ທ່ານ ດຣ.ທອງລຸນ ສີສຸລິດ ຮອງນາຍົກລັດຖະມົນຕີ,
ລັດຖະມົນຕີວ່າການກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມອຳລາຂອງ ທ່ານ
ມາຊາໂຕະ ໂທກາວະ Masato TOGAWA ຫົວໜ້າອົງກ່ານຮ່ວມມືສາກົນຍີ່ປຸ່ນ(JICA) ປະຈຳ
ສປປ ລາວ ຜູ້ເກົ່າໃນວັນທີ 21 ກຸມພາ 2013 ຢູ່ກະຊວງການຕ່າງປະເທດ ທີ່ໄດ້ສຳເລັດການປະຕິບັດໜ້າທີ່ວຽກງານຂອງ
ຜູ້ກ່ຽວ ຢູ່ ສປປ ລາວ ແຕ່ເດືອນ ກຸມພາ 2010 ຫາເດືອນກຸມພາ 2013 ແລະ ໃນໂອກາດດຽວກັນກໍໄດ້ຕ້ອນ ຮັບການເຂົ້າ
ຢ້ຽມຂໍ່ານັບ ເພື່ອແນະນຳໂຕຂອງທ່ານ ໂກ ອິຈິ ຕາເກອິ (koichi TAKEI), ຫົວໜ້າອົງການຮ່ວມມືສາກົນຍີ່ປຸ່ນປະຈຳລາວ
ຄົນໃໝ່.
ທ່ານ ຮອງນາຍົກລັດຖະມົນຕີ, ລັດຖະມົນຕີວ່າການກະ
ຊວງການຕ່າງປະເທດ ໄດ້ສະ ແດງຄວາມຂອບໃຈຕໍ່ການ ຊ່ວຍ ເຫລືອອັນມີປະສິດທິຜົນຂອງລັດຖະບານ ແລະ
ປະຊາຊົນ ຍີ່ປຸ່ນໃນໄລຍະຜ່ານມາ ແລະ ສະແດງຄວາມ ຊົມເຊີຍຕໍ່ຜົນ ສຳເລັດໃນການປະຕິບັດໜ້າທີ່ວຽກງານຢູ່
ສປປ ລາວ ຂອງ ທ່ານ ໂທກາວະ ຕະຫລອດໄລຍະເວລາ 3 ປີ ຊຶ່ງເປັນການປະ
ກອບສ່ວນອັນສຳຄັນໃຫ້ແກ່ການພົວພັນ
ແລະ ຮ່ວມມືລະຫວ່າງສອງປະເທດ ລາວ-ຍີ່ປຸ່ນ ໃຫ້ສືບຕໍ່ຂະຫຍາຍຕົວ ຢ່າງບໍ່ຢຸດ ຢັ້ງພ້ອມທັງໄດ້ຕີລາຄາສູງຕໍ່ບົດບາດຂອງອົງການຮ່ວມມືສາກົນຍີ່ປຸ່ນປະຈຳ
ສປປ ລາວໃນຖານະເປັນຕົວແທນ ແລະ ຂົວຕໍ່ໃນ ການຈັດຕັ້ງປະຕິບັດໂຄງການຮ່ວມມືຕ່າງໆລະຫວ່າງ ສປປ
ລາວ ແລະ ຍີ່ປຸ່ນ ຊຶ່ງໄດ້ເຮັດໃຫ້ຍີ່ປຸ່ນສືບຕໍ່ເປັນອັນດັບ ໜຶ່ງຂອງ ບັນດາປະເທດທີ່ໃຫ້ການຊ່ວຍເຫລືອ ສປປ ລາວ ສະເລ່ຍປະມານ 80-100 ລ້ານ ໂດລາສະຫະລັດຕໍ່ປີ.
ພ້ອມດຽວກັນ ນັ້ນ, ກໍ ໄດ້ສະແດງຄວາມຊົມ ເຊີຍຕໍ່ທ່ານ ຕາເກອິ ທີ່ຖືກແຕ່ງ ຕັ້ງໃຫ້ເປັນຫົວໜ້າອົງການຮ່ວມມືສາກົນຍີ່ປຸ່ນ
ປະຈຳ ສປປ ລາວ ຄົນໃໝ່ຊຶ່ງຜ່ານມາ, ທ່ານ ເຄີຍ ເປັນຮອງຫົວໜ້າອົງການຮ່ວມມືສາກົນຍີ່ປຸ່ນປະຈຳ
ສປປ ລາວ ປີ 2007-2010 ແລະ ສປປ ລາວໄດ້ໃຫ້ຄຳໝັ້ນສັນຍາວ່າພ້ອມແລ້ວຈະໃຫ້ການຮ່ວມມືກັບອົງການຮ່ວມມືສາກົນຍີ່ປຸ່ນ
ປະຈຳ ສປປ ລາວເປັນຢ່າງດີ ເພື່ອຈັດຕັ້ງປະຕິບັດໂຄງການຮ່ວມມືຕ່າງໆລະຫວ່າງສອງປະເທດ ລາວ-ຍີ່ປຸ່ນ
ໃຫ້ສຳເລັດ ແລະ ນຳຜົນປະໂຫຍດຕົວຈິງ ມາສູ່ປະຊາຊົນສອງຊາດລາວ-ຍີ່ປຸ່ນ.
ໃນໂອກາດດັ່ງກ່າວ, ທ່ານ ໂທກາວະ ກໍໄດ້ສະແດງຄວາມ
ຂອບອົກຂອບໃຈຕໍ່ລັດຖະບານ ແຫ່ງ ສປປ ລາວ ທີ່ໄດ້ ເອົາໃຈໃສ່, ໃຫ້ການຮ່ວມມື ແລະ ອຳນວຍ ຄວາມສະດວກໃຫ້ແກ່ການປະຕິ
ບັດໜ້າທີ່ວຽກງານຂອງຜູ້ກ່ຽວກໍ ຄືອົງການ ຮ່ວມມືສາກົນຍີ່ປຸ່ນໃນການເຄື່ອນໄຫວວຽກງານຢູ່ ສປປ
ລາວ ໄດ້ເປັນຢ່າງດີ ແລະ ຫວັງວ່າ,ລັດຖະບານ ລາວ ຈະ ສືບຕໍ່ໃຫ້ ການຮ່ວມມື ແລະ ອຳນວຍຄວາມສະດວກໃຫ້ແກ່ການ
ປະຕິບັດໜ້າທີ່ຂອງອົງການຮ່ວມມືສາກົນຍີ່ປຸ່ນປະຈຳ ສປປ ລາວ ຕໍ່ໄປ.
No comments:
Post a Comment