ຫ້ອງວ່າການປະທານປະ ເທດ
ຈັດກອງປະຊຸມເຜີຍແຜ່ເອ ກະສານສຳຄັນຕ່າງໆ ເປັນຕົ້ນ ແມ່ນມະຕິ ກອງປະຊຸມຄົບຄະນະ
ບໍລິຫານງານສູນກາງພັກ ຄັ້ງທີ 5 ສະໄໝທີ IX, ບົດໂອ້ລົມຂອງ ທ່ານເລຂາທິການໃຫຍ່,
ປະທານປະເທດຈູມມາລີ ໄຊຍະສອນ ກ່ຽວກັບວຽກງານ 3 ສ້າງ ແລະ ບົດສັງລວມລາຍງານສະພາບ
ການຈັດຕັ້ງຜັນຂະຫຍາຍ ດຳລັດ ແລະ ຄຳສັ່ງຂອງນາຍົກລັດຖະ ມົນຕີວ່າດ້ວຍການປະຢັດ ແລະ
ຕ້ານການຟຸມ ເຟືອຍ ຊຶ່ງຈັດຂຶ້ນ ໃນວັນທີ 20 ກຸມພາ 2013 ນີ້ ຢູ່ ຫ້ອງວ່າການປະທານປະເທດ
(ຫໍຄຳ) ພາຍໃຕ້ການເປັນ ປະທານ ແລະ ເຜີຍແຜ່ເອກະສານ ສຳຄັນດັ່ງກ່າວຂອງທ່ານ ພົງ ສະຫວັດ
ບຸບຜາ ເລຂາຄະນະພັກ, ລັດຖະມົນ ຕີ,ຫົວໜ້າຫ້ອງວ່າການປະທານປະ ເທດ,ມີບັນດາ
ຫົວໜ້າກົມ,ຮອງກົມ ແລະ ພະ ນັກງານ-ລັດຖະກອນ ເຂົ້າຮ່ວມ.
ສະເພາະການເຜີຍແຜ່ບົດ
ໂອ້ລົມຂອງທ່ານເລຂາທິການໃຫຍ່ກ່ຽວກັບວຽກງານ 3 ສ້າງ ນັ້ນ,ຫົວໜ້າ ຫ້ອງວ່າການ ປະທານປະເທດ
ໄດ້ຍົກໃຫ້ເຫັນຄວາມໝາຍຄວາມສຳຄັນ ແລະ ເນື້ອແທ້ຂອງວຽກສາມສ້າງວ່າ:
ວຽກງານສາມສ້າງແມ່ນວຽກ ຍຸດທະສາດຍາວນານ ເພື່ອບັນລຸຈຸດໝາຍເຮັດໃຫ້ລະບອບປະຊາ
ທິປະໄຕ ປະ ຊາຊົນມີຄວາມໝັ້ນ ຄົງ,ປະເທດຊາດມັ່ງຄັ່ງເຂັ້ມແຂງ,
ປະຊາຊົນຮັ່ງມີຜາສຸກ, ສັງຄົມມີປະຊາທິປະໄຕ,ຍຸຕິທຳ ແລະ ສີວິໄລ
ຊຶ່ງເນື້ອແທ້ເປັນອຸດົມການສັງຄົມ
ນິຍົມ.ສະນັ້ນການປະຕິ
ບັດວຽກງານສາມສ້າງໃຫ້ບັນລຸຈຸດ ໝາຍສັງຄົມນິຍົມຕ້ອງເລີ່ມ
ສ້າງຮາກຖານໃຫ້ເຂັ້ມແຂງ ຊຶ່ງລວມເອົາຫລາຍດ້ານເຊັ່ນ: ດ້ານການເມືອງ, ເສດ ຖະກິດ,
ສັງຄົມ- ວັດທະນະທຳ ແລະ ດ້ານປ້ອງກັນ ຊາດ-ປ້ອງກັນຄວາມສະຫງົບ. ວຽກງານ 3
ສ້າງມີລັກ ສະນະຮອບດ້ານ ແລະ ເລັ່ງທວງໃຫ້ມີຫລາຍພາກສ່ວນເຂົ້າຮ່ວມ ແມ່ນ
ໜ້າທີ່ລວມຂອງທົ່ວພັກ,ທົ່ວລັດ ແລະ ທົ່ວປວງຊົນ,
ເປັນການເສີມຂະຫຍາຍສິດເປັນເຈົ້າໃຫ້ແກ່ທ້ອງຖິ່ນຮາກຖານ
ໃຫ້ມີຄວາມຮັບຜິດຊອບ ຫລາຍຂຶ້ນ
ຕິດພັນກັບການໄດ້ຮັບຜົນປະໂຫຍດຢ່າງເໝາະສົມ ໂດຍສະເພາະແມ່ນບັນ ດາເມືອງ
ແລະ ບ້ານເປົ້າໝາຍ ມີຄວາມເຂັ້ມແຂງກໍຈະເປັນພື້ນ
ຖານທີ່ດີໃນການປະຕິບັດວຽກ ງານ 3 ສ້າງບັນລຸຜົນສຳເລັດ.
ພ້ອມນີ້ທ່ານຍັງໄດ້ຍົກໃຫ້ເຫັນເຖິງທິດຊີ້ນຳຂອງທ່ານເລຂາທິ
ການໃຫຍ່ກ່ຽວກັບການມອບສິດ-ມອບຄວາມຮັບຜິດຊອບ ແລະ
ການແບ່ງຜົນປະໂຫຍດໃຫ້ທ້ອງຖິ່ນ ໃນເບື້ອງຕົ້ນ,ການເຮັດທົດລອງກໍຈະມີບັນຫາຈຳນວນ
ໜຶ່ງ ລະ ຫວ່າງສູນກາງ ແລະ ທ້ອງຖິ່ນ.ສະນັ້ນ
ຈຶ່ງຮີບຮ້ອນປັບປຸງແກ້ໄຂໃຫ້ຖືກທິດ ແລະ ມີການປຶກສາຫາລື
ປະສານສົມທົບກັນລະອຽດ ໃນການແບ່ງງານ ແຕ່ບໍ່ໃຫ້ຟ້າວຫລາຍ,
ວຽກທີ່ເຮັດແລ້ວ ກໍຕ້ອງກວດກາຄືນກ່ອນຈະເຂົ້າສູ່ໜ້າວຽກໃໝ່.ວຽກສາມສ້າງຍັງແມ່ນການຍູ້ການພັດທະ
ນາເຂົ້າສູ່ບາດລ້ຽວໃໝ່ໂດຍສະເພາະແມ່ນການແກ້ໄຂຄວາມທຸກຍາກຂອງປະຊາຊົນໃຫ້ຍັງເຫລືອ
ບໍ່ເກີນ 10% ແລະ ການບັນລຸເປົ້າ ໝາຍສະຫັດສະວັດເພື່ອການພັດທະນາໃນປີ 2015,
ເປັນການເປີດສັງກາດໃໝ່ແຫ່ງຄວາມພາກພູມໃຈທີ່ປະເທດເຮົາມີຖານະ
ອັນສົມກຽດໃນເວທີສາກົນ ແລະ
ປະຊາຄົມໂລກໂດຍການຫລຸດພົ້ນຈາກກຸ່ມປະເທດດ້ອຍພັດທະນາ.
ການເຮັດວຽກ 3 ສ້າງ
ຕ້ອງເປັນປັດໄຈຊຸກຍູ້ສົ່ງເສີມການພັດທະນາ, ຕ້ອງມີແຜນການ ແລະ ໂຄງ ການອັນລະອຽດຕົ້ນ
ຕໍແມ່ນຢູ່ຂັ້ນເມືອງ ແລະ ບ້ານ. ຖ້າຫາກເລືອກເມືອງ ແລະ
ບ້ານເປົ້າໝາຍບໍ່ຖືກຕາມເງື່ອນໄຂສ້າງເປັນເມືອງເຂັ້ມແຂງ,ເປັນບ້ານພັດທະນາ
ແລະ ເປັນຕົວເມືອງນ້ອຍໄດ້ ກໍໃຫ້ເລືອກປ່ຽນແທນທັນທີ,ໂຄງການລົງທຶນຂອງລັດ
ເພື່ອພັດທະນາຂົງເຂດນີ້ໃຫ້ມີໝາກຜົນຕົວຈິງ.ນອກຈາກໂຄງການຜະລິດເປັນສິນຄ້າ
ແລະ ການບໍລິການທີ່ສ້າງລາຍໄດ້ໃຫ້ປະຊາຊົນແລ້ວກໍຕ້ອງມີໂຄງ
ການອື່ນທີ່ຂຶ້ນກັບສູນກາງ ແລະ ທ້ອງຖິ່ນ, ເມື່ອມີການຈັດສັນໂຄງ
ການຕ້ອງໃຫ້ສະແດງອອກໃນແຜນພັດທະນາຂອງເມືອງ, ແຂວງທົ່ວປະເທດ,
ເລີ່ມແຕ່ສົກປີ 2013-2014 ແຜນ 3 ສ້າງຕ້ອງສະແດງໃຫ້ເຫັນຢ່າງຈະແຈ້ງ,
ລັກສະນະບູລິມະສິດ ແລະ ລັກສະນະຈຸດສຸມໂດຍຕິດພັນກັບແຜນອື່ນໆ
ໝາຍຄວາມວ່າມັນບໍ່ຢູ່ນອກແຜນ, ມັນຢູ່ໃນແຜນ ພັດທະ ນາເສດ
ຖະກິດ-ສັງຄົມປະຈຳປີທີ່ມີລັກສະນະຈຸດສຸມ ແລະ
ມີລັກສະນະບູລິມະສິດ.ຜ່ານການທົດລອງ 3 ສ້າງໃນເບື້ອງຕົ້ນເຫັນວ່າ
ມີຫລາຍບັນຫາພົ້ນເດັ່ນກ່ຽວກັບ 3 ສ້າງ ຊຶ່ງວຽກ 3
ສ້າງພວມເຂົ້າສູ່ການປະຕິບັດຕົວຈິງໃນບັນຍາ ກາດອັນຟົດຟື້ນ ແລະ
ໄດ້ຮັບການສະໜັບສະໜູນ,ຕອບສະໜອງຢ່າງກ້ວາງຂວາງຈາກທົ່ວພັກ ແລະ
ທົ່ວສັງຄົມ,ເຖິງວ່າໃນເບື້ອງຕົ້ນນີ້ຈະມີບັນຫາດ້ານຄວາມເຂົ້າໃຈ ແລະ
ມີອັນທີ່ເຮັດບໍ່ທັນຖືກໃນບາງດ້ານ,ແຕ່ໂດຍລວມແລ້ວເຫັນວ່າວຽກງານ 3
ສ້າງພວມສ້າງຄວາມເຊື່ອໝັ້ນໃຫ້ພວກເຮົາໃນດ້ານຄວາມຖືກ ຕ້ອງກໍຄືຕໍ່ໝາກຜົນທີ່ຈະບັນລຸໃນຕໍ່
ໜ້າ, ອັນສຳຄັນທີ່ສຸດ ທີ່ຢາກໃຫ້ເອົາໃຈໃສ່ໃນສະເພາະໜ້າ
ແມ່ນການຂຶ້ນແຜນກຳນົດໂຄງການຈຸດພັດທະນາ ສົກປີ 2013-2014 ແລະ
ຕ້ອງເຮັດຕິດພັນກັບຂະບວນການກະກຽມກອງປະຊຸມ ໃຫຍ່ 3 ຂັ້ນຢູ່ແຕ່ລະທ້ອງຖິ່ນ
ແລະ ຮາກຖານ ໝາຍຄວາມວ່າ ໃຫ້ເອົາຂະບວນການ 3
ສ້າງເປັນບ່ອນອີງສຳລັບການສ້າງບົດລາຍງານການເມືອງ, ເອົາ 3
ສ້າງເປັນໂຮງຮຽນເພື່ອເຝິກຝົນທົດສອບ ແລະ ບຳລຸງສ້າງພະ ນັກງານ.ຈາກນັ້ນ
ຈຶ່ງເອົາພະນັກ ງານກັບທີ່ຍູ້ຂະບວນການ 3 ສ້າງ
ກໍຄືການພັດທະນາຢູ່ທ້ອງຖິ່ນໃຫ້ດຳເນີນໄປຢ່າງຕໍ່ເນື່ອງ ແລະ
ມີຄວາມຍືນຍົງ.
No comments:
Post a Comment