ບັນຍາກາດຕະຫລາດຫລາຍແຫ່ງໃນນະຄອນຫລວງຫງຽບເຫງົາຍ້ອນລາຄາສິນຄ້າແພງຂຶ້ນ

       ແມ່ຄ້າຊາວຂາຍຢູ່ຫລາຍຕະຫລາດໃຫຍ່ຫລາຍ​ແຫ່ງໃນນະຄອນຫລວງວຽງ ຈັນບອກກັບນັກຂ່າວໜັງສືພີລາວພັດທນາ ໃນວັນທີ 20 ກຸມ ພານີ້ ວ່າ:ປັດຈຸບັນ ການຊື້ຂາຍ ໃນທ້ອງ ຕະຫລາດມີ ບັນຍາ ກາດງຽບເຫງົາລົງ​ຫລາຍ ​ເມື່ອ​ທຽບ​ໃສ່​ເມື່ອ​ກ່ອນຍ້ອນເທສະການປີໃໝ່ຫວຽດນາມ ແລະ ຈີນ ຜ່ານ ພົ້ນໄປ ແລະສ່ວນໜຶ່ງ ແມ່ນລາຄາ ສີນຄ້າຫລາຍປະເພດໄດ້ ແພງຂຶ້ນ ເຮັດໃຫ້ຜູ້ບໍລິໂພກຕ້ອງຫລຸດ ຜ່ອນ ການໃຊ້ຈ່າຍພາຍໃນຄອບຄົວລົງ. ຂະນະທີ່ແມ່ຄ້າຫລາຍຄົນຫວັງວ່າບັນຍາກາດການຊື້ຂາຍ ຈະກັບຄືນມາມີຄວາມຄືກຄື້ນໃນໄລຍະປີໃໝ່ລາວອີກ​ເທື່ອ​ໃໝ່.

    ນັກຂ່າວພວກເຮົາໄດ້ລົງໄປສຳຫລວດບັນຍາກາດການຊື້ຂາຍ ແລະ ຕິດຕາມເບິ່ງລາຄາສີນຄ້າຢູ່ຕະຫລາດຂົວດິນ,ທົ່ງ ຂັນຄຳ ແລະ ຕະຫລາດໂພນສະຫວ່າງເຊິ່ງ​ເປັນຕະຫລາດ​ໃຫຍ່​ເພື່ອ​ສະໜອງ​ຄວາມ​ຕ້ອງການ​ດ້ານ​ເຄື່ອງ​ອຸປະ​ໂພ​ກ ​ແລະ ບໍລິ​ໂພ​ກ ຕ່າງໆ​ໃຫ້​ນະຄອນຫລວງ​ວຽງ​ຈັນ​ເປັນ​ຈຳນວນ​ຫລາຍນັບທັງຂາຍສົ່ງ ແລະ ຂາຍຍ່ອຍ. ໂດຍໃນໄລຍະນີ້ແມ່ຄ້າ ຫລາຍຄົນ

ບອກວ່າການຊື້ຂາຍບໍ່ຄືກຄື້ນປານໃດເມື່ອທຽບໃສ່ໄລຍະປີໃໝ່ສາກົນ ແລະ ເທສະການບຸນປີໃໝ່ຫວຽດນາມທີ່ຫາກໍ ຜ່ານພົ້ນ ໄປຍ້ອນຊາວຫວຽດນາມ ແລະ ຊາວຈີນຢູ່ລາວຈຳນວນບໍ່ໜ້ອຍໄດ້ກັບເມອທ່ຽວ ແລະ ຢ້ຽມຢາມຍາດພີ່ນ້ອງຢູ່ປະ ເທດບໍ່ທັນ ກັບມາ. ນອກຈາກນີ້ລາຄາສີນຄ້າຫລາຍປະເພດໄດ້ແພງຂຶ້ນເປັນຕົ້ນແມ່ນຊີ້ນງົວ-ຄວາຍຍັງຢູ່ໃນລະດັບ 70-80 ພັນ ກີບຕໍ່ກິ ໂລ, ເພີ່ມຂຶ້ນເທົ່າໂຕເມື່ອທຽບໃສ່ໄລຍະດຽວກັນຂອງປີຜ່ານມາ ແລະ ລາຄາຜັກຫລາຍປະເພດກໍແພງຂຶ້ນເປັນແຕ່ ລະໄລຍະ ເຊັ່ນດຽວກັນເຊິ່ງບັນຫາດັ່ງກ່າວໄດ້ເຮັດໃຫ້ຜູ້ບໍລິໂພກຈຳນວນບໍ່ໜ້ອຍໂດຍສະເພາະຜູ້ທີ່ມີລາຍຮັບໜ້ອຍມີການຫລຸດຜ່ອນການໃຊ້ຈ່າຍໃນການຊື້ສີນຄ້າອາຫານທີ່ມີລາຄາແພງ ແລະ ຫັນມາບໍລິໂພກອາຫານທີ່ມີລາຄາຖືກເຊັ່ນ:ປາ, ໝູ ແລະ ອື່ນໆ.

       ແນວໃດກໍຕາມຊາວຄ້າ ຂາຍ ຫລາຍຄົນຍັງມີຄວາມເຊື່ອໝັ້ນ ວ່າບັນຍາກາດການຊື້ ຂາຍໃນ ທ້ອງຕະຫລາດຈະກັບ ຄືນ ມາຄືກ ຄື້ນອີກເທື່ອໃໝ່ໃນ ໄລຍະບຸນ ປີ ໃໝ່ລາວທີ່ຈະມາເຖິງນີ້.