ປັດຈຸບັນຍ້ອນສະພາບອາກາດປ່ຽນແປງຈຶ່ງອຳນວຍໃຫ້ມີການລະບາດຂອງໄຂ້ຫວັດສັດປີກຢູ່ທະວີບຕ່າງໆໃນເດືອນ
ມັງກອນ 2013 ນີ້ ເຊັ່ນ: ມີການລະບາດຢູ່ທະ ວີບອາຟຣິກາ, ທະວີບອາຊີ, ທະວີບເອີຣົບ
ແລະ ການລະບາດຂອງໄຂ້ ຫວັດສັດປີກຢູ່ປະເທດກຳປູເຈຍ ທີ່ມີການຕິດເຊື້ອໃສ່ຄົນແລ້ວ
5 ຄົນ, ໃນນັ້ນເສຍຊີວິດໄປແລ້ວ 4 ຄົນ ໃນທ້າຍເດືອນມັງກອນ.
ເພື່ອກຽມພ້ອມຮັບມື ແລະ ຕອບໂຕ້ຕໍ່ທຸກເຫດການລະບາດທີ່ອາດຈະເກີດຂຶ້ນໃນຕໍ່ໜ້າ,
ລັດຖະມົນຕີວ່າການກະຊວງສາທາລະນະສຸກໄດ້ອອກຄຳສັ່ງ ສະບັບເລກທທີ 196/ສທ ລົງວັນທີ
13/2/2013 ຊຶ່ງມີເນື້ອໃນວ່າ: ໃຫ້ພະແນກ ສາທາລະນະສຸກ ນະຄອນຫລວງ ແລະ ແຂວງ
ໃນຂອບເຂດທົ່ວປະເທດ ເອົາໃຈໃສ່ຕິດຕາມ ເຝົ້າລະ ວັງກໍລະນີຄົນເຈັບ ທີ່ມີໝວດອາ
ການອັກເສບລະບົບຫາຍໃຈຮຸນແຮງ ທີ່ມາກວດສຸຂະພາບ ຢູ່ສະ ຖານທີ່ບໍລິການຕ່າງໆພາຍໃນແຂວງ.
ພ້ອມທັງປັບປຸງສ້າງຄວາມເຂັ້ມແຂງ ໃຫ້ທີມງານຕອບໂຕ້ພະຍາດດ່ວນຂອງແຂວງ ໃຫ້ສາມາດປະຕິບັດວຽກງານຢ່າງທັນການເມື່ອໄດ້ຮັບລາຍງານສົງໄສມີກໍລະນີເກີດຂຶ້ນພາຍໃນແຂວງຂອງຕົນພ້ອມທັງ
ເຝົ້າລະວັງຕິດຕາມຢູ່ບັນດາດ່ານສາກົນ ແລະ ໃຫ້ປະສານສົມທົບກັບພະແນກກະສິກຳແຂວງ
ເປັນປະຈຳເພື່ອຊອກຮູ້ບ້ານໃດ, ເມືອງໃດມີການລະບາດຂອງພະຍາດໄຂ້ຫວັດສັດປີກ.
ໃຫ້ສົບທົບກັບພະແນກຖະແຫລງຂ່າວ,ວັດທະນະທຳ ແລະ ທ່ອງທ່ຽວແຂວງ ເພື່ອໂຄສະນາໃຫ້ຄວາມຮູ້ຕໍ່ພໍ່ແມ່ປະຊາຊົນ
ໃຫ້ເອົາໃຈໃສ່ວຽກງານ
3 ສະອາດ. ສ້າງແຜນເຄື່ອນໄຫວຕອບໂຕ້ການລະບາດທີ່ອາດເກີດຂຶ້ນ,
ຮັບປະກັນໃຫ້ມີງົບປະມານເຄື່ອນໄຫວ ໃນເວລາມີການລະບານເກີດຂຶ້ນ. ເມື່ອໄດ້ຮັບຄຳສັ່ງຈາກລັດຖະມົນຕີວ່າການກະຊວງສາທາລະນະສຸກແລ້ວ
ໃຫ້ຮີບຮ້ອນຈັດຕັງ ປະຕິບັດ, ກຽມທຸກເງື່ອນໄຂໃຫ້ສາມາດຕອບໂຕ້ພະຍາດຢ່າງທັນການ
ແລະ ລາຍງານມາໃຫ້ກົມຄວບຄຸມພະຍາດຕິດຕໍ່ເປັນແຕ່ລະໄລຍະໂດຍຜ່ານລະບົບເຝົ້າລະວັງພະຍາດ
ແລະ ບໍ່ອະນຸຍາດໃຫ້ຄົນເຈັບທີ່ສົງໄສເປັນພະຍາດອັກເສບລະບົບຫັນໃຈຮຸນແຮງ
ຫລື ເປັນພະຍາດໄຂ້ຫວັດສັດປີກເຂົ້າ-ອອກຊາຍແດນຂອງປະເທດເຮົາຕາມລະ ບຽບຂອງສາທາລະນະສຸກສາກົນ.
No comments:
Post a Comment