ້າເຖິງແຫລ່ງບັນເທິງທີ່ມີຄຸນນະພາບ,
ປັດ ຈຸບັນວຽກງານຮູບເງົາຢູ່ ສປປ ລາວ ແມ່ນໄດ້ຮັບການພັດທະນາຂຶ້ນເປັນກ້າວໆບໍ່ວ່າຈະເປັນທາງພາກລັດ
ແລະ ພາກເອກະຊົນການຜະ ລິດຮູບເງົາເລື່ອງສາລະຄະດີ ແລະ ຮູບເງົາສັ້ນກໍເພີ່ມຂຶ້ນ,
ມີທັງປະລິມານ ແລະ ຄຸນນະພາບ. ຮູບເງົາຂອງລາວ ໄດ້
ສົ່ງເຂົ້າສາຍໃນບຸນມະໂຫລານຮູບເງົາສາກົນຢູ່ຕ່າງປະເທດຫລາຍຄັ້ງ
ແລະ ກໍສາມາດໄດ້ຮັບລາງວັນຈຳນວນໜຶ່ງ. ພິເສດພວກເຮົາມີຄວາມສາມາດຈັດບຸນມະໂຫລານຮູບເງົາຂຶ້ນໃນ
ສປປ ລາວ ຢູ່ນະຄອນຫລວງວຽງຈັນ ແລະ ເມືອງຫລວງພະບາງ. ຄຽງຄູ່ກັບການຂະຫຍາຍຕົວໃນວຽກງານຮູບເງົາຂອງພາກລັດ,
ພາກເອກະຊົນ ກໍໄດ້ມີການພັດທະນາຢ່າງບໍ່ຢຸດຢັ້ງ. ປັດຈຸບັນ ສປປ ລາວ ໄດ້ມີບໍລິສັດຈຳນວນໜຶ່ງທີ່ຜະລິດຮູບເງົາ,
ຜະລິດການບັນເທິງກໍຄືການຜະລິດສື່ໂຄສະນາພາບ-ສຽງທີ່ມີຄຸນນະພາບ ເຊັ່ນ: ບໍລິສັດ
ລາວອາດມີເດຍ, ລາວນີວ ເວບ ຊີນີມາ, ຊີແລັກ
ແລະ ອື່ນໆ... ເຊິ່ງຜົນງານຂອງບໍລິສັດເຫລົ່ານີ້ ນອກຈາກສາຍຢູ່ພາຍໃນປະເທດແລ້ວ
ຍັງໄດ້ສົ່ງໄປຈຳໜ່າຍ, ສາຍໃນໂຮງຮູບເງົາ, ສົ່ງເຂົ້າຮ່ວມບຸນມະໂຫລານຮູບເງົາສາກົນ
ແລະ ສາຍອອກອາກາດໃນຊ່ອງໂທລະພາບຕ່າງປະເທດຈຳນວນໜຶ່ງ, ອັນໄດ້ເປັນການປະກອບສ່ວນສຳຄັນໃນການສົ່ງເສີມບົດບາດຂອງວົງການຮູບເງົາລາວ
ແລະ ທັງເປັນການເຜີຍແຜ່ວິຖີຊິວິດ, ຮີດຄອງປະເພນີອັນດີງາມຂອງລາວ ແລະ ສະຖານທີ່ທ່ອງທ່ຽວທຳມະຊາດ,
ວັດທະນະທຳໃຫ້ຊາວໂລກໄດ້ຮັບຮູ້້ ແລະ ຊ່ວຍເຮັດໃຫ້ສາມາດດຶງດູດເອົານັກທ່ອງທ່ຽວເຂົ້າມາປະເທດລາວຫລາຍຂຶ້ນ.
ຍ້ອນເຫັນໄດ້ເຖິງການເຕີບໃຫຍ່ຂະຫຍາຍ ຕົວໃນວຽກງານຮູບເງົາທາງພາກລັດ ແລະ
ເອກະຊົນ ຈຶ່ງໄດ້ ສົມທົບໂດຍຈະກະກຽມສ້າງເປັນຫລັກສູດວິຊາຊີບຊັ້ນສູງເພື່ອແນ່ໃສ່ພັດທະນາສີມືແຮງງານຂອງຜູ້ສ້າງຮູບເງົາ
ແລະ ໂທລະພາບ, ຜະລິດການ ບັນເທິງ ແລະ ສື່ໂຄສະນາທີ່ເປັນພາບ-ສຽງຂອງລາວ ໃຫ້ມີຄຸນນະພາບສາມາດຮອງຮັບການເຂົ້າເປັນສາມາຊິກອົງການ
ການຄ້າໂລກ (WTO) ໃນປີ 2013 ແລະ ປະຊາຄົມເສດຖະກິດອາຊຽນໃນປີ 2015.
No comments:
Post a Comment