ປັດຈຸບັນນີ້ຍ້ອນຫຍັງໄວໜຸ່ມຈຶ່ງມີບັນຫາທາງສຸຂະພາບຈະເລີນພັນເພີ່ມຂຶ້ນ?

       ໃນປັດຈຸບັນການດຳລົງຊີວິດຂອງຄົນເຮົາສ່ວນຫຼາຍແມ່ນຂື້ນກັບຄ່ານິຍົມໂດຍ ສະເພາະ ແມ່ນໄວໜຸ່ມ, ຈາກການພັດທະ ນາທີໄວຂຶ້ນ, ເຮັດໃຫ້ມີກະແສຟອງຄານິຍົມ ຫຼາຍວັດທະນະທຳເກີດຂຶ້ນໂດຍສະເພາະແມ່ນວັດທະນະ ທຳຕາເວັນຕົກ ທີ່ເຂົ້າມາ ຄອບງຳໄວໜຸ່ມລາວໃນປັດຈຸບັນເຊັ່ນທາງດ້ານແຟຊັນ, ການຫຼິ້ນກິນ, ດ້ານເພດສຳພັນ ຈຶ່ງເຮັດໃຫ້ໄວໜຸ່ມໃນປັດຈຸບັນເກີດ ມີບັນຫາທາງດ້ານສຸຂະພາບຈະເລີນພັນເພື່ມຂຶ້ນ.

          ທ່ານ ດຣ ອັກສອນ ວົງຄີລີ ໝໍຍິງປະຈຳສູນສຸຂະພາບ ແລະ ພັດທະນາໄວໜຸ່ມ ໄດ້ເປິດເຜີຍຕໍ່ນັກຂ່າວວ່າ: ໃນເມື່ອກ່ອນບັນຫາທາງການຈະເລີນພັນຂອງໄວໜຸ່ມແມ່ນ ມີໜ້ອຍຖ້າທຽບໃສ່ປັດຈຸບັນ,  ເຊັ່ນ:ການເກີດພະຍາດ ຕິດຕໍ່ທາງເພດ ສຳພັນ, ການຖື ພາກ່ອນໄວ (ກ່ອນແຕ່ງດອງ), ບັນຫາດັ່ງກ່າວເກີດຂຶ້ນຍ້ອນສັງຄົມໃນປັດຈຸບັນທ່ີພວມຫລົງໄຫລນຳສັງຄົມ ແບບຕາວັນຕົກຄື:ການນຸ່ງຖືຂອງໄວໜຸ່ມໃນ ປັດຈຸບັນຈະນຸ່ງສັ້ນໂຊຮູບຮ່າງສັດສ່ວນ, ຫຼິ້ນກິນດື່ມເຫຼົ້າເມົາສຸລາ, ເສບສິ່ງເສບ ຕິດເຮັດໃຫ້ຂາດສະຕິ ແລະ ກ້າວ ໄປສູ່ການ ມີເພດສຳພັນບໍ່ໄດ້ປ້ອງກັນ, ປ່ຽນຄູ່ນອນຫຼາຍຄົນ, ອັນເປັນການສົ່ງຜົນຮ້າຍຕໍ່ຕົນ ເອງ ແລະ ຄອບຄົວ, ນອກນັ້ນຄວາມທັນສະ ໃໝຄ່ານິຍົມໃນສັງຄົມປັດຈຸບັນກໍເປັນສິ່ງທ່ີເຮັດໃຫ້ ເກີດບັນຫາດັ່ງກ່າວເຊັ່ນ ດຽວກັນເຊັ່ນ :ໂທລະສັບມືຖື, Internet.

ທ່ີນຳໄປສູ່, ພາບ, ຄຣິບລາມົກອານາຈານ. ສິ່ງນີ້ກໍເປັນສາເຫດໜຶ່ງທີ່ເຮັດໃຫ້ມີຜົນ ຕໍ່ບັນຫາສຸຂະພາບຈະເລີນພັນຂອງໄວໜຸ່ມແຕ່ສິ່ງທ່ີບໍ່ດີເຫຼົ່ານີ້ຈະບໍເກີດຂຶ້ນຖ້າຫາກໄວໜຸ່ມມີສະຕິ, ການນຸ່ງຖືກໍໃຫ້ເໝາະສົມ ບໍ່ສັ້ນເຂີນຫຼາຍໂພດ, ຕ້ອງຮູ້ປະພຶດຕົນໃຫ້ຖືກກັບຮີດຄອງປະເພນີວັດທະນະທຳອັນດີງາມຂອງ ຊາດບໍ່ຫຍຸ້ງກ່ຽວສິ່ງມຶນເມົາ, ຢາເສບຕິດ, ຖ້າເປັນນັກຮຽນນັກສຶກສາກໍ່ຄວນຕັ້ງໃຈສຶກສາຮ່ຳຮຽນ, ຟັງຄຳພໍ່ແມ່, ຄູອາຈານຈະເປັນການດີທີສຸດ, ການນຳ ໃຊ້ໂທລະສັບ, Internet ຖ້າ ນຳໃຊ້ກັບສິ່ງທີດີກໍຈະເປັນຜົນດີ,ແຕ່ຖ້າໃຊ້ໄປໃນທາງທີ່ຜິດກໍຈະບໍໄດ້ຮັບຜົນ ແລະ ອາດນຳຜົນ ຮ້າຍຕໍ່ຕົນເອງ, ແນວໃດກໍຕາມໄວໜຸ່ມກໍຄືໜໍ່ແໜ່ງຂອງຊາດໃນອະນາຄົດຈະເຮັດສິ່ງໃດກໍຄວນຄຳນຶງ ແລະ ປະຕິບັດຕົນ ໃຫ້ຖືກຕ້ອງກັບຮີດຄອງປະເພດນີ, ວັດທະນະທຳ ແລະ ກົດໜາຍຂອງບ້ານເມືອງ. ສິ່ງສຳຄັນສຳລັບເພດຍິງແມ່ນຄວນແຕ່ງ ງານກ່ອນຈຶ່ງມີເພດສຳພັນ, ຮັກດຽວໃຈດຽວ, ຫຼີກເວັ້ນການມີເພດ ສຳພັນກັບຫຼາຍຄົນຈະເປັນສິ່ງ ທ່ີດີທ່ີສຸດ.

 ທ່ານ ດຣ ອັກສອນ ວົງຄີລີ ຍັງ ໃຫ້ຮູ້ອີກວ່າ: ມີສິ່ງໜຶ່ງທີ່ຢາກຝາກໃຫ້ໄວໜຸ່ມໂດຍສະເພາະແມ່ນຜູ້ຍິງໃນຖານະ ທີ່ຕົນເອງໄດ້ຮ່ວມຊື່ວ່າເປັນເພດແມ່ ແລະ ຈະເປັນແມ່ໃນອະນະຄົດ ແລະ ໃນວັນແມ່ຍິງກໍໃກ້ຈະມາເຖິງນີ້ຢາກ ໃຫ້ລະນຶກ ເຖິງບຸນຄຸນຂອງພໍ່ແມ່, ຮັກພໍ່, ຮັກແມ່, ຟັງຄຳພໍ່ແມ່, ຈຶ່ງຈະເປັນລູກທີ່ດີຂອງພໍ່ແມ່ ແລະ ອີກສິ່ງໜຶ່ງທີ່ຍາກຝາກແມ່ນຖ້າຫາກ ໄວໜຸ່ມຄົນໃດຫາກມີບັນຫາໃດໜຶ່ງ, ສາມາດໂທມາປຶກສາກັບສູນໄວໜຸ່ມໄດ້ທຸກໆເລື່ອງ, ນອກນັ້ນທາງສູນໄວໜຸ່ມຍັງມີຄຣີ ນິກກວດສຸຂະພາບບໍ່ເສຍຄ່າສຳລັບໄວໜຸ່ມອີກດ້ວຍ.