ສົກປີຜ່ານມາການສົ່ງອອກຂອງແຂວງຄຳມ່ວນເພີ່ມຂຶ້ນ 13%

             ສົກປີ 2011 - 2012 ຜ່ານມາ ຍອດການສົ່ງອອກຂອງ ແຂວງຄຳມ່ວນ ບັນລຸ 28 ລ້ານກວ່າ ໂດລາສະຫະລັດເພີ່ມ ຂຶ້ນ 13,18% ທຽບໃສ່ໄລຍະດຽວກັນຂອງປີຜ່ານມາສາເຫດຍ້ອນຫຼາຍຂະແໜງການຜະ ລິດມີບາດກ້າວ ເຕີບໃຫຍ່ຂະຫຍາຍ ຕົວ ພ້ອມຕັ້ງເປົ້າ ຍອດການສົ່ງອອກສົກປີ 2012 - 2013 ນີ້ ຢູ່ໃນລະດັບ 46 ລ້ານກວ່າໂດລາສະຫະລັດ ໂດຍການລົງ ທຶນ ເຂົ້າໃນການປັບປຸງພື້ນຖານໂຄງລ່າງ ແລະ ເພີ່ມສະມັດ ຕະພາບຂອງຜົນຜະລິດແນ່ໃສ່ເຮັດໃຫ້ບັນຍາກາດການຄ້າພາຍໃນ ແລະ ຕ່າງປະເທດດີຂຶ້ນກວ່າເກົ່າ.

     ພະແນກອຸດສາຫະກຳ ແລະ ການຄ້າ ແຂວງຄຳມ່ວນ ໃຫ້ຮູ້ວ່າ: ສົກປີຜ່ານມາມູນຄ່າການສົ່ງ ອອກຂະ ແໜງການຕ່າາງໆຂ ອງແຂວງບັນລຸມູນຄ່າຫຼາຍກວ່າ 28 ລ້ານໂດລາສະຫະລັດ ເພີ່ມຂຶ້ນ 13,18 % ທຽບກັບໄລ ຍະດຽວກັນຂອງປີ ຜ່ານມາ ໂດຍ ສິນຄ້າທີ່ສົ່ງອອກຕົ້ນຕໍ່ຂອງແຂວງດັ່ງກ່າວໄດ້ແກ່:ໄມ້ ​ແລະ ຜະລິດ​ຕະພັນ​ໄມ້ ເຊິ່ງມີມູນ​ຄ່າ​ປະມານ 7 ລ້ານກວ່າໂດລາສະຫະ ລັດ, ການສົ່ງອອກແຮ່​ທາດບັນລຸ​ປະມານ 16 ກວ່າລ້ານໂດ ລາ ສະຫະລັດ, ການສົ່ງອອກຜະລິດຕະພັນກະສິກຳ, ອຸດສາຫະກຳ ແລະ ອື່ນໆບັນລຸ 4 ລ້ານກວ່າໂດລາສະ ຫະລັດ ໂດຍສິນຄ້າສ່ວນໃຫຍ່ແມ່ນສົ່ງອອກໄປຍັງ ສສ ຫວຽດນາມ, ສປ ຈີນ, ໄທ, ມາເລເຊຍ, ອົດສຕຣາລີ ແລະ ຍີ່ປຸ່ນດັ່ງນີ້ເປັນຕົ້ນ.

         ຄຽງຄູ່ກັບການສົ່ງອອກທີ່ເພີ່ມຂຶ້ນນັ້ນໃນປີຜ່ານມາອັດຕາການນຳເຂົ້າສິນຄ້າຈາກຕ່າງປະເທດກໍເພີ່ມຂຶ້ນ ໂດຍມູນຄ່າການນຳເຂົ້າໃນສົກປີຜ່ານມາມີປະມານ 200 ກວ່າລ້ານໂດລາສະຫະລັດ ເພີ່ມຂຶ້ນ 159% ໂດຍສິນ ຄ້າສິນຄ້າທີ່ນຳເຂົ້າຫຼາຍກ່ວາໝູ່ແມ່ນສິນຄ້າປະເພດແຜນແພ - ເຄື່ອງນຸ່ງຫົ່ມ - ເຄື່ອງໃຊ້ສອຍປະຈຳວັນ, ຮອງ ລົງມາແມ່ນເຄື່ອງອຸດສາຫະກຳ, ວັດສະດຸກໍ່ສ້າງ, ພາຫະນະ ແລະ ອາໄຫຼ່.

            ສາເຫດທີ່ເຮັດໃຫ້ມູນຄ່າການສົ່ງອອກເພີ່ມຂຶ້ນນັ້ນເນື່ອງຈາກການລົງທຶນເຂົ້າໃນຂະແໜງການຕ່າງໆ ເພີ່ມຂຶ້ນທັງພາຍໃນ ແລະ ຕ່າງປະເທດ ນອກນັ້ນພາກສ່ວນຕ່າງໆທີ່ກ່ຽວຂ້ອງຂອງແຂວງກໍໄດ້ສ້າງເງື່ອນໄຂ ແລະ ສະພາບແວດລ້ອມທີ່ເອື້ອອຳນວຍໃຫ້ແກ່ການລົງທຶນຜະລິດ ແລະ ສົ່ງອອກພ້ອມນັ້ນ ບັນຍາກາດການ ຄ້າລະຫວ່າງປະເທດໂດຍສະເພາະແມ່ນການຄ້າກັບບັນດາປະເທດອ້ອມຂ້າງພວມມີທ່າກ້າວທີ່ຂະຫຍາຍຕົວດີ;ຄຽງຄູ່ກັບປັດໄຈຕ່າງໆທີ່ກ່າວມາຂ້າງເທິງນັ້ນ ທາງການຈັດຕັ້ງທີ່ກ່ຽວຂ້ອງກໍໄດ້ເອົາໃຈໃສ່ຊີ້ນຳນຳພາ ແລະ ຊຸກຍູ້ໃຫ້ຫົວໜ່ວຍທຸລະກິດຕ່າງໆເພີ່ມທ່າແຮງ ແລະ ຂີດຄວາມສາມາດດ້ານການຜະລິດ ແລະ ສົ່ງອອກ ແນ່ໃສ່ເຮັດໃຫ້ສິນຄ້າທີ່ສົ່ງອອກໃຫ້ເປັນທີ່ນິຍົມ ແລະ ຍອມຮັບຈາກຜູ້ບໍລິໂພກ. ຕາມທິດທາງແຜນການໃນ ສົກປີ 2012 - 2013 ນີ້ ທາງແຂວງຈະພະຍາຍາມສູ້ຊົນເຮັດໃຫ້ມູນຄ່າການສົ່ງອອກບັນລຸ 46 ກວ່າ ລ້ານໂດ ລາສະຫະລັດ ໃນນັ້ນການສົ່ງອອກຕາມແຜນໃຫ້ໄດ້ 27 ກວ່າລ້ານໂດລາສະຫະລັດ, ການສົ່ງອອກການຄ້າ ຊາຍແດນ 1 ລ້ານກວ່າໂດລາ ສະຫະລັດ ແລະ ການສົ່ງອອກ ນອກ​ແຜນ​ປະມານ 5 ລ້ານ ກວ່າໂດລາສະ ຫະລັດ ໂດຍການເພີ່ມສະມັດຕະພາບ ແລະ ທ່າແຮງດ້ານການລົງທຶນຜະລິດສິນຄ້າໃນຂະແໜງການ ຕ່າງໆ ເປັນຕົ້ນແມ່ນຂະແໜງກະສິກຳ, ອຸດສາຫະກຳ, ພະ ລັງງານ ແລະ ແຮ່ທາດ ໂດຍການປັບປຸງກົງຈັກການບໍລິ ຫານຄຸ້ມຄອງ,ຊຸກຍູ້ສົ່ງເສີມ ແລະ ສະໜັບສະໜູນໃຫ້ພາກສ່ວນນັກລົງທຶນຕ່າງໆທັງພາຍໃນ ແລະ ຕ່າງປະ ເທດເຂົ້າມາ ລົງທຶນເຂົ້າໃນໂຄງການພັດທະນາຕ່າງໆດ້ວຍບັນຍາກາດທີ່ຟົດຟື້ນຂຶ້ນກວ່າເກົ່າ.