ຜູ້ທີ່ໄປຮັບຍາດຕິພີ່ນ້ອງທີ່ເດີນທາງມາຈາກແຂວງຕ່າງໆ
ຫລາຍຄົນສະແດງຄວາມບໍ່ພໍໃຈຕໍ່ການເກັບເງິນຄ່າຜ່ານເຂົ້າໄປໃນສະຖານີຂົນສົ່ງໂດຍສານ
ໂດຍສະເພາະສະຖານີສາຍເໜືອ ແລະ ສາຍໃຕ້ ໃນລາຄາ 3.000 ກີບ ສຳ ລັບລົດຈັກ ແລະ
5.000 ກີບ ສຳ ລັບລົດໃຫຍ່ແມ່ນດ້ວຍເຫດຜົນ ໃດ. ຍ້ອນວ່າ: ສະຖານີຂົນສົ່ງໂດຍ ສານແມ່ນສະຖານທີ່ໃຫ້ບໍລິ
ການຂົນສົ່ງສາທາລະນະທີ່ທຸກຄົນສາມາດເຂົ້າໃຊ້ບໍລິການໄດ້ຢ່າງທົ່ວເຖິງ, ແຕ່ມາຮອດດຽວນີ້
ສະຖານີດັ່ງກ່າວພວມຈະກາຍເປັນບ່ອນທີ່ຫລາຍຄົນບໍ່ຢາກເຂົ້າໄປທາງໃນ ໂດຍສະເພາະສະຖານີຂົນສົ່ງສາຍເໜືອ
ແລະ ສາຍໃຕ້ ຍ້ອນມີການເກັບເງິນກັບຜູ້ໃດ ເຂົ້າໄປເພື່ອຈະຮັບເອົາຍາດພີ່
ນ້ອງ ຫລື ສິນຄ້າເຄື່ອງຂອງຕ່າງໆທີ່ຝາກມານຳລົດໂດຍ ສານ. ຖ້າຫາກບໍ່ຈ່າຍເງິນ
ເຈົ້າ ໜ້າທີ່ປ້ອງກັນປະຈຳສະຖານີກໍຈະບໍ່ອະນຸຍາດໃຫ້ເອົາລົດຜ່ານເຂົ້າໄດ້ໂດຍເດັດຂາດ.
ເຖິງວ່າຈະມີເຄື່ອງຫລາຍປານໃດກໍຕາມ ເຊິ່ງການກະທຳດັ່ງກ່າວຖືວ່າແມ່ນການວາງມາດຕະການທີ່
ເປັນການບີບບັງຄັບຜູ້ມາໃຊ້ບໍລິ
ການໂດຍກົງເຖິງວ່າການເກັບຄ່າຜ່ານປະຕູຈະບໍ່ຫລາຍ, ແຕ່ໃນມື້ ໜຶ່ງແມ່ນມີລົດຫລາຍຮ້ອຍຄັນເຂົ້າໄປຮັບ-ສົ່ງຍາດພີ່ນ້ອງ
ຫລື ເຄື່ອງຂອງຕ່າງໆ. ດັ່ງນັ້ນ ຕໍ່ສະ ພາບດັ່ງກ່າວ ພາກສ່ວນກ່ຽວ ຂ້ອງຄວນໄດ້ມີການຊອກຫາວິທີຄຸ້ມຄອງແກ້ໄຂຢ່າງເໝາະສົມ
ເພື່ອບໍ່ໃຫ້ນັກລົງທຶນ ຫລື ຜູ້ສຳປະທານສວຍໂອກາດຫາລາຍຮັບເຂົ້າຖົງຢ່າງບໍ່ມີເຫດຜົນຄືດັ່ງ
ກ່າວມານີ້.
No comments:
Post a Comment