ພະແນກອຸດສາຫະກຳ ແລະ ການຄ້ານະຄອນຫລວງວຽງຈັນ ໃຫ້ຮູ້ວ່າ:ສົກປີ
2011 - 2012 ຜ່ານມາ ມູນຄ່າການສົ່ງອອກຂອງນະຄອນ ຫຼວງວຽງຈັນບັນລຸ 441 ກວ່າລ້ານໂດລາສະຫະລັດຫຼຸດລົງ
8,62% ທຽບ ກັບໄລຍະດຽວກັນຂອງປີຜ່ານມາ 483 ກວ່າລ້ານໂດລາສະຫະລັດ.ສາເຫດຍ້ອນຜົນກະທົບຈາກເສກຖະກິດໂລກໂດຍສິນຄ້າທີ່ສົ່ງອອກຕົ້ນຕໍແມ່ນ
ແຮ່ທາດ,ເຄື່ອງອຸດສາຫະກຳ,ຜະລິດຕະພັນຫັດ ຖະກຳ,ກະສິກຳ ແລະ ອື່ນໆ. ໃນນັ້ນການສົ່ງອອກແຮ່ທາດບັນລຸ
280 ກວ່າລ້ານໂດລາສະຫະລັດ ກວມເອົາ 63,52% ຂອງມູນຄ່າການສົ່ງອອກທັງໝົດ,ສິນຄ້າອຸດ
ສາຫະກຳ ແລະ ຫັດຖະກຳບັນລຸ 8 ລ້ານກວ່າໂດລາສະຫະລັດ,ຂະແໜງກະສິກຳ(ສັດລ້ຽງ)ບັນລຸເກືອບ
4 ລ້ານໂດລາສະຫະລັດ, ຜະລິດຕະພັນໄມ້ບັນລຸເກືອບ 4 ລ້ານໂດລາສະຫະລັດ,ເຄື່ອງປ່າຂອງດົງບັນລຸເກືອບ
1 ລ້ານໂດລາສະຫະລັດ ແລະ ການສົ່ງອອກສິນຄ້າປະເພດຕ່າງໆບັນລຸ144 ກວ່າລ້ານໂດລາສະຫະລັດ.
ພະແນກດັ່ງກ່າວໃຫ້ຮູ້ວ່າຕື່ມວ່າ: ສາເຫດທີ່ເຮັດໃຫ້ມູນຄ່າການສົ່ງອອກຂອງນະຄອນຫຼວງວຽງຈັນ
ຫຼຸດລົງນັ້ນ ຍ້ອນໄດ້ຮັບອິດທິຜົນຈາກວິກິດການເຂດເອີ ໂຣຢູ່ເອີຣົບ,ພາວະເສດຖະກິດໂລກທີ່ນັບມື້ນັບຫລຸດຖອຍ
ແລະ ຄວາມບໍ່ໝັ້ນທ່ຽງຂອງລາຄາສິນຄ້າບາງປະເພດໂດຍສະເພາະແມ່ນລາຄານ້ຳມັນທີ່ນັບມື້ນັບເໜັງຕີງນັ້ນໄດ້ສົ່ງຜົນກະທົບໂດຍກົງຕໍ່ການສົ່ງອອກ.
ນອກນັ້ນ ຜົນກະທົບຈາກໄພທຳມະຊາດຕ່າງໆເປັນຕົ້ນແມ່ນໄພນ້ຳຖ້ວມ, ພາຍຸຝົນ ແລະ
ໄພແຫ້ງແລ້ງນັ້ນກໍເປັນມູນເຫດເຮັດໃຫ້
ການສົ່ງອອກຂອງນະຄອນຫຼວງຫຼຸດລົງເຊັ່ນກັນ
ໂດຍສະເພາະແມ່ນການສົ່ງອອກຂອງຂະແໜງກະສິກຳ. ເຖິງແມ່ນວ່າສົກປີຜ່ານມາມູນຄ່າ
ການລົງທຶນເຂົ້າໃນຂະແໜງການຕ່າງໆທັງພາຍໃນ ແລະ ຕ່າງປະເທດ,ພາກລັດ ແລະ ເອ
ກະຊົນ ນັບມື້ນັບເພີ່ມຂຶ້ນ ໂດຍໃນສົກປີ 2011 - 2012 ຜ່ານມາ, ພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ
ໄດ້ຮັບແຈ້ງຂຶ້ນ ທະບຽນວິສາຫະກິດຈຳນວນທັງໝົດ 2.506 ຫົວໜ່ວຍ,ເປັນທຶນທັງໝົດ
2.749 ຕື້ກວ່າກີບ ແລະ 2 ແສນໂດລາສະຫະລັດທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນຈຳນວນ
1 ພັນກວ່າຫົວ ໜ່ວຍເທົ່າກັບ 358,97%.ນອກນັ້ນ ທາງພະແນກກໍໄດ້ມີການແບ່ງຂັ້ນຄຸ້ມຄອງໃໝ່ລະຫວ່າງກະ
ຊວງ ແລະ ພະແນກ, ສ້າງເງື່ອນໄຂ ແລະສະພາບແວດລ້ອມທີ່ອຳນວຍໃຫ້ແກ່ການຄ້າກັບປະເທດຕ່າງໆໃນໂລກ.
ຕາມທິດທາງແຜນການໃນສົກປີ 2012
- 2013, ພະແນກອຸດສາຫະກຳ ແລະ ການຄ້ານະຄອນຫຼວງນະຄອນຫຼວງຕັ້ງເປົ້າການສົ່ງອອກໃຫ້ເພີ່ມຂຶ້ນຈາກປີຜ່ານມາ
ໂດຍການຕັ້ງໜ້າຜັນຂະຫຍາຍທິດທາງແຜນນະໂຍບາຍຂອງພັກ - ລັດ ເຂົ້າໃນການຈັດຕັ້ງປະຕິບັດວຽກງານຕາມພາລະບົດບາດ, ສິດ,
ໜ້າທີ່ຂອງຕົນ, ນຳພາການຈັດຕັ້ງປະຕິ ບັດ,ສືບຕໍ່ດັດ ສົມໂຮງງານ ແລະ ປັບປຸງຕາມຂໍ້ຕົກລົງວ່າດ້ວຍມາດຕະຖານໂຮງງານດິນຈີ່,
ໂຮງງານເຫຼັກ, ສືບຕໍ່ວຽກງານຄຸ້ມຄອງໂຮງງານ ອຸດສາຫະກຳປຸງ ແຕ່ງ ແລະ ຫັດຖະກຳເຂົ້າສູ່ລະບຽບການ
ແລະ ເອົາໃຈໃສ່ໃນການຊີ້ນຳໆພາແກ້ໄຂບັນຫາສະ ພາບແວດລ້ອມຂອງໂຮງງານໃຫ້ດີຂຶ້ນ
ແລະ ມີແຜນປ້ອງກັນແຕ່ຫົວທີ, ສືບຕໍ່ລົງເກັບກຳຂໍ້ມູນສະ
ພາບການເຄື່ອນໃຫວຂອງຫ້ອງ ການ ອຸດສາຫະກຳ ແລະ ການຄ້າ 9 ເມືອງ, ສືບຕໍ່ຊຸກຍູ້ ແລະ ຕິດຕາມການກໍ່ສ້າງໂຄງການປຸກສ້າງສູນການຄ້າຕະຫລາດທາດ
ຫລວງ, ຕະຫລາດເຊົ້າຊອບປິ້ງມໍ ຫຼັງທີ 2,ເອົາໃຈໃສ່ຕິດຕາມ, ກວດກາຄຸ້ມຄອງສິນຄ້າ - ລາຄາ ຢູ່ຕາມທ້ອງຕະຫລາດ
ໃນນະຄອນ ຫລວງວຽງຈັນຢ່າງເປັນປົກກະຕິ ເພື່ອບໍ່ໃຫ້ມີຊ່ອງຫວ່າງໃຫ້ຊາວຄ້າຂາຍສວຍໂອກາດຂຶ້ນລາຄາສືບຕໍ່ກວດກາ
ແລະ ຈັດສັນດິນໃນເຂດອຸດສາຫະກຳຫລັກ 21 ແລະ ຕິດຕາມຄຸ້ມຄອງການປຸກສ້າງພາຍໃນເຂດ,
ເພີ່ມທະວີການກວດກາ ແລະ ສະກັດກັ້ນການຄ້າຂາຍເຖື່ອນຫລືນອກລະບົບ ແລະ ການດຳເນີນທຸລະກິດທີ່ບໍ່ຖຶກຕ້ອງ
ທຸກຮູບແບບ,ສ້າງລະບຽບ ການຄຸ້ມຄອງ ແລະ ນະໂຍບາຍຕ່າງໆກ່ຽວກັບເຂດອຸດສາຫະກຳ ໂຄກສະອາດເພື່ອດຶງດູດນັກລົງທຶນທັງພາຍໃນ
ແລະ ຕ່າງປະ ເທດເຂົ້າມາລົງທຶນພາຍໃນເຂດໃຫ້ຫລາຍຂື້ນແລະສືບຕໍ່ຄຸ້ມຄອງຕິດຕາມກວດກາໂຮງງານຢູ່ໃນເຂດອຸດສາຫະກຳໂຄກສະ
ອາດເພື່ອຮັບປະກັນຄວາມສະຫງົບປອດໄພ, ຍົກສູງຄຸນນະພາບຜະລິດຕະພັນ ແລະ ປ້ອງກັນສິ່ງແວດລ້ອມ.
No comments:
Post a Comment