ໃນວັນທີ 20 ກຸມພານີ້ ຢູ່ກະຊວງແຜນການ ແລະ
ການລົງທຶນ ໄດ້ມີພິທີເຊັນສັນຍາການຈັດ ຕັ້ງປະຕິບັດໂຄງການໃຫ້ທຶນຊ່ວຍເຫລືອລ້າຂອງລັດຖະບານຍີ່ປຸ່ນ
ສຳລັບສຶກສາ ແລະ ອອກແບບໂຄງການພັດທະນາລະບົບນ້ຳປະ ປາ ຢູ່ເມືອງທ່າແຂກ ແຂວງຄຳ
ມ່ວນ ໃນມູນຄ່າ 41 ລ້ານເຢນ ຫລື 5 ແສນໂດລາສະຫະລັດ ໂດຍການຮ່ວມລົງນາມຂອງທ່ານນາງ
ສີສົມບູນ ອຸນາວົງ ຮັກສາການຫົວໜ້າກົມຮ່ວມມືສາກົນ ກະຊວງແຜນການ ແລະ ການລົງ
ທຶນ ແລະ ທ່ານ Koichi TAKEI ຫົວໜ້າອົງການຮ່ວມມືສາກົນ ຍີ່ປຸ່ນ (JICA) ເຊິ່ງການເຊັນສັນ
ຍາເທື່ອນີ້ແມ່ນປະຕິບັດຕາມສັນ ຍາການຮ່ວມມືລະຫວ່າງລັດຖະ ບານລາວ ແລະ ລັດຖະບານຍີ່ປຸ່ນ
ທີ່ໄດ້ເຊັນກັນໃນວັນທີ 15 ກຸມພາ ຢູ່ກະຊວງການຕ່າງປະເທດ. ໂຄງການນີ້ມີຈຸດປະສົງເພື່ອສຶກ
ສາ ແລະ ສຳຫລວດການສະ ໜອງນ້ຳປະປາຢູ່ພາຍໃນເມືອງທ່າແຂກ ເຮັດໃຫ້ການສະໜອງນ້ຳປະປາໄດ້ທົ່ວເຖິງ.
ມື້ດຽວກັນ, ທ່ານ ສົມດີ ດວງດີ ລັດຖະມົນຕີວ່າການກະຊວງແຜນການ
ແລະ ການລົງທຶນ ໄດ້ປະດັບຫລຽນກາມິດຕະ ພາບ ໃຫ້ ທ່ານ Masato TOGAVA ຫົວ ໜ້າອົງການຮ່ວມມືສາກົນຍີ່ປຸ່ນ
ປະຈຳລາວ ທີ່ຈະໝົດວາລະການເຮັດວຽກຢູ່ ສປປ ລາວ ໃນທ້າຍເດືອນກຸມພານີ້. ໃນໄລຍະທີ່ທ່ານປະຕິບັດໜ້າທີ່ຢູ່ລາວທ່ານໄດ້ຮ່ວມເຮັດວຽກກັບຝ່າຍລາວໃນການລົງກວດກາ,
ຕິດຕາມໂຄງການ ແລະ ລະດົມທຶນຊ່ວຍເຫລືອຈາກລັດຖະບານຍີ່ປຸ່ນເພື່ອມາປະກອບສ່ວນໃນການຈັດຕັ້ງປະ
ຕິບັດແຜນພັດທະນາເສດຖະກິດ- ສັງຄົມຢູ່ ສປປ ລາວ.
No comments:
Post a Comment