ປີນີ້ນະຄອນຫລວງວຽງຈັນມີ ເກືອບ 100 ໂຄງການພັດທະນາພື້ນຖານໂຄງລ່າງ

     ໃນປີ 2013 ນີ້,ຢູ່ນະຄອນ ຫລວງວຽງຈັນ ຈະມີການປ່ຽນແປງທາງດ້ານພື້ນ ຖານໂຄງລ່າງເພື່ອພິກ ໃບໜ້າ ເມືອງ ເອກຂອງປະເທດໃຫ້ມີຄວາມທັນສະໃໝ, ມີສະພາບແວດ ລ້ອມທີ່ດີ ແລະ ເປັນຕົວເມືອງທີ່ດຶງດູດນັກ ທ່ອງທ່ຽວຈາກ ທົ່ວ ໂລກ, ຫລັງຈາກພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນວາງ ແຜນການພັດທະນາພື້ນຖານໂຄງ ລ່າງເກືອບ 100 ໂຄງການ.

          ພະແນກດັ່ງກ່າວໃຫ້ຮູ້ຜ່ານແຜນການທີ່ຈະປະຕິ ບັດປີໃນ 2013 ວ່າ: ນະ ຄອນຫລວງວຽງຈັນມີແຜນພັດ ທະນາພື້ນຖານໂຄງລ່າງຈຳນວນ 97 ໂຄງການ, ໃນນັ້ນ ໂຄງການສືບຕໍ່ 47 ໂຄງການ ແລະ ໂຄງການສະ ເໜີໃໝ່ 50 ໂຄງການ ທີ່ມີມູນຄ່າຫລາຍສີບຕື້ກີບ. ສຳລັບການ ພັດທະນາທາງບົກແມ່ນສືບຕໍ່ສ້ອມແປງທາງທີ່ ເປ່ເພ, ການປູຢາງທັບເສັ້ນທາງບາງສາຍ ແລະ ສືບຕໍ່ກໍ່ສ້າງເສັ້ນທາງທີ່ນຳ

ໃຊ້ເງິນກູ້ຈາກສປຈີນໃຫ້ສຳເລັດ,ນອກຈາກນີ້ກໍຈະຊຸກຍູ້ໃຫ້ເອກກະຊົນພາຍໃນລົງທຶນໃສ່ໂຄງການທີ່ຈຳເປັນຕ່າງໆໃຫ້ມີຜົນລວມ ໄປເຖິງ ການ ກໍ່ສ້າງເສັ້ນທາງຊອຍສີ່ຕົວເມືອງໂດຍລັດ ແລະ ປະຊາຊົນຮ່ວມກັນເຮັດໃຫ້ສຳເລັດ. ສຳລັບການພັດທະ ນາທາງ ນ້ຳແມ່ນສື ບຕໍ່ກໍ່ສ້າງປ້ອງກັນຕາຝັ່ງເຈື່ອນຢູ່ເຂດເມືອງປາກງື່ມ, ເມືອງຫາດຊາຍຟອງ, ເມືອງສີໂຄດຕະບອງ ແລະ ເມືອງສັງທອງຈຳນວນ 7 ຈຸດໃຫ້ສຳເລັດ, ສ່ວນໂຄງການກໍ່ສ້າງຕາຝັ່ງເຈື່ອນໃໝ່ 10 ຈຸດ, ຄວາມຍາວປະ ມານ 17 ກິໂລແມັດ ຢູ່ເມືອງປາກງື່ມ, ເມືອງຫາດຊາຍຟອງ ແລະ ເມືອງສັງທອງແມ່ນຈະເລັ່ງປະຕິບັດ ໃຫ້ສຳ ເລັດຕາມແຜນ ແລະ ໂຄງການພັດທະນາແຄມຂອງ ທີ່ປະກອບມີການກໍ່ສ້າງປ້ອງກັນຕາຝັ່ງເຈື່ອນ ແລະ ຄູປ້ອງ ກັນນ້ຳຖ້ວມ ແຕ່ປາກປາສັກຫາບ້ານດ່ານຄຳ(ເກົ້າລ້ຽວ), ການສ້າງ ບ້ານຈັດສັນໜອງໜ້ຽວ, ການຊົດເຊີຍ ແລະ ຍົກຍ້າຍປະຊາຊົນທີ່ຍັງຄ້າງຢູ່ໃນບໍລິເວນໂຄງການແມ່ນໃຫ້ສຳເລັດໃນປີນີ້. ດ້ານປັບປຸງສະພາບແວດ ລ້ອມ ແມ່ນແນໃສ່ການຄຸ້ມຄອງຮ່ອງລະບາຍນ້ຳ, ແຫລ່ງນ້ຳທຳມະຊາດ ແລະ ປັບປຸງການບຳ ບັດລະບົບນ້ຳເປື້ອນ ໃນຕົວເມືອງໃຫ້ສະອາດກວ່າເກົ່າ ແລະ ກວດກາຄືນການຕິດຕັ້ງປ້າຍໂຄສະນາທີ່ບໍ່ເປັນລະບຽບຮຽບຮ້ອຍ ແລະ ບໍ່ຈົບງາມຕໍ່ ທິວທັດຂອງນະຄອນຫລວງວຽງຈັນໃຫ້ສຳເລັດໂດຍໄວ.