ບັນຫາການຄ້າມະນຸດ ຫລື ໂສເພນີຢູ່ນະຄອນຫລວງວຽງຈັນໄດ້ເກີດມີຂຶ້ນຫລາຍ
ໂດຍສະເພາະຢູ່ຕາມສະ ຖານບັນເທີງ ແລະ ຮ້ານອາຫານ ຕ່າງໆ ເຊິ່ງບັນຫາດັ່ງກ່າວແມ່ນປາ
ກົດການຫຍໍ້ທໍ້ໜຶ່ງໃນສັງຄົມທີ່ຫລາຍພາກສ່ວນໄດ້ມີຄວາມພະຍາຍາມແກ້ໄຂ, ແຕ່ເບິ່ງຄືວ່າໃນໄລຍະຜ່ານມາຍັງເຮັດໄດ້ໜ້ອຍ.
ກອງບັນຊາການ ປກສ ນະ ຄອນຫລວງວຽງຈັນ ໃຫ້ຮູ້ວ່າ:
ເມື່ອຕົ້ນເດືອນກຸມພານີ້, ເຈົ້າໜ້າທີ່ພະແນກຕ້ານການຄ້າມະນຸດນະ ຄອນຫລວງວຽງຈັນ
ໄດ້ລົງແກ້ໄຂເປົ້າໝາຍໂສເພນີຢູ່ຮ້ານອາ ຫານແຫ່ງໜຶ່ງເຂດບ້ານດອນກອຍ ເມືອງສີສັດຕະນາກ
ນະ ຄອນຫລວງວຽງຈັນ ແລະ ໄດ້ກັກສາວບໍລິການຈຳນວນ 3 ຄົນ ອາຍຸລະຫວ່າງ 18-23 ປີ ທີ່ມາຈາກແຂວງວຽງຈັນ
ເຊິ່ງໄດ້ມີການສຶກສາອົບຮົມໃຫ້ພວກກ່ຽວຢຸດການກະທຳຄືດັ່ງກ່າວ. ນີ້ເປັນພຽງກໍລະນີຕົວຢ່າງໜຶ່ງທີ່ເຈົ້າໜ້າທີ່ໄດ້ແກ້ໄຂສະພາບດັ່ງກ່າວ.
ແຕ່ໃນຄວາມຈິງແລ້ວ,ບັນຫາໂສເພນີຍັງເກີດຂຶ້ນຫລາຍໃນປັດຈຸບັນ ເຊິ່ງມີທັງຊາວຕ່າງປະເທດ
ທັງນີ້ກໍຍ້ອນບັນຫາເສດຖະກິດ, ໄພຫວ່າງວຽກ,ການເຄື່ອນຍ້າຍແຮງງານ ແລະ ອື່ນໆ.
ຂະນະດຽວກັນ,ການແກ້ໄຂບັນຫາດັ່ງ ກ່າວເຫັນວ່າເຮັດໄດ້ໜ້ອຍ ຍ້ອນເຄື່ອງມື ແລະ
ກົນໄກດ້ານລະ ບຽບກົດໝາຍຍັງບໍ່ທັນຄົບຖ້ວນເທົ່າທີ່ຄວນ.
ກະຊວງແຮງງານ ແລະ ສະ ຫວັດດີການສັງຄົມ
ໃຫ້ຮູ້ວ່າ: ການເຄື່ອນຍ້າຍແຮງງານຢູ່ພາຍໃນປະເທດແມ່ນແມ່ຍິງກວມປະ ມານ
54%, ໃນນັ້ນ 90% ແມ່ນເຮັດວຽກຢູ່ສະຖານບັນເທີງ,ຮ້ານ ອາຫານ ແລະ ສະຖານບໍລິການຕ່າງໆ,
ສ່ວນທີ່ເຫລືອແມ່ນຢູ່ຕາມໂຮງຈັກ-ໂຮງງານ. ແນວໃດກໍຕາມ, ຢູ່ລາວຍັງບໍ່ທັນມີຂໍ້ມູນທີ່ຈະແຈ້ງກ່ຽວກັບການຖືກທາລຸນ
ຫລື ນຳໃຊ້ຮູບແບບທີ່ຮຸນແຮງກັບແຮງງານເພດຍິງ, ແຕ່ຢູ່ປະເທດໃກ້ຄຽງແມ່ນມີແຮງງານລາວຈຳ
ນວນບໍ່ໜ້ອຍທີ່ຕົກເປັນເຫຍື່ອຂອງການຄ້າມະນຸດມາແລ້ວ.
No comments:
Post a Comment