ໃນວັນທີ 7-8 ກຸມພາ, ກະຊວງການຕ່າງປະເທດ
ແລະ ແຂວງສະຫວັນນະເຂດ ໄດ້ຮ່ວມກັນເປັນເຈົ້າພາບຈັດກອງປະຊຸມສຳມະນາໃນຫົວຂໍ້
“ການຍົກລະດັບຄວາມສາມາດສຳລັບພະນັກງານທ້ອງຖິ່ນ ແລະ ຜູ້ປະກອບການທຸລະກິດຂະໜາດນ້ອຍ
ແລະ ກາງ ເພື່ອເຂົ້າເຖິງຕະຫລາດອາຊຽນ ແລະ ຍີ່ປຸ່ນ” ຂຶ້ນຢູ່ຫ້ອງວ່າການແຂວງສະຫວັນນະເຂດ
ໂດຍການເຂົ້າຮ່ວມ ແລະ ກ່າວເປີດກອງປະຊຸມສຳມະນາເທື່ອນີ້ ແມ່ນທ່ານ ດຣ. ສຸພັນ
ແກ້ວມີໄຊ ເລຂາພັກແຂວງ, ເຈົ້າແຂວງສະຫວັນນະເຂດ, ມີຜູ້ເຂົ້າຮ່ວມປະມານ
80 ທ່ານ. ກອງປະຊຸມດຳເນີນໄປພາຍໃຕ້ການເປັນປະທານຂອງທ່ານ ໄຊຍະການ ສີສຸວົງ
ຫົວໜ້າຫ້ອງການກະຊວງການຕ່າງປະເທດ ເຊິ່ງປະກອບມີຜູ້ຕາງໜ້າ ຈາກຂັ້ນສູນກາງເຊັ່ນ:
ກະຊວງການຕ່າງປະເທດ, ກະຊວງອຸດ ສາຫະກຳ ແລະ ການຄ້າ, ກະ ຊວງແຜນການ ແລະ ການລົງ ທຶນ,
ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ຜູ້ຕາງໜ້າຈາກພາກລັດ ແລະ ເອກະຊົນຂອງແຂວງສະຫວັນນະເຂດ,
ຄຳມ່ວນ, ສາລະວັນ, ເຊກອງ, ຈຳປາສັກ ແລະ ອັດຕະປື.
ຈຸດປະສົງຂອງການສຳມະນາເທື່ອນີ້ ເພື່ອເຜີຍແຜ່ແລກປ່ຽນຂໍ້ມູນ
ແລະ ປະສົບການກ່ຽວກັບການສ້າງຂີດຄວາມສາມາດໃຫ້ແກ່ພະນັກງານບັນດາແຂວງ ແລະ
ຜູ້ປະກອບການຂະໜາດນ້ອຍ ແລະ ກາງ ຂອງບັນດາແຂວງສາມາດເຂົ້າເຖິງຕະຫລາດ
ຂອງອາຊຽນ
ແລະ ຍີ່ປຸ່ນ, ການດຶງດູດການລົງທຶນ ແລະ ນັກທ່ອງທ່ຽວຈາກຕ່າງປະເທດເຂົ້າ ສູ່
ສປປ ລາວ. ບັນດາຜູ້ເຂົ້າຮ່ວມໄດ້ຮັບຟັງ ແລະ ແລກປ່ຽນຄຳຄິດເຫັນກ່ຽວກັບບັນຫາຕ່າງໆທີ່ກ່ຽວຂ້ອງ
ລວມທັງຂໍ້ສະດວກ ແລະ ສິ່ງທ້າທາຍໃນການເຂົ້າເປັນປະຊາຄົມອາຊຽນ, ການເຂົ້າເປັນສະມາຊິກອົງການການຄ້າໂລກ
(WTO), ສະພາບການລົງ ທຶນ, ການທ່ອງທ່ຽວ, ຜົນກອງປະຊຸມສຸດຍອດອາຊຽນ ຄັ້ງທີ 9, ຜົນກອງປະຊຸມສຸດຍອດແມ່ນ້ຳ
ຂອງ-ຍີ່ປຸ່ນ ຄັ້ງທີ 4.
ການສຳມະນາເທື່ອນີ້ ຍັງເປັນໂອກາດດີໃຫ້ຜູ້ເຂົ້າຮ່ວມຈາກຂັ້ນສູນກາງ,
ບັນດາແຂວງ ແລະ ພາກເອກະຊົນ ໄດ້ແລກປ່ຽນຄຳຄິດຄຳເຫັນ ແລະ ຮັບຟັງຂໍ້ສະເໜີແນະຂອງບັນດາແຂວງ
ແລະ ພາກເອກະຊົນ ກ່ຽວກັບກາລະໂອກາດ ແລະ ສິ່ງທ້າທາຍຕ່າງໆຕໍ່ຜູ້ປະກອບການຂະໜາດນ້ອຍ
ແລະ ກາງ, ວຽກງານການຄ້າ, ການລົງທຶນ ແລະ ທ່ອງທ່ຽວ ໃນການເປັນປະຊາຄົມເສດຖະກິດອາຊຽນ
ໃນປີ 2015 ແລະ ພາຍ ຫລັງເຂົ້າເປັນສະມາຊິກອົງການການຄ້າໂລກ.
No comments:
Post a Comment