ເອັສຊີຈີ ກຸ່ມທຸລະກິດຊັ້ນນ້ຳໃນພາກພື້ນອາຊຽນ
ມີການຂະ ຫຍາຍທຸລະກິດຢ່າງຕໍ່ເນື່ອງ ໂດຍການເປີດຮ້ານຕົວແທນຈຳໜ່າຍສິນຄ້າວັດສະດຸກໍ່ສ້າງ
“SCG Authorized Dealer” ແຫ່ງທຳອິດ ຢູ່ເມືອງທ່າແຂກ ແຂວງຄຳມ່ວນ ສປປ ລາວ ໂດຍເອັສຊີຈີຮ່ວມມືກັບຮ້ານຂາຍສິນຄ້າວັດສະດຸກໍ່
ສ້າງພະນົມພອນ ປັບປຸງຮ້ານຄ້າເດີມໃຫ້ເປັນສູນລວມສິນຄ້າວັດສະດຸກໍ່ສ້າງຈາກເອັສຊີຈີ
ເຊິ່ງມີຄຸນນະພາບດີ ແລະ ຫລາກຫລາຍຕາມຄວາມຕ້ອງການຂອງລູກຄ້າ ພາຍໃຕ້ກາສິນຄ້າ
“ກາຊ້າງ” ແລະ “ຄ໋ອດໂຕ” ໃນນີ້ເອັສຊີຈີວາງແຜນເປີດຮ້ານ “SCG Authorized
Dealer” ອີກ 2 ຮ້ານພາຍໃນປີ 2013.
ທ່ານ ອັກຄະລະພົນ ເດຊາຮັກ ຜູ້ອຳນວຍການຝ່າຍຕ່າງປະເທດ ບໍລິສັດ ເອັສຊີຈີ
ເທຣດດິງ ຈຳກັດ ກ່າວວ່າ: ເອັສຊີຈີ ໄດ້ວາງແຜນ ຈະຂະຫຍາຍທຸລະກິດໃນພາກພື້ນອາຊຽນ
ແລະມຸ່ງສູ່ການເປັນຜູ້ນຳ ຕະຫລາດໃນປີ 2015 ຈຶ່ງໄດ້ວາງແລະຂະ ຫຍາຍຊ່ອງທາງຈຳໜ່າຍ
ແລະ ສ້າງຄວາມເຂັ້ມແຂງໃຫ້ແກ່ເຄື່ອຂ່າຍຕົວແທນຈຳໜ່າຍສິນຄ້າວັດສະດຸກໍ່ສ້າງໃນທຸກປະເທດທີ່
ເອັສຊີຈີເຂົ້າໄປດຳເນີນທຸລະກິດ
ໂດຍສະເພາະຢູ່ລາວ ເຊິ່ງເປັນປະເທດທີ່ມີປະສິດທິພາບ ແລະ ມີທ່າອ່ຽງຈະເລີນເຕີບໃຫຍ່ຫລາຍໃນອະນາຄົດ
ໂດຍການເປີດຮ້ານ “SCG Authorized Dealer” ຖືເປັນຄວາມຕັ້ງໃຈຂອງເອັສຊີຈີທີ່ຈະດຳເນີນທຸລະກິດກັບຕົວແທນຈຳໜ່າຍສຳຄັນໃນໄລຍະຍາວ
ແລະ ມຸ່ງສູ່ຄວາມສຳເລັດຢ່າງຍາວນານຮ່ວມກັນໃນອະນາຄົດ.
ສຳລັບຮ້ານພະນົມພອນ ເລີ່ມ ດຳເນີນທຸລະກິດນັບແຕ່ປີ
2002 ເປັນຕົ້ນມາ ໂດຍເນັ້ນການຈຳ ໜ່າຍສິນຄ້າວັດສະດຸກໍ່ສ້າງຄຸນນະພາບດີຈາກພາຍໃນ
ແລະ ນຳເຂົ້າຈາກຕ່າງປະເທດ. ປັດຈຸບັນ ຮ້ານພະນົມພອນມີຍອດຂາຍປະ ມານ 2,5 ຕື້ກີບຕໍ່ປີ
ແລະ ມີເນື້ອທີ່ຫ້ອງໃຫ້ບໍລິການທັງໝົດ 200 ຕາແມັດ ແລະ ສາງເກັບສິນຄ້າອີກ
15.000 ຕາແມັດ ທີ່ເນັ້ນສະແດງສິນຄ້າກຸ່ມຫລັງຄາ,ຝາ, ເພດານ ພາຍໃຕ້ກາສິນຄ້າ “ກາຊ້າງ”
ລວມທັງສິນຄ້າກຸ່ມເຊຣາມິກ ແລະ ເຄື່ອງໃຊ້ຫ້ອງນ້ຳພາຍໃຕ້ກາສິນຄ້າ “ຄ໋ອດໂຕ”.
ຈາກການຮ່ວມພັດທະນາຮ້ານ “SCG Authorized
Dealer” ເທື່ອນີ້, ຮ້ານພະນົມພອນຈະໄດ້ຮັບສິດພິເສດ ທັງກິດຈະກຳສົ່ງເສີມການຂາຍ,
ການພັດທະນາຮ້ານ ແລະ ພະນັກງານ ແລະ ແບ່ງປັນຄວາມຮູ້ດ້ານທຸລະກິດທີ່ກ່ຽວຂ້ອງ
ເຊິ່ງ ຊ່ວຍໃຫ້ຮ້ານພະນົມພອນສາມາດນຳສະເໜີສິນຄ້າ ແລະ ບໍລິການກ່ຽວກັບສິນຄ້າວັດສະດຸກໍ່ສ້າງຈາກເອັສຊີຈີໄດ້ຢ່າງຄົບວົງຈອນ.
No comments:
Post a Comment