ມອບ​ຮັບທີ່ດິນລະຫວ່າງຫ້ອງການໄອຍະການປະຊາຊົນພາກໃຕ້ ແລະທະນາຄານແຫ່ງ ສປປລາວພາກໃຕ້ ແຂວງຈຳປາສັກ

        ການມອບ​ຮັບທີ່ດິນ ແລະ ອາຄານຫ້ອງການອົງການໄອຍະການປະຊາ ຊົນ ພາກໃຕ້ໃຫ້ທະນາຄານແຫ່ງ ສປປ ລາວ ພາກໃຕ້ແຂວງຈຳປາສັກໄດ້ຈັດຂຶ້ນໃນ ວັນທີ 21 ກຸມພາ 2013 ທີ່ ເມືອງ ປາກເຊແຂວງຈຳປາສັກ, ໂດຍ ການເຂົ້າຮ່ວມຂອງ ທ່ານ ສົມບັດ ແສນພັນຊ່ອງຫົວໜ້າຫ້ອງວ່າການປົກຄອງ ແຂວງ ຈຳປາສັກ, ທ່ານ  ນະ ຈັນຕະລິວົງ ຫົວໜ້າທະນາຄານແຫ່ງ ສປປ ລາວ ພາກໃຕ້ ແຂວງຈຳປາສັກ, ທ່ານ ແສງແກ້ວ ແສງສຸລີ ຫົວໜ້າອົງການ​ໄອ​ຍະການ ະຊາຊາຊົນ ພາກໃຕ້ທີ່ ແຂວງຈຳປາສັກພ້ອມດ້ວຍແຂກແລະສັກຂີພະຍານຈາກກົມກອງ,ພະແນກການຕ່າງໆອ້ອມຂ້າງແຂວງພ້ອມດ້ວຍພະນັກງານວິຊາ ການ, ອົງການຈັດຕັ້ງມະຫາຊົນຈາກສອງຫ້ອງການເຂົ້າຮ່ວມຢ່າງພ້ອມພຽງ. ຫົວໜ້າທະນາຄານແຫ່ງ ສປປ ລາວ ພາກໃຕ້ ກ່າວວ່າ: ນັບຕັ້ງແຕ່ທະນາຄານແຫ່ງ ສປປ ລາວ ພາກໃຕ້ ໄດ້ສ້າງຕັ້ງຂຶ້ນ ແຕ່ຊຸມປີ 1999 ເປັນຕົ້ນມາ ໂດຍ ການຊີ້ນຳໆພາ ຂອງອົງຄະນະພັກທະນາຄານແຫ່ງ ສປປ ລາວ ເວົ້າລວມເວົ້າສະເພາະກໍຄືການຊີ້ນຳໆພາຂອງອົງຄະນະພັກແຂວງໆຈຳປາສັກ

ແລະ ຄະນະພັກຮາກຖານທະນາຄານທຸລະກິດລັດ​ເອກະຊົນພາຍໃນແຂວງຈຳປາສັກໃນໄລຍະ 10 ກວ່າປີທີ່ ຜ່ານມາເຫັນໄດ້ ວ່າ:ການເຕີບໂຕທາງດ້ານເສດຖະກິດພາຍໃນແຂວງຈຳປາສັກມີການຂະຫຍາຍຕົວຢ່າງໄວວາ. ປັດຈຸບັນສາຂາ ທະນາຄານທີ່ ຢູ່ໃນຄວາມຮັບຜິດຊອບຂອງທະນາຄານ ແຫ່ງ ສປປ ລາວ ພາກໃຕ້ ມີທັງໝົດ 22 ແຫ່ງເພີ່ມຈາກ 13 ແຫ່ງ ໃນປີ 2008, ມີໜ່ວຍບໍລິການ 51 ແຫ່ງ ເຊິ່ງສາມາດລະດົມເງິນ ຝາກໄດ້ 2.408,47 ຕື້ກີບເພີ່ມຂຶ້ນ 4 ເທົ່າ ໂຕທຽບໃສ່ປີ 2008 ; ສະໜອງສິນເຊື່ອໄດ້ 2.949,92 ຕື້ກີບເພີ່ມ ຂຶ້ນ 6 ເທົ່າໂຕ ເມື່ອທຽບໃສ່ປີ 2008 .

         ຫົວໜ້າທະນາຄານແຫ່ງ ສປປ ລາວ ກ່າວອີກວ່າ: ຍ້ອນການຂະຫຍາຍຕົວທາງເສດຖະ ກິດຂອງແຂວງຈຶ່ງເຫັນວ່າ:ທະ ນາຄານແຫ່ງ ສປປ ລາວ ພາກໃຕ້ມີຄວາມຈຳເປັນໃນການຈຂະຫຍາຍເນື້ອທີ່ແລະການປຸກ ສ້າງອາຄານຫຼັງໄໝ່ເຊິ່ງໃນປະ ຈຸບັນກຳລັງດຳເນີນການກໍ່ສ້າງຍັງບໍ່ທັນສຳເລັດເພື່ອຂະຫຍາຍເນື້ອທີ່ຫ້ອງການທະນາຄານໃຫ້ກວ້າງຂວາງເພື່ອຄວາມສະດວກ ສະບາຍໃນການມາພົວພັນວຽກງານກັບທະນາຄານດັ່ງນັ້ນຈິ່ງໄດ້ມີພິທີມອບ​ຮັບທີ່ດິນແລະຫ້ອງການໄອຍະການປະຊາຊົນພາກ ໃຕ້ໃຫ້ທະນາຄານແຫ່ງ ສປປ ລາວ ພາກໃຕ້ທີ່ມີເນື້ອທີ່ຢູ່ໃກ້ກັນໃນມູນຄ່າ5ຕື້ກີບໃຫ້ນັກລົງທຶນຕ່າງປະເທດມີຄວາມສົນໃຈ ເຂົ້າມາລົງທຶນແລະພັດທະນາແຂວງຈຳປາສັກໃຫ້ຈະເລີນກ້າວໜ້າເປັນບາດກ້າວຕ່ໍໄປເພື່ອສ້າງໃຫ້ແຂວງຈຳປາສັກເປັນນະຄອນທີ່ງາມແລະໜ້າຈັບໃຈ.