ໃນວັນທີ 26 ກຸມພານີ້, ຢູ່ໂຮງແຮມດອນຈັນພາເລດ
ນະຄອນ ຫລວງວຽງຈັນ ໄດ້ມີພິທີເຊັນລົງນາມບົດບັນທຶກຄວາມເຂົ້າໃຈກ່ຽວກັບການຮ່ວມມືລະຫວ່າງບໍລິສັດປີໂຕຣລຽມເທຣດດິງລາວຈຳກັດ
ແລະ ຄະນະບໍລິຫານທຸລະກິດມະຫາວິທະຍາໄລສີປະທຸມ ແລະ ບໍລິສັດປີຊີແນສໂຄສ
ແອນ ຄອນຊາວຕິງ ຈຳກັດ ເພື່ອການ ຈັດເຝິກ ອົບຮົມຫລັກສູດບໍລິຫານທຸລະກິດຄ້າຍ່ອຍ
(Mini MBA in Retail Manager ment) ໃຫ້ພະ ນັກງານຂອງບໍລິສັດ ຫລັງບໍລິສັດດັ່ງກ່າວຈະຂະຫຍາຍຮ້ານທຸລະກິດຂາຍຍ່ອຍໃນນະຄອນຫລວງວຽງຈັນ.
ທ່ານນາງ ຈັນທະດອມ ເມກສະຫວັນ ຜູ້ອຳນວຍການບໍລິສັດ
ປີໂຕຣລຽມ ເທຣດດິງລາວ ຈຳ ກັດ ກ່າວວ່າ: ການຮ່ວມມືໃນການຈັດອົບຮົມເທື່ອນີ້ແມ່ນນອນໃນແຜນພັດທະນາບຸກຄະລາກອນຂອງບໍລິສັດ
ເພື່ອເພີ່ມທະວີຍົກລະດັບຄວາມຮູ້ຄວາມສາມາດໃຫ້ພະນັກງານເພື່ອຮອງຮັບກັບການຂະຫຍາຍຕົວຂອງທຸລະກິດຄ້າຍ່ອຍທີ່ນັບມື້ຫລາຍຂຶ້ນ.
ພ້ອມທັງເປັນການວາງ
ແຜນຮອງຮັບຍຸດທະສາດທາງການຄ້າໃນລະ ດັບສາກົນ ກໍຄືການກ້າວສູ່ປະຊາຄົມເສດຖະກິດອາຊຽນໃນປີ
2015 ໂດຍບໍລິສັດມີແຜນຈະຂະຫຍາຍທຸລະກິດຮ້ານຄ້າຍ່ອຍສະດວກຊື້ທີ່ມີຊື່ວ່າ:
“ພຣັສມາດ Plus Mart” ເຊິ່ງຈະສ້າງຕັ້ງໃຫ້ໄດ້ຫລາຍສິບຮ້ານໃນຂອບເຂດນະຄອນຫລວງວຽງຈັນໃນປີນີ້.
ການເຝິກອົບຮົມໃນຫລັກສູດບໍລິຫານທຸລະກິດຄ້າຍ່ອຍນີ້ຈະດຳເນີນມາແຕ່ວັນທີ
26-27 ກຸມ ພານີ້ ເຊິ່ງໄດ້ຮັບການບັນລະຍາຍໂດຍຜູ້ຊ່ວຍສາສະດາຈານ ດຣ. ນາງ
ລະວິພາ ລາບສິຣິ ຄະ ນະບໍດີຄະນະບໍລິຫານທຸລະກິດ ມະຫາວິທະຍາໄລສີປະທຸມປະເທດໄທ,ທ່ານສາສະດາຈານ
ດຣ. ພີລະພົງ ກິດຕິເວດໂພກເວັນ ປະທານທີ່ປຶກສາບໍລິສັດ ບີສີເນສໂຄສ ແອນ ຄອນເຊົາຕິງ
ປະເທດໄທຈຳກັດ.
No comments:
Post a Comment