ຕຳຫລວດມອດໄຟພໍໃຈຕໍ່ບັນຍາກາດສະຫລອງປີໃຫມ່ຫວຽດນາມ ແລະ ຈີນ ຢູ່ນະຄອນຫລວງ ວຽງຈັນມີຄວາມສະຫງົບປອດໄພ

          ເຈົົ້າໜ້າທີ່ຕຳຫຼວດ ຕ້ານ ແລະ ມອດໄຟ ນະຄອນຫຼວງວຽງ ຈັນ ພໍໃຈທີ່ເທສະການສະຫຼອງ ປີໃໝ່ຂອງຊາວ ຫວຽດ ນາມ ແລະ ຊາວຈີນປີນີ້ ມີຄວາມຄຶກຄື້ນ ທັງ ຮັບປະກັນໄດ້ຄວາມສະຫງົບ ປອດໄພ ບໍ່ມີບັນຫາອັກຄີໄພເກີດ ຂື້ນດັ່ງທ່ານ ຮ້ອຍເອກສະແຫວງ ແສງມະນີ ຫົວໜ້າຫ້ອງການຕຳຫຼວດສະກັດກັ້ນ ແລະ ມອດໄຟ ນະຄອນຫຼວງວຽງ ຈັນ ໄດ້ໃຫ້ສຳພາດ ຕໍ່ນັກຂ່າວລາວພັດທະນາໃນວັນທີ 11 ກຸມພານີ້ວ່າ: ເຈົ້າ ໜ້າທີ່ພວກເຮົາຮູ້ສຶກສະບາຍໃຈ ຕໍ່ບັນຍາກາດສະເຫຼີມສະຫຼອງປີ ໃໝ່ປະຈຳຊາດຂອງຊາວຫວຽດນາມ ແລະ ຊາວຈີນ ຢູ່ນະຄອນຫຼວງວຽງຈັນຮັບປະກັນໄດ້ ຄວາມສະຫງົບປອດໄພເປັນຢ່າງ ດີ,ຂະນະທີ່ເຈົ້າໜ້າທີ່ພວກເຮົາ ກໍໄດ້ສຸມໃສ່ວາງແຜນປ້ອງກັນ ຢ່າງເຂັ້ມ ງວດ ເພື່ອບໍ່ໃຫ້ເກີດ ອັກຄີໄພໂດຍໄດ້ແຈ້ງເຕືອນໃຫ້ ປະຊາຊົນມີສະຕິໃນການນຳໃຊ້ ຟືນໄຟໄຕ້ທູບທຽນບູຊາແລະ ການຈູດກະໂພກ.ນອກຈາກນີ້ ກໍໄດ້ຈັດວາງກຳລັງ,ກະກຽມ ພາ ຫະນະ ແລະ ອຸປະກອນມອດໄຟ ຕ່າງໆເພື່ອສາມາດຮັບມືກັບເຫດ ອັກຄີໄພທີ່ຈະເກີດຂຶ້ນໄດ້ຢ່າງ ວ່ອງໄວ ແລະ ທ່ວງທັນ, ແຕ່ກໍໂຊກດີບໍ່ມີເຫດຮ້າຍໃດໆເກີດຂຶ້ນ ຊຶ່ງມີພຽງ ໃນວັນທີ 8 ກຸມພາ ນີ້ ໄດ້ເກີດໄຟໄໝ້ເຮືອນປະຊາຊົນ ຢູ່ບ້ານ ວຽງແກ້ວ ເມືອງ ໄຊທານີ ນະຄອນຫຼວງວຽງຈັນ ເປັນ ເຮືອນກໍ່ສອງຊັ້ນໄດຮັບຄວາມ ເສຍຫາຍເນື່ອງຈາກໄຟຟ້າລັດ ວົງຈອນ.

        ເຈົົ້າໜ້າທີ່ຕຳຫຼວດ ສະກັດ ກັ້ນ ແລະ ມອດໄຟ ນະຄອນຫຼວງ ວຽຽງຈັນ ຍັງໃຫ້ຮູ້ວ່າ:ປີ 2012 ຜ່ານມາຢູ່ ນະຄອນຫຼວງ ວຽງຈັນ ມີອັກຄີໄພເກີດຂຶ້ນ 43 ຄັ້ງ, ໃນ ນັ້ນສ່ວນໃຫຍ່ແມ່ນໄຟຟ້າລັດວົງ ຈອນ,ຖັດລົງມາແມ່ນການໄຕ້ທູບ ທຽນບູຊາ ແລະ ອື່ນໆ ແລະ  ເຫັນ ວ່າ:ອັກຄີໄພເກີດຂຶ້ນສ່ວນໃຫຍ່ ແມ່ນເນື່ອງມາຈາກສັງຄົມຍັງ ຂາດຄວາມມີສະຕິປ້ອງກັນອັກຄີໄພໂດຍ ສະເພາະການກວດກາລະບົບຟືນໄຟພາຍໃນບ້ານເຮືອນຂອງຕົນ, ການຂາດສະຕິໃນການຊົມໃຊ້ຟືນໄຟເຂົ້າໃນຊີວິດປະຈຳ ວັນເຊັ່ນ:ການແຕ່ງຢູ່ ຄົວກິນ ແລະ ໄຕ້ທູບທຽນບູຊາ. ດັ່ງນັ້ນເພື່ອເຮັດໃຫ້ປ້ອງກັນອັກ ຄີໄພມີຜົນດີ,ເຈົ້າໜ້າທີ່ຕຳຫຼວດ ມອດໄຟກໍຈະຕ້ອງໄດ້ເພີ່ມທະວີ ເຮັດວຽງານໂຄສະນາເຜີຍແຜ່ ການຊົມໃຊ້ຟືນໄຟໃຫ້ປະຊາ ຊົນ ເຂົ້າໃຈ ແລະ ແນະນຳ ວິທີປະຕິບັດໃນການມອດໄຟຂັ້ນຕົ້ນຖ້າກໍ ລະນີເກີດອັກຄີໄພ ແລະ ປຸກລະ ດົມໃຫ້ປະຊາຊົນມີສະຕິປ້ອງກັນອັກຄີໄພ ໃຫ້ສູງຂຶ້ນ.