ກອງປະຊຸມທົ່ວປະເທດ ເພື່ອຊຸກຍູ້ວຽກງານ
3 ສ້າງໃຫ້ເຂົ້າສູ່ລວງເລິກ ແລະ ສ້າງຄວາມຮູ້ກ່ຽວກັບວຽກງານ 3 ສ້າງ ຈັດຂຶ້ນໃນວັນທີ
4-5 ກຸມພາ 2013 ຢູ່ສູນເຝິກອົບຮົມ ຍີ່ປຸ່ນ ແລະ ການຮ່ວມມືສາກົນໂດຍພາຍໃຕ້ການເປັນປະທານຂອງທ່ານ
ບຸນຍັງ ວໍລະຈິດ ກຳມະການກົມການເມືອງສູນກາງພັກ,ຜູ້ປະຈຳການຄະນະເລຂາທິການສູນກາງພັກທັງ
ເປັນຫົວໜ້າຄະນະຊີ້ນຳເຮັດທົດລອງ 3 ສ້າງຂັ້ນສູນກາງ,ມີຄະນະຮັບຜິດຊອບຊີ້ນຳເຮັດທົດລອງ
3 ສ້າງ,ບັນດາລັດຖະມົນຕີ,ເຈົ້າແຂວງ-ຮອງເຈົ້າແຂວງ,ເຈົ້າເມືອງ ແລະ ຜູ້ຊີ້ນຳວຽກງານ
3 ສ້າງ ຂະແໜງການຕ່າງໆທີ່ກ່ຽວຂ້ອງເຂົ້າຮ່ວມ.
ທ່ານ ບຸນຍັງ ວໍລະຈິດ ໄດ້ກ່າວວ່າ: ການຈັດກອງປະຊຸມໃນຄັ້ງນີ້
ເພື່ອເຜີຍແຜ່ແນະນຳ ແລະ ສ້າງຄວາມເຂົ້າໃຈໃຫ້ເປັນເອກະພາບ ກ່ຽວກັບບັນຫາສຳຄັນວຽກ
ງານ 3 ສ້າງ, ການສ້າງແຜນ 3 ສ້າງ ແລະ ແຜນປົກກະຕິສຳລັບສົກປີ
2013-2014 ໃຫ້ມີຄວາມກົມ ກຽວເປັນເອກະພາບ,ການປັບປຸງ ລະບອບອຸດໜູນໃຫ້ແກ່ນາຍບ້ານ
ແລະ ເປົ້າໝາຍອື່ນໆ ໃນອົງການປົກຄອງບ້ານ,
ການປະຕິບັດທົດລອງວຽກງານ 3 ສ້າງ
ເຊິ່ງ ນັບແຕ່ເດືອນຕຸລາ ປີ 2012 ມາເຖິງປັດຈຸບັນ ກໍເປັນເວລາ 4 ເດືອນແລ້ວ
ໂດຍຄະນະຊີ້ນຳກໍໄດ້ປະ ຊຸມກັນ 2 ຄັ້ງ ເພື່ອຕີລາຄາເບື້ອງ ຕົ້ນ ສະພາບການຈັດຕັ້ງປະຕິບັດວຽກງານ
3 ສ້າງຂອງບັນດາກະ ຊວງ ກໍຄືບັນດາ
ແຂວງ, ເມືອງ ແລະ ບ້ານເປົ້າໝາຍ ໄດ້ມີການຄົ້ນຄວ້າກຳແໜ້ນມະຕິ
03 ຂອງກົມການເມືອງ, ບັນດາຄຳສັ່ງແນະນຳຂອງຄະນະເລຂາທິການ ແລະ ນິຕິກຳຕ່າງໆ
ກ່ຽວກັບ 3 ສ້າງ ເປັນຕົ້ນແມ່ນ ໄດ້ຈັດຕັ້ງເຜີຍແຜ່ແນະນຳໃຫ້ພະນັກງານ-ລັດ
ຖະກອນຢູ່ຂະແໜງການຂອງຕົນ ແລະ ໄດ້ສ້າງແຜນຈັດຕັ້ງເຮັດທົດລອງ ໃນຂະແໜງການຂອງຕົນ; ພ້ອມດຽວກັນນັ້ນ ກໍໄດ້ສ້າງນິຕິກຳ ເຊັ່ນ: ບົດແນະນຳ,
ຂໍ້ຕົກລົງ, ຄຳສັ່ງ ແລະ ຄຳແນະນຳ ອື່ນໆ ກ່ຽວກັບການແບ່ງຄວາມຮັບຜິດ ຊອບ ແລະ
ແບ່ງຂັ້ນຄຸ້ມຄອງໃຫ້ແຂວງ, ເມືອງ, ບ້ານຕາມຄວາມເໝາະສົມ.
ພາຍຫລັງຄະນະຊີ້ນຳຂັ້ນສູນ ກາງ ໄດ້ອອກແຈ້ງການ
ກຳນົດເອົານະຄອນຫລວງວຽງຈັນ ເປັນຈຸດສຸມຕົວແບບເຮັດທົດລອງ ກໍໄດ້ຈັດປະຊຸມຮ່ວມກັບບັນດາກະ
ຊວງ, ພະແນກການ, ເມືອງ ແລະ ບ້ານເປົ້າໝາຍ ເພື່ອເປັນເອກະພາບທາງດ້ານທັດສະນະໃນການລົງທົດລອງ
3 ສ້າງ,ມາເຖິງປັດຈຸບັນ,ບັນດາກະຊວງເປົ້າໝາຍສ່ວນໃຫຍ່ກໍໄດ້ປຶກສາຫາລືເປັນເອກະພາບກັນກັບນະຄອນຫລວງວຽງຈັນແລ້ວ
ກ່ຽວກັບການແບ່ງຂັ້ນຄຸ້ມຄອງ.ຈາກນັ້ນກໍໄດ້ນຳພາພະແນກການຂອງນະຄອນ ຫລວງວຽງຈັນ
ລົງສົມທົບກັບເມືອງ ແລະ ບ້ານເປົ້າໝາຍ ເພື່ອປຶກສາຫາລືເປັນເອກະພາບກ່ຽວ ກັບການແບ່ງຂັ້ນຄຸ້ມຄອງໃຫ້ລະອຽດຂຶ້ນຕື່ມອີກ.
ຜ່ານການຕີລາຄາແລ້ວເຫັນວ່າການຄົ້ນຄວ້າ ເຊື່ອມຊຶມ ແລະ ຜັນຂະຫຍາຍເປັນອັນລະອຽດກ່ຽວກັບມະຕິ
03 ຂອງກົມການເມືອງໂດຍລວມແມ່ນມີເນື້ອໃນຖືກຕ້ອງ,ສອດຄ່ອງ ແລະ ເປັນໄປໄດ້ໃນການປະຕິບັດ,
ຄະນະພັກກະຊວງ, ອົງ ການອ້ອມຂ້າງສູນກາງ ແລະ ທ້ອງຖິ່ນລ້ວນແຕ່ ໃຫ້ການສະໜັບ
ສະໜູນຕອບຢ່າງຕັ້ງໜ້າ ແລະ ມີຄວາມເປັນເອກະພາບສູງ, ມະຕິ 03 ພວມໄດ້ຮັບການຜັນຂະຫຍາຍເຂົ້າສູ່ຕົວຈິງດ້ວຍທິດທາງ
ແລະ ວິທີການປະຕິບັດອັນລະອຽດຈະແຈ້ງ, ທັງມີການຈັດຕັ້ງຮັບຜິດ ຊອບ ແລະ ມີການຊີ້ນຳເປັນລະ
ບົບ-ແທດເຖິງແຕ່ສູນກາງຮອດຮາກຖານ; ການຈັດຕັ້ງເຮັດທົດລອງບາດກ້າວເລີ່ມຕົ້ນເຫັນວ່າເປັນຂະບວນທີ່ມີບັນ
ຍາກາດດີ, ເຖິງວ່າຍັງຈະມີອັນຫຍຸ້ງຍາກ ແລະ
ມີອັນເຮັດທີ່ບໍ່ຖືກໃນບາງດ້ານກໍຕາມ.
ຫົວໜ້າຜູ້ຊີ້ນຳເຮັດທົດ ລອງຂັ້ນສູນກາງ
ຍັງກ່າວຕື່ມອີກວ່າ: ຄຽງຄູ່ກັບດ້ານຕັ້ງໜ້າ,ພວກ ເຮົາຍັງມີດ້ານຄົງຄ້າງທີ່ຈະຕ້ອງໄດ້ເອົາໃຈໃສ່ປັບປຸງ
ແລະ ແກ້ໄຂບັນຫາຕ່າງເຊັ່ນ: ການຄົ້ນຄວ້າເນື້ອໃນມະຕິ ແລະ ຄຳສັ່ງແນະນຳບໍ່ເລິກເຊິ່ງ,
ການປຶກສາຫາລືພາຍໃນພັກບໍ່ທັນລະອຽດ, ບັນດາກະຊວງຍັງບໍ່ທັນໄປຕາມທິດທີ່ກຳນົດໄວ້,
ມີບາງກະຊວງລົງໄປທ້ອງຖິ່ນມີແຕ່ເຜີຍແຜ່ມະຕິແບບລວມໆແຕ່ບໍ່ທັນໄດ້ສຸມໃສ່ຄົ້ນຄວ້າກ່ຽວກັບການແບ່ງຂັ້ນຄຸ້ມຄອງເພື່ອໃຫ້ທ້ອງຖິ່ນເສີມຂະ
ຫຍາຍສິດເປັນເຈົ້າຂອງຕົນເອງ ໄດ້ນັບມື້ນັບຫລາຍຂຶ້ນ,ການມອບ ສິດ ແລະ ການແບ່ງຜົນປະໂຫຍດໃຫ້ທ້ອງຖິ່ນຍັງມີລັກສະນະຢຸດໆຢ່ອນໆ,
ການແບ່ງຂັ້ນຄຸ້ມຄອງ ແລະ ມອບຄວາມຮັບຜິດຊອບຍັງບໍ່ທັນໄດ້ສົມທົບແໜ້ນກັບທ້ອງຖິ່ນ,
ບາງທ້ອງຖິ່ນຍັງເຂົ້າໃຈບໍ່ ທັນຖືກກ່ຽວກັບ 3 ສ້າງ ຍັງສັບ ສົນລະຫວ່າງວຽກ
3 ສ້າງກັບວຽກງານກໍ່ສ້າງຮາກຖານການເມືອງ-ພັດທະນາຊົນນະບົດຮອບ ດ້ານ ແລະ ຍັງຫັນພະນັກງານລົງຮາກຖານຕາມແບບເກົ່າ
ເຊິ່ງ ສ່ວນໃຫຍ່ແມ່ນລົງໄປເຜີຍແຜ່ ອະ ທິບາຍເອກະສານໃຫ້ຊາວບ້ານ, ເກັບກຳສະຖິຕິ,
ເອົາຂໍ້ມູນ ເຮັດອັນນັ້ນແລ້ວກໍຖືສຳເລັດ; ບໍ່ທັນເຂົ້າໃຈວ່າ 3 ສ້າງແມ່ນວຽກພື້ນ
ຖານຍາວນານທີ່ຕ້ອງໄດ້ເຮັດຕໍ່ເນື່ອງໄປແຕ່ລະປີໆຈົນບັນລຸເປົ້າໝາຍທີ່ວ່າບ້ານຕ້ອງເປັນບ້ານພັດທະນາ
ແລະ ເມືອງຕ້ອງມີຄວາມເຂັ້ມແຂງຮອບດ້ານ.ພ້ອມດຽວກັນນີ້,ການເລືອກບ້ານເປົ້າໝາຍຍັງບໍ່ທັນຖືກເງື່ອນໄຂທີ່ວ່າ
ຕ້ອງແມ່ນບ້ານທີ່ມີຮາກຖານການເມືອງໜັກແໜ້ນ ແລະ ເປັນຈຸດສຸມທີ່ຕ້ອງສ້າງເປັນຕົວເມືອງນ້ອຍໃນຊົນນະບົດ,
ການຄົ້ນຄວ້າສ້າງແຜນໃນປີ 2012-2013 ຍັງບໍ່ທັນເຂົ້າຕາມທິດຈຸດສຸມຂອງ 3 ສ້າງແທ້
ແລະ ມູນຄ່າບໍ່ຫລາຍຄື: ທັງໝົດມີແຕ່ 381 ໂຄງການ, ມູນຄ່າລວມ 85 ຕື້ 300 ລ້ານກີບ,
ໝາຍຄວາມວ່າການສ້າງແຜນໃນສົກປີ 2012-2013 ບໍ່ທັນໄດ້ລົງເລິກຄົ້ນຄວ້າກ່ຽວກັບວ່າຈະຄວນລົງທຶນຄືແນວໃດ
ເພື່ອສຸມໃສ່ເສີມຂະຫຍາຍ ທ່າແຮງຂອງບ້ານ ແລະ ເມືອງໃຫ້ເກີດການພັດທະ ນາຍືນຍົງຕິດພັນກັບການຫັນເອົາພະນັກງານໄປນຳພາເຮັດຕົວຈິງ;
ບຳລຸງສ້າງຄົນກັບທີ່ ເພື່ອພັດທະ ນາ,ຫລາຍບ່ອນຍັງເຮັດແຜນລວມ ແລະ ສະເໜີຄວາມຕ້ອງ
ການຫລາຍເກີນຄວາມສາມາດຕອບສະໜອງຕົວຈິງ.
No comments:
Post a Comment