ວັນ 14 ກຸມພາ ເຊິ່ງຜ່ານມານີ້
ຊາວໜຸ່ມລາວຈຳນວນໜຶ່ງກໍເຫີ່ກັບວັນດັ່ງກ່າວ ເຊິ່ງພວກເຂົາເອີ້ນວ່າ:
ວັນແຫ່ງຄວາມຮັກ ແລະ ຄິດວ່າເປັນວັນສຳຄັນທີ່ສຸດ ຂອງຄວາມຮັກ.ຕໍ່ບັນຫາດັ່ງ
ກ່າວ,ທ່ານນາງ ດາໄລວັນ ແກ້ວ ນະຄອນ ຫົວໜ້າສູນສຸຂະພາບ ແລະ ພັດທະນາໄວໜຸ່ມໄດ້ອະທິ
ບາຍຕໍ່ນັກຂ່າວໜັງສືພິມລາວພັດ ທະ ນາຂອງພວກເຮົາວ່າ:ບໍ່ຢາກໃຫ້ທຸກຄົນເຂົ້າໃຈຜິດ ແລະ
ຫຼົງໄຫຼຕໍ່ວັນທີ 14 ກຸມພາຫຼາຍຈົນ ເກີນໄປໂດຍສະ ເພາະແມ່ນໄວໜຸ່ມ. ສຳລັບວັນແຫ່ງ ຄວມຮັກໃນເມື່ອກ່ອນຢູປະເທດລາວຂອງພວກເຮົາແມ່ນບໍ່ມີ,
ວັນແຫ່ງ ຄວາມຮັກເຂົ້າມາລາວ ຂອງພວກເຮົາໄດ້ປະມານ 10 ປີ ທີ່ນຳມາປະຕິບັດຕາມຕ່າງປະເທດເອີຣົບ.
ໃນເມື່ອກ່ອນວັນແຫ່ງ ຄວາມຮັກບໍ່ໄດ້ນຳມາປະຕິບັດຄືປັດຈຸບັນ, ເຊັ່ນພໍຮອດວັນດັ່ງກ່າວກໍຈະມີການຊື້ດອກໄມ້,
ຂອງ ຂວັນໃຫ້ເຊິ່ງກັນແລະກັນ, ຊວນກັນໄປຫຼິ້ນໄປທ່ຽວ, ມີການສະຫຼອງດື່ມເຫຼົ້າເມົາສຸລາເປັນຕົ້ນ
ແລະການສະ ແດງຄວາມຮັກສ່ວນຫຼາຍກໍຈະເປັນລັກສະນະຊູ້ສາວຫລາຍກວ່າ, ສ່ວນການສະແດງ
ຄວາມຮັກຕໍ່ພໍ່ແມ່, ອ້າຍ ນ້ອງແລະ
ຄູບາອາຈານແບບເມື່ອກ່ອນສ່ວນໜຶ່ງແມ່ນຖືກລືມໄປແລ້ວແລະໃນ ອິກບໍ່ທໍ່ໃດມີ້ຂ້າງໜ້າກໍຈະແມ່ນ ວັນແຫ່ງຄວາມຮັກຫຼາຍໆຄົນບໍ່ວ່າຈະຢູ່ບ່ອນໃດ,ແຂວງໃດສ່ວນຫຼາຍກໍຈະມີການກະກຽມນັດຄູ່ຮັກ ແລະ
ຄິດ
ຫາວິທີການສະແດງຄວາມຮັກຕໍ່ໜູ່ຄູ່ກໍຄືແຟນສາວຂອງຕົນໂດຍສະເພາະແມ່ນຜູ້ທີ່ຈະກ້າວເຂົ້າສູ່ໄວໜຸ່ມແລະ
ຈະກາຍເປັນຜູ້ໃຫ້ໃນອະນາຄົດໃນວັນແຫ່ງຄວາມຮັກທີ່ຈະມາເຖິງ. ການສະແດງຄວາມຮັກເປັນສິ່ງທີ່
ດີຖ້າປະ ຕິບັດຢູ່ໃນກັບຮີດຄອງປະເພນີ ແລະ ວັດທະນະທຳອັນດີງາມຂອງລາວເຮົາໝາຍວ່າຄວາມຮັກເຫລົ່ານັ້ນຈະສະ
ແດງອອກແນວໃດໃຫ້ມັນຈົບງາມຖືກກາລະເທສະແລະຮີດຄອງປະເພນີ, ການສະແດງຄວາມຮັກບໍ່ຈຳ
ເປັນຕ້ອງຫຼິ້ນກິນ,ດື່ມເຫຼົ້າເມົາສຸ ລາຈົນເກີນຂອບເຂດຫຼືເຖິງຂັ້ັນຂ້າມໄປເຖິງການມີເພດສຳພັນທີ່ບໍ່ເໝາະສົມ
ເພາະສິ່ງເຫຼົ່ານີ້ມັນຈະສົ່ງຜົນກະທົບໂດຍກົງ ແລະ ພາໃຫ້ເກີດຜົນເສຍຫາຍຫຼາຍຢ່າງ
ເຊັ່ນ:ການດື່ມເຫຼົ້າເມົາສຸ ລາເກີນຂອບເຂດອາດພາໃຫ້ເກີດອຸບັດເຫດ, ການມີເພດສຳພັນກ່ອນໄວ,
ອາດຈະພາໃຫ້ມີການຖືພາແບບບໍ່ ໄດ້ຕັ້ງໃຈເຊິ່ງເປັນການຜິດຕໍ່ຮີດຄອງປະເພນີ,
ຜິດຕໍ່ພໍ່ແມ່ຫຼືອາດຕິດພະຍາດຕ່າງໆເຊິ່ງຈະພາໃຫ້ເສຍເງິນ,ຄຳ ແລະ ເສຍຊີວິດໄດ້ ແລະ
ຄວາມສ່ຽງຕ່າງໆເຫຼົ່ານີ້ຈະ ບໍ່ໍເກີດຂຶ້ນຖ້າຫາກເຮົາມີສະຕິແລະ ການສະແດງຄວາມ ຮັກເຊິ່ງກັນ
ແລະ ກັນກໍ່ຄວນຢູ່ໃນຄວາມເໜາະສົມ. ທ່ານນາງ ດາໄລວັນ ຍັງກ່າວ ອີກວ່າ:ການສະແດງຄວາມ ຮັກບໍ່ແມ່ນຈະສະແດງແຕ່ວັນແຫ່ງຄວາມຮັກເທົ່ານັ້ນເຮົາສາມາດສະແດງຄວາມຮັກໄດ້ທຸກມື້ທຸກເວລາ
ເຊັ່ນ ການສະແດງຄວາມຮັກຕໍ່ພໍ່ແມ່, ອ້າຍນ້ອງ, ຄູບາອາຈານກໍຄີ ການປະພຶດສຶ່ງທີ່ດີ,
ຟັງຄວາມພໍ່ແມ່, ຄູບາ ອາຈານ, ສິ່ງນີ້ກໍເປັນການສະແດງເຖິງຄວາມຮັກ, ສ່ວນການສະແດງຄວາມຮັກກັບໜູ່ຄູ່,
ຊູ້ແຟນໃນປັດ ຈຸບັນສ່ວນຫຼາຍຈະ ຄິດວ່າການສະແດງຄວາມຮັກທຸກໆເທື່ອແມ່ນຕ້ອງມີເພດສຳພັນ
ນຳກັນສິ່ງດັ່ງກ່າວແມ່ນບໍ່ເໝາະສົມແລະເປັນສິ່ງທ່ີຜິດ,
ການສະແດງຄວາມຮັກທີ່ຖືກຕ້ອງກໍຄືໃຫ້ມັນເຖິງເວລາ, ໃຫ້ຖືກຕາມຮີດ ຄອງ ປະເພນີເຊັ່ນໄດ້ແຕ່ງດອງ,
ຈົດທະບຽນສົມລົດແລ້ວຈຶ່ງພ້ອມການມີເພດສຳພັນແຕ່ຖ້າຫາກຍັງເປັນນັກ ຮຽນນັກສຶກສາກໍຄວນຕັ້ງໃຈຮ່ຳຮຽນແລະປະຕິບັດຕົນໃຫ້ເປັນລູກທີ່ດີຂອງພໍ່ແມ່
ແລະ ສັງຄົມແມ່ນດີທີ່ສຸດ.
ທ່ານນາງ ດາໄລວັນ ໃຫ້ຮູ້ອີກ ວ່າ:
ສູນສຸຂະພາບແລະພັດທະນາ ໄວໜຸ່ມແມ່ນເຮັດວຽກກ່ຽວກັບ ການໃຫ້ ຄຳປຶກສາ,ໃຫ້ຄວາມຮູ້ດ້ານການຈະເລີນພັນຕໍ່ໄວໜຸ່ມ
ແລະ ຍັງເປັນສະຖານທີເຕົ້າໂຮມໄວໜຸ່ມໃນການ ແລກແປງຄຳຄິດຄຳເຫັນເຊິ່ງກັນແລະກັນ, ຖ້າຫາກໄວໜຸ່ມຄົນໃດຫາກມີບັນຫາ
ທາງຄອບຄົວ,ບັນຫາສ່ວນ ໂຕກໍສາມາດໂທມາປຶກສານຳສູ ໄວໜຸ່ມໄດ້. ນອກນັ້ນ, ສູນໄວ
ໜຸ່ມຍັງມີຄລີນິກໃຫ້ບໍລິການກວດສຸຂະ ພາບສຳລັບໄວໜຸ່ມ. ສູນສຸຂະພາບ ແລະ
ພັດທະນາໄວໜຸ່ມສ້າງຕັ້ງຂຶ້ນ ໃນປີ 2001 ແລະມາຮອດປີ 2010,
ມີໄວໜຸ່ມໂທເຂົ້າມາປືກສາຫຼາຍກວ່າ 20 ພັນຄົນ ແລະ ມາຮອດປີ 2011 ມີໄວໜຸ່ມເຂົ້າມາກວດສຸຂະພາບ
ຫຼາຍກວ່າ 4 ພັນຄົນ, ໃນປັດຈຸບັນກໍຄືອະນາຄົດ, ສູນໄວໜຸ່ມຍັງຈະໃຫ້ຄຳປຶກສາໄວໜຸ່ມໃນຂອບເຂດ
ທົ່ວປະເທດ.
No comments:
Post a Comment